اۆتونوميالى وبلىس قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن اداقتاۋ، ءبىر جاقتى ەتۋ جونىندە تەلە-كەسكىن ءماجىلىسىن اشتى

  • كەلۋ قاينارى: ىلە گازەتى
  • 04:43:55 14/01/2018

    قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن قاتاڭ تۇبەگەيلى اداقتاۋ، شەشۋ كەرەك

    

    ءتىلشىمىز سۇن ۋەيشيا حابارلايدى. قاڭتاردىڭ 11-كۇنى اۆتونوميالى وبلىس قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن اداقتاۋ، ءبىر جاقتى ەتۋ جونىندە تەلە-كەسكىن ءماجىلىسىن اشىپ، يدەيالىق تانىمدى اناعۇرلىم بىرلىككە كەلتىرىپ، قىزمەت باسىمدىلىعىن كۇشەيتىپ، قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن قاتاڭ ءبىر جاقتى ەتۋ قىزمەتىنە بولعان ۇيىمدىق باسشىلىقتى كۇشەيتىپ، پارمەندى شارالار ارقىلى قاراجات پەن ەڭبەكاقىنى كەشەۋىلدەتۋ ماسەلەسىن ءبىر جاقتى ەتۋدى باسا دارىپتەدى. وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن اداقتاۋ، ءبىر جاقتى ەتۋ قىزمەتىن ويداعىداي ىستەۋ جونىندەگى تۇلعالىق تالابىن ورتاعا قويدى. وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو ءماجىلىستى باسقاردى.

    قۇرماش سىرجان ۇلى مىنانى تالاپ ەتتى: يدەيالىق تانىمدى بىرلىككە كەلتىرىپ، قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن ءبىر جاقتى ەتۋ قىزمەتىن ويداعىداي ىستەۋدىڭ كوكەيتەستىلىگى مەن جاۋاپكەرلىگىن ارتتىرۋ؛ ارناۋلى اداقتاۋ جۇرگىزىپ، قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋدىڭ باستى سەبەبى مەن جاي-جاپسارىن شىنايى تەكسەرۋ؛ دالمە-ءدال شارا قولدانىپ، قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن ءبىر جاقتى ەتۋ قىزمەتىن شىنايى، ويداعىداي ىستەپ، ۇيىمدىق باسشىلىقتى كۇشەيتىپ، دارەجە بويىنشا قىزمەت جاۋاپكەرلىگىن ارتتىرۋ كەرەك.

    قۇرماش سىرجان ۇلى بىلاي دەدى: قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىن اداقتاۋ، ءبىر جاقتى ەتۋ قىزمەتىن قوعام ورنىقتىلىعىن قورعاۋدىڭ نەگىزدىك قىزمەتى رەتىندە قاراپ، ديقان جۇمىسكەرلەردىڭ ەڭبەكاقىسىن كەشەۋىلدەتۋ سىندى ماسەلەلەردىڭ تۋىلۋىنا، استە، جول بەرمەۋ كەرەك. ۇكىمەتتىڭ نەگىزگى باسشىلارى باستاماشىلدىقپەن تياناقتاندىرىپ، زەر سالا ۇيىمداستىرىپ، قاتاڭ دا جۇيەلى ورنالاستىرۋ جاساپ، بارىنشا سەلبەسىپ، جەدەل قيمىلداپ، پارمەندى شارالار ارقىلى ماسەلەنى ويداعىداي ءبىر جاقتى ەتىپ، بارشا بۇقارانىڭ شاعان مەرەكەسىن كوڭىلدى وتكىزۋىنە، مەملەكەتتىك جانە اۆتونوميالى رايوندىق ەكى ءماجىلىسىتىڭ جەڭىستى اشىلۋىنا تاماشا ورتا ازىرلەۋ؛ بۇگىننەن باستاپ ءارقايسى اۋدان، قالالار مەن قاتىستى تاراۋلار 3 كۇندىك ۋاقىتپەن قاراستى رايوندارىنداعى سالىنىپ جاتقان قۇرىلىس نىساندارى مەن ءتۇيىندى كاسىپ سالالارىندا قۇرىلىس قاراجاتى مەن ديقان جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسى بار، جوقتىعىنا قايتالاي تەكسەرۋ جۇرگىزىپ، وزىنە قاراستى رايونداردا ورىن تەپكەن ەڭبەكاقىنى كەشەۋىلدەتۋ سىندى كومەسكى كىناراتتاردى دەركەزىندە دوكلاد ەتۋى كەرەك. اۆتونوميالى رايون مەن اۆتونوميالى وبلىس باسشىلارىنىڭ بەكىتتىرۋىنەن وتكىزىپ ىستەگەن دەلولار مەن تاراۋلاردىڭ باقىلاۋشىلىق ەتىپ ىستەگەن دەلولارىنا ايرىقشا ءمان بەرىپ، اۆتونوميالى رايون مەن اۆتونوميالى وبلىس باسشىلارى بەكىتكەن دەلولاردى 3 كۇن ىشىندە ءبىر جاقتى ەتۋ، قاتىستى تاراۋلار باقىلاۋشىلىق ەتكەن دەلولاردى 5 كۇن ىشىندە ءبىر جاقتى ەتۋ قاجەت؛

جاۋاپتى رەداكتور: جازيرا بولاتباي قىزى