قيىنشىلىعى بارلارعا قول ۇشىن بەرگەن مەيىربان جاندار

  • كەلۋ قاينارى: ىلە گازەتى
  • 03:16:21 12/01/2018

    ءيا، قۇرىلعانىنا قىسقا عانا 2 جىل بولسا دا قيىنشىلىعى بارلاردىڭ ماڭدايىنان سيپاپ، ولارعا شىنايى قامقورلىق جاساعان «ىزگىلىك» قور ۇيىمى وزدەرىنىڭ وسىنداي ادامگەرشىلىك اسىل قاسيەتتى ارداقتاي بىلگەن ونەگەلى ىزگى ىستەرى ارقىلى قوعامنىڭ، پارتيا، ۇكىمەت ورىندارىنىڭ، سونداي – اق قارا ورمانداي حالىقتىڭ شىنايى القاۋىنا بولەندى. ءتىپتى، ولارعا ىلە قازاق اۆتونوميالى وبلىسىنا توتە قاراستى اۋدان – قالالاردان تىس، التاي، تارباعاتاي، بۇراتالا، قۇمىل، ءۇرىمجى سياقتى ورىنداردان كەلگەن العىس حاتتار مەن تەلەگراممالار دا ءوز الدىنا ءبىر توبە. ولاردىڭ ەلىم دەپ ەمىرەنگەن ەرشىمدى ەڭبەكتەرىنە ءدان ريزا بولعان كۇنەس اۋدانى تۇرگەن اۋىلى اققىرقا قىستاعى ەكى كوميتەتى مەن تەكەس اۋدانى ءشيلى وزەك قالاشىعىنا قاراستى اتتىڭ تاۋى قىستاعى ەكى كوميتەتى ەكى كەستەلى تۋ ۇسىنسا، شۋاق مۇرات قىزى، زادەلقان، اسەت، نۇرقابىل، ارداق اۋەسقان ۇلى، ەرداۋلەت قاتارلى 6 ادام ولاردىڭ اجالعا اراشاشى، اۋرۋعا مەدەت، جانعا شۋاق سيلاعان كىسىلىكتەرىنە ءدان ريزا بولا وتىرىپ، وزدەرىنىڭ جۇرەك سوزدەرى جازىلعان كەستەلى تۋلارىن ۇسىنىپ، شىنايى العىستارىن ءبىلدىردى.

    ءبىز بۇل ماقالامىزدىڭ سوڭىندا مەملەكەت بويىنشا كەدەيلەردى دالمە – ءدال سۇيەمەلدەۋ ناۋقانى جۇرگىزىلىپ وتىرعان بۇگىنگى تاڭدا جوق – جىتىك، اۋرۋ – سىرقاۋ، مۇگەدەك، قيىنشىلىعى بارلاردىڭ قاسىنان تابىلعان «ىزگىلىك» قور ۇيىمىنداعى جاناشىر جاندارداي ىزگى نيەتتى ادامداردىڭ قاتارى مولايا بەرسە ەكەن دەگەن تىلەگىمىزدى بىلدىرە وتىرىپ، ماقالامىزدىڭ سوڭعى نۇكتەسىن قويدىق...

جاۋاپتى رەداكتور: جازيرا بولاتباي قىزى