ەگيپەتتىڭ پرەزيدەنت سايلاۋى ناۋرىز ايىندا وتكىزىلەدى

  • كەلۋ قاينارى: حالىق تورابى
  • 08:59:04 11/01/2018

    

    شينحۋا اگەنتتىگى، 8 – قاڭتار، بەيجيڭ (جىڭ كايلۇن، لي ي - يان) ەگيپەتتىڭ مەملەكەتتىك سايلاۋ كوميتەتى 8 – قاڭتاردا كايردە اقپار جاريالاۋ جيىنىن اشىپ، ەگيپەتتىڭ 2018 – جىلعى پرەزيدەنت سايلاۋىن 26 – ناۋرىزدان 28 – ناۋرىزعا دەيىن وتكىزەتىنىن، شەتەلدەگى ەگيپەت ازاماتتارىنىڭ 16 – ناۋرىزدان 18 – ناۋرىزعا دەيىن الدىن الا داۋىس بەرە الاتىنىن جاريالادى.


ەگيپەت مەملەكەتتىك سايلاۋ كوميتەتىنىڭ ءتوراعاسى راحيم يبراحيمنىڭ اقپار جاريالاۋ جيىنىندا ايتۋىنشا، پرەزيدەنت سايلاۋىنا كانديداتتاردى تىزىمدەۋ ۋاقىتى 20 – قاڭتاردان 29 – قاڭتارعا دەيىن بولىپ، كانديداتتاردىڭ سايلاۋ الدىنداعى ناۋقانى 24 – اقپاننان باستالادى.


يبراحيمنىڭ ايتۋىنشا، پرەزيدەنت سايلاۋىنىڭ ءبىرىنشى كەزەڭدىك داۋىس بەرۋ ناتيجەسى 2 – ساۋىردە جاريالانادى. ەگەر، ءبىرىنشى كەزەڭدىك داۋىس بەرۋدە سايلاۋشىلاردىڭ جارىمىنان استامىنىڭ داۋىسىنا يە بولعان كانديدات بولماسا، وندا سايلاۋدىڭ ەكىنشى كەزەڭى وتكىزىلەدى. ەگەر سايلاۋدىڭ ەكىنشى كەزەڭى وتكىزىلەتىن بولسا، وندا شەتەلدەگى ەگيپەت ازاماتتارى 19 – ساۋىردەن 21 – ساۋىرگە دەيىن داۋىس بەرەدى، ەگيپەتتىڭ ەل ىشىندەگى سايلاۋشىلارى 24 – ساۋىردەن 26 – ساۋىرگە دەيىن داۋىس بەرەدى. سايلاۋدىڭ ەڭ سوڭعى ناتيجەسى 1 – مامىر كۇنى جاريالانادى.


ەگيپەت پرەزيدەنتى سيسي 2018 – جىلعى پرەزيدەنت سايلاۋىنا قاتىناساتىن – قاتىناسپايتىنىن ءالى رەسمي جاريالامادى، الايدا، ەگيپەتتەگى جاماعات پىكىرى ول پرەزيدەنت سايلاۋىنا قاتىناسادى دەپ قارايدى.


ەگيپەت اتا زاڭىنىڭ وزگەرىس ەنگىزىلگەن نۇسقاسىنا نەگىزدەلگەندە، ەگيپەت پرەزيدەنتىنىڭ مىندەت وتەۋ مەرزىمى 4 جىل، ءبىر رەت قايتا سايلانۋىنا بولادى.


جاۋاپتى رەداكتور: گۇلدەن ماقسات قىزى