اۆتونوميالى وبلىستىق حالىق قۇرىلتايى ۋاكىلدەرىنىڭ كەڭەستىك جوبالارى مەن ۇسىنىستارىن ءبىر جاقتى ەتۋ قىزمەتى پارمەندى ىلگەرىلەتىلدى

  • كەلۋ قاينارى: ىلە گازەتى
  • 04:46:53 14/01/2018

    جوعارى ولشەمگە كەپىلدىك ەتىپ، باقىلاۋ – جەتەكشىلىك ەتۋدى كۇشەيتتى

    

    تىلشىلەرىمىز جارقىن نۇرابىلدا ۇلى، سۋ مين حابارلايدى. جاڭا جىل باستالىسىمەن 2018 – جىلعى اۆتونوميالى وبلىستىڭ «ەكى ءماجىلىس ۋاقىتى» كەلىپ جەتتى، بىلتىرعى كەڭەستىك جوبالار مەن ۇسىنىستاردىڭ ءبىر جاقتى ەتىلۋ جاعدايى قالاي بولدى؟ قاڭتاردىڭ 12 – كۇنى اۆتونوميالى وبلىستىق حالىق قۇرىلتايى تۇراقتى كوميتەتىنەن ۇعىسۋىمىزشا، اۆتونوميالى وبلىستىق 14 – كەزەكتى حالىق قۇرىلتايىنىڭ 1 – ماجىلسىنەن بەرى ۋاكىلدەر جالپى 236 كەڭەستىك جوبا، ۇسىنىس، سىن، پىكىرلەردى (تومەندە ۇسىنىس دەلىنەدى) ورتاعا قويعان، مۇنىڭ ىشىندەگى ءماجىلىس كەڭەستىك جوباعا ەنگىزگەن 4 ۇسىنىس تۇگەلدەي ءبىر جاقتى ەتىلىپ جاۋاپ قايتارىلعان.

    اۆتونوميالى وبلىستىق 14 – كەزەكتى حالىق قۇرىلتايىنىڭ 1 – ءماجىلىسى كەزىندە كەڭەستىك جوباعا ەنگىزىلگەن پىكىر - ۇسىنىستار مىنالار: «ءبىر قالا، ءۇش اۋداندى ءبىر تۇلعالاندىرىپ دامىتۋ جونىندەگى كەڭەستىك جوبا»، «ىلە وبلىسىنىڭ تۇتاس وڭىرلىك ساياحات ەرەجەسىن جاساۋ جونىندەگى كەڭەستىك جوبا»، «ىلە وزەنى اڭعارىنىڭ ەكولوگيالىق ورتاسىن قورعاۋ ەرەجەسىن جاساۋ جونىندەگى كەڭەستىك جوبا»، «قورعاس ەكونوميكالىق اشۋ رايونى ەرەجەسىن بەلگىلەۋ جونىندەگى كەڭەستىك جوبا».

    «ءبىر قالا، ءۇش اۋداندى ءبىر تۇلعالاندىرىپ دامىتۋ جونىندەگى كەڭەستىك جوبا». 2017 – جىلى ماۋسىمنىڭ 20 – كۇنى وبلىستىق دامۋ – رەفورما كوميتەتى جياڭسۋ ولكەلىك قالا قۇرىلىسىن جوبالاۋ اكادەمياسىمەن «ءبىر قالا، ءۇش اۋداندى» ءبىر تۇلعالاندىرۋدى جوبالاۋ قىزمەتى توقتامىنا قول قويىستى، كەزەكتە ءارقايسى اۋدان – قالا، تاراۋلار مەن قوعامداعى ءار سالادان كەڭ كولەمدە پىكىر قابىلداۋ ساتىسىندا. جوسپار جاسالىپ بولعان سوڭ وسى وڭىردەگى نەگىزدىك قۇرىلعىلار، الەۋمەتتىك قىزمەت وتەۋ، بازار جۇيەسى، ەكولوگيالىق ورتانى قورعاۋ قۇرىلىسى مەن كاسىپتەردى ورنالاستىرۋ قىزمەتى ءبىر تۇتاس جوسپارلانىپ، وڭىرلىك كاسىپ جۇيەسىنىڭ ءبىرىن – ءبىرى تولىقتاپ، ورتاق پايداعا قول جەتكىزۋى، وڭىرلىك قىزمەت وتەۋدە سەلبەسىپ تەڭ يگىلىككە كەنەلۋ، وڭىرلىك ەكولوگيالىق ورتانى ورتاق قۇرۋ، ورتاق قورعاۋ جۇزەگە اسىرىلىپ، «ءبىر قالا، ءۇش اۋدان» ىلە وزەنى اڭعارىنىڭ ەكونوميكالىق، قوعامدىق دامۋىن جەبەيتىن پارمەندى جەتەكشى كۇشكە اينالادى.

    «ىلە وبلىسىنىڭ تۇتاس وڭىرلىك ساياحات ەرەجەسىن بەلگىلەۋ جونىندەگى كەڭەستىك جوبا». ءتىلشىنىڭ ۇعىسۋىنشا، قازىر تۇتاس وڭىرلىك ساياحات ءبىر ءتۇرلى جاڭاشا دامۋ تانىمى جانە ۇلگىسى عانا بولعاندىقتان، قاتىستى دامۋ ۇلگىسى، باسقارۋ ءتۇزىلىسى ءالى دە زەرتتەلۋ، كەمەلدەنۋ ۇستىندە. اۆتونوميالى رايون بەلگىلەگەن «تۇتاس وڭىرلىك ساياحات ىستەرىن باسقارۋ ءتۇزىلىس رەفورماسى مەن جاڭالىق اشۋ مەن توعىسپالى دامۋدى ىلگەرىلەتۋ جونىندەگى قىزمەت جوباسى» دا ءالى پىكىر قابىلداۋ باسقىشىندا تۇر، «اۆتونوميالى وبلىستىڭ تۇتاس وڭىرلىك ساياحات ەرەجەسىن» بەلگىلەۋ جانە شىعارۋ ورايى ءالى پىسىپ – جەتىلگەن جوق. مەملەكەتتىڭ، اۆتونوميالى رايوننىڭ تۇتاس وڭىرلىك ساياحاتتى دامىتۋ جونىندەگى قاتىستى ماڭىزدى قۇجاتتارى شىعارىلعان سوڭ، 2018 – جىلى وسى ەرەجەنىڭ العاشقى جوباسىن ازىرلەۋ قىزمەتى باستالادى.

    «ىلە وزەنى اڭعارىنىڭ ەكولوگيالىق ورتاسىن قورعاۋ ەرەجەسىن بەلگىلەۋ جونىندەگى كەڭەستىك جوبا». وبلىستىق حالىق قۇرىلتايى تۇراقتى كوميتەتى وسى كەڭەستىك جوبانى ءبىر جاقتى ەتۋ قىزمەتىنە وسكەلەڭ نازار اۋدارىپ، ەرەجەنى 2017 – جىلعى زاڭ شىعارۋ جوسپارىنا ەنگىزىپ، زاڭ شىعارۋ، العاشقى جوباسىن جازۋ گرۋپپاسىن قۇرىپ، زاڭ شىعارۋ ءتارتىبىن ىسكە قوستى.

جاۋاپتى رەداكتور: جازيرا بولاتباي قىزى