جاۋ تيانجيە تەكەس اۋدانىندا تەكسەرۋ – زەرتتەۋ جۇرگىزگەندە مىنانى تالاپ ەتتى: «جەر ۇيىعى» _ جاڭا ىلەنى باياندىلىق نەگىزىندە كوركەيتەيىك

  • كەلۋ قاينارى: ىلە گازەتى
  • 02:57:11 12/01/2018

    جاۋ تيانجيە تەكسەرۋ – زەرتتەۋ بارىسىندا مىنانى باسا دارىپتەدى: وبلىسقا توتە قاراستى ءار دارەجەلى پارتيا ۇيىمدارى «قاۋىرت ۇيرەنۋ، زور تالقى جۇرگىزۋ، جاپپاي قورىتىندىلاۋ، تەرەڭ تولعانۋ، جۇيەلى جوسپار جاساۋ، بارىنشا امالياتتا ايگىلەۋ» قيمىلىن ىشكەرىلەي ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇعىنۋى، اۆتونوميالى رايوندىق پارتكوم مەن وبلىستىق پارتكومنىڭ جاڭا دامۋ تانىمى جونىندەگى ءتۇرلى تالاپتارىندا تاباندى بولىپ جانە ونى ىشكەرىلەي دايەكتى تياناقتاندىرىپ، ساقتالعان ماسەلەلەرگە مۇقيات تالداۋ جۇرگىزىپ جانە تەرەڭ وي جۇگىرتىپ، «بۇل نە» دەگەندى ۇعىنىپ، «نە ءۇشىن» دەگەنگە دەن قويىپ، «قالاي ىستەۋگە بولادى» دەگەن سۇراۋعا جاۋاپ تابۋعا قۇلشىنىپ، «جەر ۇيىعى» _ جاڭا ىلەنى كوركەيتۋ ۇردىسىنە ەسە قوسۋ كەرەك.

    تەكسەرۋ – زەرتتەۋ بارىسىندا جاۋ تيانجيە تەكەس اۋدانى قارادالا قالاشىعى ۇلكەن قۇشتاي قىستاعىنا، جاڭا قالا سەيىل – سەرۋەن اۋىل شارۋاشىلىق بازاسىنا، ءشيلى وزەك قالاشىعى باقالىق قىستاعىنا بارىپ، «ۇعىسۋ، تيىمدىلىك جاساۋ، توعىستىرۋ» قيمىلىمەن قىستاققا ءتۇسۋ قىزمەتى، ساياحات كاسىبى قۇرىلىسىن دامىتۋ سياقتى جاعدايلاردى ۇعىسىپ، نەگىزگى ساتىداعى بۇقارادان حال سۇراپ، نەگىزگى ساتىداعى بۇقارانىڭ ويىن، ءۇمىتىن ۇعىستى ءارى اڭگىمە ءماجىلىسىن وتكىزىپ، تەكەس اۋدانىنىڭ قالا – قالاشىق قۇرىلىسى مەن ەلەكترمەن جىلىتۋ جوباسى قىزمەتى جونىندەگى دوكلادتى تىڭداپ، تەكەستىڭ ەكونوميكاسى مەن قوعامىنىڭ دامۋ جاعدايىنا جەتەكشىلىك ەتتى.

    جاۋ تيانجيە مىنانى اتاپ كورسەتتى: وبلىستىق پارتكومنىڭ قىزمەت بايانداماسىندا ىلەنىڭ بۇدان بىلايعى ورنىقتى دامۋىنىڭ كوركەم كارتيناسى ايشىقتالىپ، بارشا كادرلار جۇرتشىلىعىنا زور شابىت بەردى. اۋدان – قالالار وبلىستىق پارتكوم العا قويعان «جەر ۇيىعى» _ جاڭا ىلەنى كوركەيتۋدىڭ ءمانىن تولىق ءتۇسىنۋى، اسىرەسە، ورماندى قالا، باۋ - باقشالى قالا – قالاشىق، قۇلپىرعان قىستاق قۇرۋ جاعىندا جەرگىلىكتى ورىننىڭ ءىس جۇزىندىگىمەن ۇشتاستىرىپ، مۇقيات دەن قويىپ، شىنداپ ىسكە كىرىسىپ، تەرەڭ بويلاپ، جىلدى جىلعا جالعاپ ىستەپ، نىق قاداممەن العا ىلگەرىلەپ، تاماشا جوبانى رەالدىققا اينالدىرۋ كەرەك.

    جاۋ تيانجيە مىنانى باسا دارىپتەدى: قالا قۇرىلىسى مەن حالىق تۇرمىسىن جاقسارتۋ جاعىنداعى قىزمەت بارىسىندا جوسپارلى شارۋاشىلىق بويىنشا ويلاۋ فورماسى مەن اكىمشىلىك تانىمداعى بۇعاۋدى، ءسوزسىز، جويۋ، «ۋاكىل» بولۋ، استە، «ورنىن باسۋعا» جول قويماۋ، ءتۇرلى تاسىلدەردەن تولىق پايدالانىپ رەفورما – دامۋدى ىلگەرىلەتىپ، از قارجىمەن اناعۇرلىم زور قوعامدىق ونىمدىلىك، ەكونوميكالىق ونىمدىلىك جانە ەكولوگيالىق ونىمدىلىك جاراتۋ كەرەك. ورتالىقتىڭ ەكونوميكالىق قىزمەت ءماجىلىسىنىڭ جانە اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ، وبلىستىق پارتكومنىڭ قىزمەت ءماجىلىسى رۋحىنىڭ ناقتى ءمانىن تەرەڭ ءتۇسىنىپ، قانشا اقشامەن قانشا ءىس ىستەۋدە تاباندى بولۋ، جوبا، قارجى تياناقتانباعان جاعدايدا جۇمىس باستاماۋ ءارى قاپ، اتتەگەن – اي دەپ قالماۋ، قارجىنى ەڭ قاجەتتى دەلىنگەن قىزمەتتەرگە ىستەتۋ كەرەك. ەلەكتر مەن جىلىتۋ جوباسى نىسانى قىزمەتىندە جاۋ تيانجيە ارناۋلى تۇردە مىنانى باسا دارىپتەدى: قارىزدانۋعا سۇيەنىپ ەكونوميكانى دامىتۋ جانە حالىق تۇرمىسىن قامتاماسىزداندىرۋ باياندى ءتاسىل ەمەس، بازار زاڭدىلىعىنا بويسۇنىپ، ەكونوميكالىق تاسىلدەن پايدالانىپ ەلەكترمەن جىلىتۋ جوباسى نىسانى قۇرىلىسىن ىلگەرىلەتۋ كەرەك.

جاۋاپتى رەداكتور: گۇلدەن ماقسات قىزى