ءبىر نيەت، ءبىر تىلەكپەن «جەر ۇيىعى» _ جاڭا ىلەنى كوركەيتەيىك

  • كەلۋ قاينارى: ىلە گازەتى
  • 03:19:12 15/01/2018

 

    اۆتونوميالى وبلىستىق 14 – كەزەكتى حالىق قۇرىلتايى 2 – ءماجىلىسىنىڭ اشىلعاندىعىنا نازار

    ما چىڭلۋ (ءوز ءتىلشىمىز)

 

    قاڭتاردىڭ 14 – كۇنى ساعات 9، قىستىڭ قىرباق قارى جاۋىپ تۇر، حالىق قۇرىلتايىنىڭ 396 ۋاكىلى اۆتونوميالى وبلىستىق 14 – كەزەكتى حالىق قۇرىلتايىنىڭ 2 – ءماجىلىسى اشىلاتىن ءماجىلىس زالىنا توپ – توبىمەن كىردى. ولار تابىستاردى تىلگە تيەك ەتىپ، رەفورمانى بايانداپ، دامۋدى جوسپارلادى. جاڭا ءداۋىر _ اۆتونوميالى وبلىستىڭ «ەكى ماجىلىسىنە» اناعۇرلىم زور ءۇمىت باعىشتاپ، اناعۇرلىم كوپ ارمان مەن تىلەك ارقالاتتى.

    ساعات 9 دان 30 مينۋت ءوتتى، جيىننىڭ اشىلۋىنا ءالى ءبىر ساعاتتاي ۋاقىت بار بولسا دا ۋاكىلدەر ورىندارىنا ەرتەمەن كەلىپ جايعاستى، ءتىپتى، كەيبىرەۋلەرى ءماجىلىس مايدانىندا سۋرەتكە ءتۇسىپ، وسى ءبىر سالتاناتتى دا شاراپاتتى ساتتەن ەستەلىك قالدىرىپ ابىگەر؛ ال تاعى بىرەۋلەرى باياندامانى وقىپ، مۇقيات وي جۇگىرتۋدە. ءماجىلىس الاڭىنداعى «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرىپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن جاراتىپ، <جەر ۇيىعى> _ جاڭا ىلەنى كوركەيتەيىك» دەپ جازىلعان ۇران كوزگە وتتاي باسىلادى.

    ساعات 10 نان 30 مينۋت وتكەندە ايبىندى مەملەكەت گيمنىمەن اۆتونوميالى وبلىستىق 14 – كەزەكتى حالىق قۇرىلتايى 2 – ءماجىلىسىنىڭ شىمىلدىعى اشىلدى.

    ۋاكىلدەردىڭ قىزۋ قارسى الۋىمەن وبلىس باستىعى قۇرماش سىرجان ۇلى ءتوراعالار مىنبەسىنە شىعىپ، وبلىستىق ۇكىمەت اتىنان ۇكىمەت قىزمەتىنەن بايانداما جاسادى.

    ساندى مالىمەتتەر، ناقتى ىستەر، قول جەتكىزىلگەن تابىستار _ بۇكىل وبلىستاعى ءار ۇلت كادر – جۇرتشىلىعىنىڭ قالتقىسىز ەڭبەك جەمىسىن ايگىلەيدى. تەكەس اۋدانى شولاقتەرەك قالاشىعىنان كەلگەن وبلىستىق حالىق قۇرىلتايىنىڭ ۋاكىلى كاميلا بولاتجان قىزى بىلاي دەدى: «وبلىستىق پارتكومنىڭ باسشىلىعىندا تۇتاس وبلىستىڭ مادەنيەت، دەنەتاربيە، ەمدەۋ سياقتى قوعامدىق ىستەرى جەدەل دامىدى، جەتكەن جەتىستىكتەر جۇرتقا ايان، بۇعان توتەنشە ريزامىز».

    تەكەس اۋدانىنان كەلگەن ۋاكىل كۇڭ ليڭيۇن بىلاي دەدى: «بۇل رەتكى ءماجىلىس _ بۇكىل ەل كولەمىندە پارتيا 19 – قۇرىلتايىنىڭ رۋحى ىشكەرىلەي دايەكتى تياناقتاندىرىلىپ جاتقان شەشۋشى كەزەڭدە اشىلعان ءبىر رەتكى ماڭىزدى ءماجىلىس، ىلەنىڭ بولاشاق دامۋ ۇلى جوسپارىن جاسايتىن ءماجىلىس. مەن، ءسوزسىز، ءار ۇلت جۇرتشىلىعىنىڭ ۇمىتىنەن شىعىپ، ماجىلىسكە بەلسەندىلىكپەن قاتىناسىپ، جاۋاپكەرلىگىمدى شىنايى ادا ەتەمىن».

    جاڭا جىل _ پارتيا 19 – قۇرىلتايىنىڭ رۋحىن جاپپاي دايەكتى تياناقتاندىرۋدىڭ باستاما جىلى، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، «13 – بەس جىلدىق» جوبانى اتقارۋ سىندى جۇمىستار جالعاستى ىستەلەتىن ماڭىزدى جىل.

جاۋاپتى رەداكتور: گۇلدەن ماقسات قىزى