باقىتتى حالىق تۇرمىسىنىڭ تىڭ داستانىن جازىپ، بۇقارانى ءتىپتى دە مول كەنەلۋ سەزىمىنە يە ەتەيىك

  • كەلۋ قاينارى: ىلە گازەتى
  • 03:03:10 12/01/2018

  

    اۆتونوميالى وبلىستىق پارتكومنىڭ قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە (4)

    گازەتىمىزدىڭ شولۋشىسى

 

    حالىق تۇرمىسى حالىق باقىتىنىڭ نەگىزى، قوعام جاراسىمدىلىعىنىڭ قاينارى.

    جاڭا داۋىردە ىلەنىڭ حالىق تۇرمىسى قىزمەتىن قالاي يگەرۋ كەرەك؟ جاقىندا عانا بولىپ وتكەن وبلىستىق پارتكومنىڭ قىزمەت ماجىلىسىندە اۆتونوميالى وبلىسىمىزدىڭ حالىق تۇرمىسى قىزمەتىنىڭ وتكەنى مەن بۇگىنى جانە بولاشاعى جونىندە ناقتى بايىمداۋلار جاسالدى. وندا تابىس تا، شابىت تا، نىسانا دا، جوسپار دا بار. ونداعى «حالىق تۇرمىسىن جاقسارتۋدى الدىمەن اتقاراتىن رايون قۇرۋ» دەگەن ءبىر اۋىز ءسوز تۇتاس وبلىسىمىزداعى ءار ۇلت حالىق بۇقاراسىنا بەرىلگەن ۋادە بولىپ قالماستان، ءتىپتى، تۇتاس وبلىسىمىزداعى ءار دارەجەلى ۇيىمدار مەن ءار ۇلت كادرلارىنا جاريالانعان ۇندەۋ بولدى!

    ۇندەۋ شىعارىلدى، ونى ارەكەتتە تياناقتاندىرۋ كەرەك. ىلەدە حالىق تۇرمىسى ماسەلەسى بۇقارانىڭ ىستىعىنا كۇيىپ، سۋىعىنا توڭۋ دەگەنگە بايلانىستى بولىپ قالماستان، قوعام ورنىقتىلىعى مەن باياندى تىنىشتىق سىندى ستراتەگيالىق ماسەلەگە ءتىپتى دە بايلانىستى. تۇتاس وبلىستاعى ءار دارەجەلى ۇيىمدار، ءار ۇلت كادرلارى، ءسوزسىز، شىنداپ كىرىسىپ، يدەيانى ازات ەتىپ، حالىق تۇرمىسىن جاقسارتۋدىڭ تىڭ جاعدايىن كۇش سالا جاراتۋى كەرەك.

    حالىق تۇرمىسىن جاقسارتۋدىڭ تىڭ جاعدايىن جاراتۋدا، ءسوزسىز، حالىقتى وزەك ەتۋدە باستان – اياق تاباندى بولۋ كەرەك. حالىق _ تاريحتى جاراتۋشى. ءبىز، ءسوزسىز، پارتيانىڭ نەگىزى حالىقتا، كۇش – قۋاتى دا حالىقتا ەكەنىن ەستە بەرىك ساقتاپ، پارتيانىڭ ءتۇبىرلى ماقساتىن باستان – اياق امالياتتا ايگىلەپ، حالىقتىڭ تۇلعالىق ورنىندا تاباندى بولىپ، نەگىزگى ماقسات تانىم كۇڭگىرت بولۋ، بۇقارالىق تانىم سولعىنداۋ سياقتى ماسەلەلەردى باتىل تۇزەتىپ، بۇقارانىڭ مۇددەسىن يەمدەنىپ الۋ، «ساياسي ناتيجە ينجەنەرياسىنا»، «وبراز ينجەنەرياسىنا» بوي ۇرۋ سياقتى جاعدايلاردى باتىل تەجەپ، پارتيا ۇيىمىنا قابىلدانعان كەزىمىزدەگى اۋەلگى ماقساتتى ۇمىتپاي، حالىق ءۇشىن ىستەيتىن ادىلدىكتەن اۋىتقىماي، ءىس تىندىرا الاتىن باتىلدىقتى جوعالتپاي، حالىقتىڭ تاماشا تۇرمىسقا دەگەن تالپىنىسىن شىنايى كۇرەس نىسانامىز ەتىپ، حالىقتان كەڭەس الىپ، حالىق قامىن ويلاپ، حالىقتىڭ قاجەتىن ءبىلىپ، حالىق مۇددەسىن كوبىرەك ويلاستىرىپ، حالىقتىڭ قيىنشىلىعىن كوبىرەك شەشىپ، دامۋدا حالىققا سۇيەنىپ، حالىقتى دامۋ جەتىستىكتەرىنەن ورتاق يگىلىكتەندىرۋىمىز كەرەك.

جاۋاپتى رەداكتور: گۇلدەن ماقسات قىزى