ەكولوگيالىق ورتانى قورعاۋدى كۇشەيتىپ، كورىكتى، جاراسىمدى ىلە قۇرايىق

  • كەلۋ قاينارى: ىلە گازەتى
  • 03:29:55 13/01/2018

 

    __ اۆتونوميالى وبلىستىق پارتكوم قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە (5)

    گازەتىمىزدىڭ شولۋشىسى

 

    ەكولوگيالىق ورتانى قورعاۋدىڭ ۇلەسى داۋىرگە، پايداسى ۇزاق بولاشاققا ءتان. ەكولوگيالىق وركەنيەت قۇرىلىسىن كۇشەيتىپ، كورىكتى ىلە قۇرۋ - قوعام ورنىقتىلىعى مەن باياندى تىنىشتىقتى قورعاۋدىڭ ىشكى تالابى جانە ورتانى وڭاۋ قۋاتى مەن وڭاۋ جۇيەسىن وسىزامانداندىرۋدى ىلگەرىلەتۋدىڭ كوكەيتەستى قاجەتى ءارى وتانىمىزدىڭ باتىس تەرىستىگىندەگى ەكولوگيالىق قالتقىنى ويداعىداي قورعاۋدىڭ پارمەندى شاراسى. بۇل تاريحتىڭ اۋىر مىندەتى، ءداۋىردىڭ تالابى، حالىقتىڭ ءۇمىتى.

    تاماشا جاراتىلىستىق ەكولوگيا - ىلەنىڭ ەڭ ۇلكەن ابزالدىعى، ەڭ باعالى بايلىعى. مانات دالا - ىلەنىڭ ەڭ ماڭىزدى كوركى ءارى ەرەكشەلىگى. اسپانى اشىق، ورتاسى جاسىل جامىلعىلى، ءشوبى شۇيگىن، تاۋى التىن، تاسى كۇمىس، سۋى ءمولدىر، حوش ءيىس اڭقىعان، قۇستارى سايراعان، بالىعى تايداي تۋلاعان وسىناۋ ولكە، سىرتتا جۇرسەڭ اڭسايتىن جاننات مەكەنىڭ. وبلىستىق پارتكومنىڭ قىزمەت بايانداماسىندا العا قويىلعان «جەر ۇيىعى» - جاڭا ىلە قۇرۋ - وبلىستىق پارتكوم مەن ۇكىمەتتىڭ كۇرەس نىساناسى ءارى ءار ۇلت حالىق جۇرتشىلىعىنىڭ تاماشا تۇرمىسقا دەگەن ارمانى. بۇل نىسانانى جۇزەگە اسىرۋ ءبىزدىڭ ەكولوگيالىق وركەنيەت قۇرىلىسىندا بەل شەشە كىرىسىپ، شىنايى يگەرىپ، ناقتى ىستەپ، ءۇزىلىسسىز ىستەۋ، جىلدى جىلعا ۇلاستىرا ىستەۋ رۋحىن ساۋلەلەندىرۋىمىزدى، سالعىرتتىققا سالىنباي، ۇزدىكسىز كۇش سالىپ، ارماندى رەالدىققا اينالدىرۋىمىزدى قاجەت ەتەدى.

    جاقىنعى جىلداردان بەرى ءبىز مىنانى قۋانىشپەن كورە بىلدىك: اۆتونوميالى وبلىسىمىزدىڭ ەكولوگيالىق ورتاسى ءتىپتى دە كورىكتەنىپ، مەملەكەت بويىنشا ەكولوگيالىق وركەنيەت قۇرىلىسىنان ۇلگى كورسەتەتىن رايون قۇرۋدى تىڭعىلىقتى ىلگەرىلەتىپ، ورتانى قورعاۋدا «ءبىر بەلەتپەن تەرىسكە شىعارۋ» ءتۇزىمى مەن ەكولوگيالىق ورتا جاۋاپكەرلىگىن ءومىر بويى قۋزاستىرۋ ءتۇزىمىن تياناقتاندىرۋدا كورنەكتى ونىمدىلىككە قول جەتكىزىلدى. «وزەن باستىعى ءتۇزىمى» الدىمەن اتقارىلىپ، ميلليون مۋلىق ەكولوگيالىق، ەكونوميكالىق ورمان قۇرىلىسى مىندەتى تابىسپەن ورىندالىپ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋ، ونى وڭاۋ جانە ەنەرگيا ۇنەمدەپ، ىعىستىرۋدى ازيتۋ تەبىنى ارتتىرىلىپ، ورتانى باقىلاۋ – باسقارۋ كۇشەيتىلىپ، نەگىزگى لاستاۋشى زاتتاردىڭ ىعىستىرىلۋ مولشەرى ءونىمدى تەجەلدى. قالا، اۋىل ورتاسى بارىنشا وڭالىپ، كورىكتى اۋىل – قىستاق قۇرىلىسى پارمەندى ىلگەرىلەتىلىپ، ەكولوگيالىق ورتانى قورعاۋدا تاماشا دامۋ جولىنا قادام تاستالدى.

جاۋاپتى رەداكتور: گۇلدەن ماقسات قىزى