قيىنشىلىعى بارلارعا قول ۇشىن بەرگەن مەيىربان جاندار

  • كەلۋ قاينارى: ىلە گازەتى
  • 03:16:21 12/01/2018

2016 – جىلى قاراشادا وسى ەكى اياعىمنىڭ كونە اۋرۋى قايتا قوزعالىپ اۋداندىق حالىق شيپاحاناسىندا ۇزاق ۋاقىت جاتىپ ەمدەلىپ، جاقسى بولعان ەدىم. 2017 – جىلى قاراشادا وسى ەكى اياعىمنىڭ كونە اۋرۋى تاعى دا قايتالاپ، اۋداندىق جۇڭگوشا ەمدەۋ شيپاحاناسى، اۋداندىق حالىق شيپاحاناسى سياقتى ورىنداردا قايتا – قايتا ەمدەلىپ، جاقسى بولا المادىم. جەلتوقساننىڭ 22 – كۇنى قاتىستى ورىندار ءتۇرلى ەمدەلۋ رەسمياتتارىمدى وتەپ، مەنى ىلە وبلىستىق دوستىق شيپاحاناسىنا جوتكەدى. بۇل ورىنداعى شيپاگەرلەر مەنىڭ اۋرۋىما دۇرىس دياگنوز قويىپ، كوڭىل قويا ەمدەۋمەن بىرگە، بۇرىن وڭ اياعىم وپەراتسيا بولسا، ەندى سول اياعىمدى وپەراتسيا جاساۋ دايىندىعىنا ءوتتى. وپەراتسيا جاساتۋعا ەڭ از بولعاندا 40 - 50 مىڭ يۋان ناق اقشا كەتەدى ەكەن. بۇل ىستەن حابار تاپقان كۇنەس اۋدانى زەكتى قالاشىعى زەكتى 1 – قىستاعىنان قۇرىلعان <ىزگىلىك> قور ۇيىمىنداعىلار مەنىڭ جاعدايىمدى قىستاقتىڭ ورىنباسار شۋجيى ساۋكەن مەن قالاشىقتىڭ ورىنباسار باستىعى اكىمجاننان ەگجەي – تەگجەيلى ۇققاننان كەيىن دەرەۋ اتتانىسقا كەلىپ، 3 كۇندە 15 مىڭ 500 يۋان ناق اقشا جىلۋ جيناپ، ىلە وبلىستىق دوستىق شيپاحاناسىنىڭ سۇيەك بولىمىندە جاتقان ماعان 2018 – جىلى قاڭتاردىڭ 1 – كۇنى جەتكىزىپ بەرىپ، مەنىڭ اۋرۋ ازابىنان تەزىرەك ساۋىعىپ شىعۋىما كوپ بولىپ كومەك قولىن سوزدى. مەن باسىما كۇن تۋىپ، وسىنداي اۋىر حالدە جاتقانىمدا، ءبىر جاعىنان، مەنىڭ كوڭىلىمدى سۇراپ، ەندى ءبىر جاعىنان، مەنىڭ قيىنشىلىعىمدى ەسكەرىپ، ماعان از دا بولسا كولدەي كوڭىلدەرىن ءبىلدىرىپ، كىسىلىكتەرىن كورسەتكەن ءدال وسىنداي اق ەدىل جاندارعا ماڭگى راقىمەتىمدى ايتامىن»، - دەدى اۋرۋ ابدەن مەڭدەتىپ، ءجۇزى جۇدەۋ تارتقان قۇرمانالى. ءبىز ءسوز ارالىعىندا «ىزگىلىك» قور ۇيىمىنىڭ جاۋاپتىسى ەركىن مۇقان ۇلىن سوزگە تارتقانىمىزدا، ول ىركىلمەستەن: _ ءبىزدىڭ «ىزگىلىك» قور ۇيىمى 2016 – جىلى ءساۋىردىڭ 10 – كۇنى قىستاق ۇيىمىنىڭ قولداپ – قۋاتتاۋىندا كۇنەس اۋدانى زەكتى قالاشىعىنىڭ زەكتى 1- قىستاعىنان شاڭىراعىن كوتەرگەن بولاتىن. قور ۇيىمى العاش قۇرىلعاندا نە ءبارى 36 ادام بار ەدى. ءبىز وسى 36 ادامنىڭ اربىرىنەن العاش اي سايىن 30 يۋاننان اقشا جيناپ، ونى قورعا اينالدىردىق. وسى قوردى وتباسىندا ەرەكشە قيىنشىلىعى بار ادامدارعا بەرىپ وتىردىق. 2017 – جىلعا كەلگەندە ءبىزدىڭ قور ۇيىمىمىزدىڭ كولەمى ىلە وبلىسىنان تىس، بۇكىل شينجياڭنىڭ جەر – جەرىنە دەيىن كەڭەيىپ، مۇشە سانى بۇرىنعى 36 ادامنان 300 گە جەتتى. سونىمەن ءبىز بۇرىنعى ءاربىر ادامنان اي سايىن 30 يۋان اقشا الاتىن ءتۇزىمىمىزدى كۇشىنەن قالدىرىپ، تەك اۋرۋ – سىرقاۋ، جوق – جىتىك، وتباسىندا ەرەكشە قيىنشىلىعى بارلارعا ءاربىر ادام ءوز ەرىكتەرىمەن جىلۋ اتاۋ ءتۇزىمىن اتقاردىق. ءبىزدىڭ بۇل يگى باستامامىز قالاشىقتىق پارتكوم مەن ۇكىمەتتىڭ قولداپ – قۋاتتاۋىنا دا يە بولدى. قىسقاسى ءبىز 2 جىلعا تاياۋ ۋاقىتتا پارتيا، ۇكىمەتتىڭ نەمەسە جەرگىلىكتى ورىننىڭ بەكىتۋىنەن وتكەن جوق – جىتىك، مۇگەدەك، ەڭبەككۇشى جوق، ەڭ تومەنگى تۇرمىس قاراجاتىنان يگىلىكتەنەتىن جاندار مەن اۋرۋ – سىرقاۋلار ءۇشىن جالپى 39 رەت جىلۋ اتاۋ قيمىلىن وتكىزىپ، جيىنى 546 مىڭ 68 يۋان 84 تيىن جىلۋ اتادىق، - دەدى.

    موڭعۇلكۇرە اۋدانى ۇزىنبۇلاق اۋىلىنىڭ تۇرعىنى ارداق اۋەسقان ۇلى: مەنىڭ 2 جاستان اسقان قىزىم ءادينا تۋما مي سالدانۋ اۋرۋىنا شالدىعىپ، ىلە وبلىستىق انا – بالالار شيپاحاناسىنا ەمدەتكەنىمە 2 جىل بولدى. «اۋرۋ كىردى، الەك كىردى» دەگەندەي ءبىز سياقتى ۇكىمەتتىڭ ەڭ تومەنگى تۇرمىس قاراجاتىنان يگىلىكتەنەتىن ادامدا قايدان اقشا بولسىن، بالامىز ءۇشىن 2 جىل ىشىندە قولىمىزدا بار مالدارىمىزدى دا ساتىپ، اقشادان ابدەن تۇرالاپ تۇرعانىمىزدا، «ىزگىلىك» قور ۇيىمىنداعىلار بىزگە 32 مىڭ 414 يۋان ناق اقشا جىلۋ اتاپ، بالامىزدىڭ دەركەزىندە اۋرۋ ازابىنان ارىلۋىنا جاقىننان جاردەمشى بولدى. ءبىز وسىنداي اجالعا اراشاشى، اۋرۋعا مەدەت، جىعىلعانعا سۇيەۋ بولعان، اسىرەسە، ءبىز سياقتى قيىنشىلىق قىسپاعىندا قالعان جاندارعا قامقورشى بولعان «ىزگىلىك» قور ۇيىمىنداعىلارعا شىنايى العىسىمىزدى ايتامىز، - دەدى.

جاۋاپتى رەداكتور: جازيرا بولاتباي قىزى