2017 – جىلى جۇڭگو بوكس پاتشاسى جارىسى حاڭجوۋدا وتكىزىلدى

  • كەلۋ قاينارى: حالىق تورابى
  • 09:24:19 11/01/2018

    

    حالىق تورابى، 8 – قاڭتار، بەيجيڭ. 2017 – جىلى جۇڭگو بوكس پاتشاسى جارىسى 75 كيلوگرام سالماقتاعىلاردىڭ التىن بەلبەۋگە تالاسۋ جارىسى 6 – قاڭتار كۇنى حاڭجوۋ قالاسىنىڭ گۋاڭشا دەنە تاربيە سارايىندا وتكىزىلىپ، سوڭىندا شينجياڭ بوكس شەبەرى توقتاربەك تاڭاتقان تيانجين مەملەكەتتىك سپورت جارىسىنىڭ اعا جۇلدەگەرى ۋىن ينحاڭنىڭ قولىنان التىن بەلبەۋدى جەڭىپ الدى، سونىمەن قاتار تيانجين مەملەكەتتىك سپورت جارىسىندا كەتكەن ەسەسىن قايتاردى.

ۋىن ينحاڭ تيانجين مەملەكەتتىك سپورت جارىسى 75 كيلوگرام سالماقتاعىلار بوكس جارىسى التىن مەدالىنىڭ يەگەرى، سونىمەن قاتار تۇڭعىش كەزەكتى جۇڭگو بوكس پاتشاسى جارىسى 75 كيلوگرام سالماقتاعىلار بويىنشا قاتارىنان ەكى رەت اعا جۇلدەگەر بولعان بوكس شەبەرى. توقتاربەك تاڭاتقان 75 كيلوگرام سالماقتاعىلار ىشىندە كەيىن شىققان بوكس شەبەرى، جاقىنعى ەكى جىلداعى ناتيجەسى كەرەمەت بولىپ، تۇڭعىش رەت قاتىناسقان مەملەكەتتىك سپورت جارىسىندا كۇمىس مەدالعا يە بولعان، ونىڭ سول كەزدەگى قارسىلاسى ءدال وسى ۋىن ينحاڭ بولاتىن.

جارىس بارىسىندا، ەكەۋىدە كەرەمەت ونەر كورسەتىپ، 8 رەتكە دەيىن جۇدىرىقتاسسا دا، ءبىر – ءبىرىن قۇلاتا المادى. جارىس سوڭىنداعى ناتيجەسى 78:74، 75:77، 75:77 بولىپ، سوڭىندا تورەشىنىڭ تورەلىك ەتۋى بويىنشا، توقتاربەك تاڭاتقان 2:1 ۇپايمەن قارسىلاسىن جەڭىپ، 2017 – جىلعى جۇڭگو بوكس پاتشاسى جارىسىنىڭ «بوكس پاتشاسى» اتاندى.

جاۋاپتى رەداكتور: گۇلدەن ماقسات قىزى