«شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ دۇنيە جۇزىندەگى تارالىمى 10 ميلليوننان استى

  • كەلۋ قاينارى: شينجياڭ گازەتى سايتى
  • 13:27:07 14/01/2018

    شينحۋا اگەنتتىگىنىڭ 12 - قاڭتاردا ۇرىمجىدەن بەرگەن حابارى. ورتالىق كوميتەتتىڭ ۇگىت ءبولىمى (مەملەكەتتىك كەڭەستىڭ اقپارات كەڭسەسى) ورتالىق حۇجات زەرتتەۋ كەڭسەسىمەن، جۇڭگو شەتەل ءتىلى مەكەمەسىمەن بىرلەسىپ رەداكسيالاعان «شي جينپيڭ ەل باسقارۋ جونىندە» اتتى كىتاپتىڭ 2 - تومى 2017 - جىلى 7 - قاراشادا شەتەل تىلدەرى باسپاسىنان حانزۋ جانە اعىلشىن تىلدەرىندە باسپادان شىعىپ، ەل ءىشى - سىرتىنا تاراتىلدى. 2018 - جىلى 12 - قاڭتارعا دەيىن، بۇل كىتاپتىڭ دۇنيە جۇزىندەگى تارالىمى 10 ميلليوننان اسىپ، بۇكىل پارتيانىڭ، بۇكىل قوعامنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋىنە، تۇسىنۋىنە قۇزىرلى وقۋ ماتەريالىن ازىرلەپ، حالىقارالىق قوعامنىڭ قازىرگى جۇڭگونى جانە جۇڭگو كوممۋنيستىك پارتياسىن تۇسىنۋىنە ەڭ جاقسى وقۋلىق ۇسىندى.

    «شي جينپيڭ ەل باسقارۋ جونىندە» اتتى كىتاپتىڭ 2 - تومىنا باس شۋجي شي جينپيڭنىڭ 2014 - جىلى 18 - تامىزدان 2017 - جىلى 29 - قىركۇيەككە دەيىنگى سويلەگەن سوزدەرى، كەڭەستەرى، لەكسيالارى، بەكىتۋلەرى، قۇتتىقتاۋ حاتتارى سىندى 99 ماقالا 17 ارناۋلى تاقىرىپقا ءبولىنىپ كىرگىزىلگەن، بۇل كىتاپ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرا باستاپ، جاڭا داۋىردە جۇڭگوشا سوتسياليزم ۇلى امالياتىنا تاباندى بولعاندىعى مەن دامىتقاندىعىن جاندى ەستەلىككە الدى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ دامۋ جۇيەسى مەن ماڭىزدى مازمۇندارىن شوعىرلى بەينەلەدى، جۇڭگو كوممۋنيستىك پارتياسىنىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىنە، ادامزاتتىڭ بەيبىتشىلىك جانە دامۋ ىستەرىن جەبەۋگە قوسقان جۇڭگو اقىل - پاراساتى مەن جۇڭگو جوباسىن تولىق ايگىلەدى.

    بۇل كىتاپتىڭ باسپادان شىققان حانزۋشا، اعىلشىنشا نۇسقالارىنان تىس، ءار ەل وقىرماندارىنا ارناپ ءتىپتى كوپ تىلدەردەگى نۇسقاسى شىعارىلادى.

جاۋاپتى رەداكتور: گۇلدەن ماقسات قىزى