رايونىمىز قوعامدىق قامسىزداندىرۋ بويىنشا حالىققا تيىمدىلىك جاساۋ ينجەنەرياسىن بارىنشا ىلگەرىلەتتى

  • كەلۋ قاينارى: شينجياڭ گازەتى تورابى
  • 10:47:54 11/01/2018

    بيىل قالا، اۋىل تۇرعىندارىنىڭ ەمدەلۋ قامسىزداندىرۋىنا قاتىناسۋ ارناۋلى ارەكەتى جاپپاي اتقارىلادى

    

    ءتىلشىمىز لي چۇنشيا، پراكتيكانت ديڭ جيڭ 9 - قاڭتاردا ۇرىمجىدەن حابارلايدى. پارتيا 19 - قۇرىلتايى بايانداماسىندا مىنالار العا قويىلدى: قوعامدىق قامتاماسىزداندىرۋ جۇيەسى قۇرىلىسىن كۇشەيتۋ كەرەك. تومەنگى ولشەمنەن تۇسىرمەۋ، توردى بەرىك توقۋ، مەحانيزم ورناتۋ تالابى بويىنشا، جالپى حالىقتى تۇتاس قامتيتىن، قالا مەن اۋىل ءبىر تۇتاس جوسپارعا الىناتىن، ۇقىق پەن مىندەت ايقىن، ۇيلەسىمدى قامتاماسىز ەتىلەتىن، باياندى، كوپ ساتىلى قوعامدىق قامتاماسىزداندىرۋ جۇيەسىن جاپپاي قۇرۋ كەرەك. 2018 - جىلى رايونىمىز شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، قوعامدىق قامتاماسىزداندىرۋ بويىنشا حالىققا تيىمدىلىك جاساۋ ينجەنەرياسىن ءۇرتىس، ىشكەرىلەي ىلگەرىلەتىپ، نەگىزگى زەينەتكەرلىك قامسىزداندىرۋىنا، نەگىزگى ەمدەلۋ قامسىزداندىرۋىنا، جۇمىسسىزدىق قامسىزداندىرۋىنا، جۇمىس ۇستىندە جارالانۋ قامسىزداندىرۋىنا، تۋىت قامسىزداندىرۋىنا قاتىناسقانداردىڭ سانىن جەكە - جەكە 10 ميلليون 460 مىڭعا، 18 ميلليون 300 مىڭعا، 2 ميلليون 490 مىڭعا، 2 ميلليون 640 مىڭعا، 2 ميلليون 580 مىڭعا جەتكىزۋگە كۇش سالادى؛ ءبىر ميلليون 600 مىڭ قوعامدىق قامتاماسىزداندىرۋ كارتچكاسىن تىڭنان تاراتىپ، جازاتايىم زاقىمدالۋ قامسىزداندىرۋىنىڭ جالپى حالىقتى قامتۋىن، سالماقتى ناۋقاس قامسىزداندىرۋىنىڭ نەگىزگى ەمدەلۋ قامسىزداندىرۋىنا قاتىناسقانداردى تولىق قامتۋىن جۇزەگە اسىرادى؛ حالىقتى وزەك ەتۋگە باستان - اياق تاباندى بولىپ، ناۋقاستانسا ەمدەلەتىن شيپاحانا، قارتايعاندا كۇتىمدەلەتىن ورىن بولۋ جاعىندا ۇزدىكسىز تىڭ ىلگەرىلەۋشىلىككە قول جەتكىزىپ، ءار ۇلت بۇقاراسىنىڭ بىرگە قۇرۋ، دامۋدان بىرگە يگىلىكتەنۋ بارىسىندا ءتىپتى دە كوپ تابىس سەزىمىنە قول جەتكىزۋىنە مۇمكىندىك جاسايدى.

    8 - قاڭتاردا اشىلعان اۆتونوميالى رايوندىق ادام كۇش بايلىعى جانە قوعامدىق قامتاماسىزداندىرۋ قىزمەتى ماجىلىسىنەن ۇعىسۋىمىزشا، بيىل رايونىمىز جالپى حالىقتىڭ قامسىزداندىرۋعا قاتىناسۋىن ۇزدىكسىز ىلگەرىلەتىپ، قالا، اۋىل تۇرعىندارىنىڭ، كاسىپورىندارداعى جۇمىسشى - قىزمەتكەرلەردىڭ، مەكتەپتەگى وقۋشىلاردىڭ قامسىزداندىرۋعا قاتىناسۋىن ءتۇيىن ەتە وتىرىپ، ارناۋلى قيمىل ورىستەتىپ، قاتىناس - تاسىمال، سۋ يگىلىگى، ازاماتتىق اۆياتسيا، ەنەرگيا سياقتى كاسىپ سالاسىنىڭ نىسان بويىنشا جۇمىس ۇستىندە جارالانۋ قامسىزداندىرۋىنا قاتىناسۋىن ىلگەرىلەتىپ، يكەمدى باسقارۋدى جانە كەڭ كولەمدى قامتۋدى جۇزەگە اسىرادى. ورگانداردىڭ، ءىسورىندارىنىڭ زەينەتكەرلىك قامسىزداندىرۋ ءتۇزىمى رەفورماسىن ۇزدىكسىز ىلگەرىلەتىپ، قالا، اۋىل تۇرعىندارىنىڭ ەمدەلۋ قامسىزداندىرۋى ءتۇزىمى بىرىكتىرىلگەننەن كەيىنگى ورنىقتى اينالىم جاساۋىنا كەپىلدىك ەتىپ، ۇزاق ۋاقىت كۇتىمدەۋ قامسىزداندىرۋى مەن جۇمىسشى - قىزمەتكەرلەردىڭ امبولاتوريالىق ەمدەلۋ اقىسىن ءبىر تۇتاس جوسپارلاۋ سىناق ءتۇيىنىن كەڭەيتەدى. ەمدەلۋ قامسىزداندىرۋىنان تولەۋ ءتاسىلى رەفورماسىن ۇزدىكسىز ىلگەرىلەتەدى.

جاۋاپتى رەداكتور: جازيرا بولاتباي قىزى