پارتيا قۇرىلىسىنىڭ جاڭا ۇلى ينجەنەرياسىن دايەكتى تۇردە بۇلجىماي ىلگەرىلەتەيىك

  • كەلۋ قاينارى: ىلە گازەتى
  • 03:07:01 12/01/2018

 

    − باس شۋجي شي جينپيڭنىڭ «5 - قاڭتارداعى» ماڭىزدى ءسوزىن ۇيرەنۋ، دايەكتىلەندىرۋ جونىندە (2)

    حالىق گازەتىنىڭ شولۋشىسى

 

    شينحۋا اگەنتتىگىنىڭ 6 - قاڭتاردا بەيجيڭنەن بەرگەن حابارى. «جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز، ءسوز جوق، وزىندىك توڭكەرىس جۇرگىزۋگە باتىل بولىپ، پارتيانى ونان ارى پارمەندى، قۋاتتى ەتىپ قۇرىپ شىعۋ كەرەك».

    5 - قاڭتاردا پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ راسىمىندە باس شۋجي شي جينپيڭ ماڭىزدى ءسوز سويلەپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدى بۇلجىماستان دايەكتىلەندىرۋدىڭ اسا ماڭىزدىلىعىن تەرەڭدەي پايىمداپ، ورتالىق كوميتەتتىڭ قۇرامىنداعىلارعا جانە ولكە، مينيسترلىك دارەجەلى باسشى كادرلارعا سەنىمدە بەرىك بولۋ، ساياسيدا بەرىك بولۋ، جاۋاپكەرشىلىكتە بەرىك بولۋ، قابىلەتكە جەتىك بولۋ، ستيلدە بەرىك بولۋ سىندى 5 ءتۇرلى تالاپ قويدى. كوممۋنيستەردىڭ ەسىندە بەرىك ساقتالعان اۋەلگى ماقسات پەن بورىشتى تياناق ەتكەن تەرەڭ تاريحي نازار، سالماقتى تاۋقىمەت تانىمى، ايرىقشا يدەيالىق ورە ءىرى ەل، ءىرى پارتيا كوسەمىنىڭ دارقان پەيىلىن كورسەتىپ، ماركستىك بيلىك باسىنداعى پارتيانىڭ وزىندىك توڭكەرىس جىگەرى مەن ساياسي سانالىلىعىن ايگىلەدى.

    وزىندىك توڭكەرىس جۇرگىزۋگە باتىل بولىپ، پارتيانى قاتاڭ باسقارۋ، پارتيانى قاتاڭ جونگە سالۋ − پارتيامىزدىڭ ەڭ ايقىن قاسيەتى. پارتيانىڭ 97 جىلدىق تاريحىنا قايىرىلا قاراساق، وزىندىك توڭكەرىسكە تاباندى بولىپ، وزىندىك قۇرىلىستى كۇشەيتكەندىكتەن دە پارتيامىز ءداۋىردىڭ الدىڭعى لەگىندە جۇرە الدى، پارتيا حالىققا باسشىلىق ەتىپ جۇرگىزگەن قوعامدىق توڭكەرىس ۇزدىكسىز جەڭىستەرگە قول جەتكىزە الدى. جاڭا داۋىردە جۇڭگوشا سوتسياليزمگە تاباندى بولۋدا جانە ونى دامىتۋدا پارتيانىڭ باسشىلىعى ءتۇبىرلى كەپىل بولادى؛ ۇلى كۇرەس، ۇلى ينجەنەريا، ۇلى ءىس، ۇلى ارماندى ءبىر تۇتاس مەڭگەرۋدە پارتيا قۇرىلىسىنىڭ جاڭا ۇلى ينجەنەرياسى شەشۋشى رول اتقارادى. پارتيا 19 - قۇرىلتايىنىڭ بايانداماسىندا العا قويىلعان جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، پارتيانىڭ وزىندىك توڭكەرىسى ارقىلى ۇلى قوعامدىق توڭكەرىستى ىلگەرىلەتۋ − پارتيامىزدىڭ ماركستىك ساياسي پارتيا رەتىندە قالىپتاسۋى مەن دامۋىنىڭ ىشكى تالابى ءارى پارتيامىزدىڭ حالىققا باسشىلىق ەتىپ، ۇلى توڭكەرىستەر جۇرگىزۋىنىڭ وبيەكتيۆ تالابى.

    وزىندىك توڭكەرىسكە باتىل بولعاندا عانا، پارتيامىز ءوزىن باستان - اياق شىڭاپ شىمىرلاندىرا الادى. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ اۋىر مىندەتتەرى، جۇڭحۋا ۇلتىنىڭ ۇلى گۇلدەنۋىن ىسكە اسىرۋ تاريحي بورىشى پارتيامىزدىڭ الدىنا بۇرىن - سوڭدى كەزدەسپەگەن جاڭا سىناق، جاڭا تالاپتار قويعانىن، پارتيانىڭ العاباسارلىعىنا ىقپال ەتەتىن، پارتيانىڭ كىرشىكسىزدىگىن السىرەتەتىن ءتۇرلى فاكتورلاردىڭ قاتەرلىلىگى مەن بۇلدىرگىشتىگىنىڭ وتە كۇشتى ەكەندىگىن، ءسوز جوق، كورە بىلۋگە ءتيىسپىز.

جاۋاپتى رەداكتور: گۇلدەن ماقسات قىزى