ءتيىمدى جاعدايدا ورگە ۇمتىلىپ، پارتيانى جاپپاي قاتاڭ جونگە سالۋدا جاڭا جاعداي اشايىق

  • كەلۋ قاينارى: ىلە گازەتى
  • 03:34:58 15/01/2018

    − باس شۋجي شي جينپيڭنىڭ 19 ـ كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ءسوزىنىڭ رۋحىن ۇيرەنۋ تۋرالى (1)

    حالىق گازەتىنىڭ شولۋشىسى

    

    جاڭا داۋىردە، پارتيامىزدا، ءسوز جوق، تىڭ تىنىس، جاڭا سەرپىلىس بولۋى كەرەك، بۇل تىڭ تىنىس، جاڭا سەرپىلىس، الدىمەن، پارتيانى جاپپاي قاتاڭ جونگە سالۋدا جاڭا جاعداي اشۋدان كورىنەدى. 

    19 ـ كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ءماجىلىسى پارتيا 19 ـ قۇرىلتايىنىڭ رۋحىن جاپپاي دايەكتىلەندىرىپ جانە تياناقتاندىرىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتكەن ماڭىزدى ءماجىلىس بولدى. ماجىلىستە باس شۋجي شي جينپيڭ جاڭا داۋىردە پارتيا مەن مەملەكەت ىستەرىن دامىتۋدىڭ جالپى جاعدايى تۇرعىسىنان، پارتيا 19 ـ قۇرىلتايىنىڭ پارتيانى جاپپاي قاتاڭ جونگە سالۋ جونىندەگى ستراتەگيالىق ورنالاستىرۋىن تەرەڭ بايىمداپ، پارتيا 18 ـ قۇرىلتايىنان بەرگى پارتيانى جاپپاي قاتاڭ جونگە سالۋدىڭ ماڭىزدى تاجىريبەلەرىن ىشكەرىلەي قورىتىندىلاپ، پارتيامىز ءدوپ كەلگەن حاۋىپ ـ قاتەر مەن سىن ـ سايىستارعا ىشكەرىلەي تالداۋ جاساپ، پارتيانى جاپپاي قاتاڭ جونگە سالۋدىڭ قازىرگى جانە الداعى ءبىر مەزگىلدەگى جالپى تالابى مەن باستى مىندەتتەرىن ايقىن العا قويىپ، پارتيانى جاپپاي قاتاڭ جونگە سالۋدى ماڭگى تابان اۋدارماس قايسارلىقپەن تەرەڭدەتە ءتۇسىپ، پارتيانى جاپپاي قاتاڭ جونگە سالۋدا جاڭا جاعداي اشۋدى باسا دارىپتەدى. باس شۋجيدىڭ ماڭىزدى سوزىندە بيىكتەن الىس بولجانىپ، امانشىلىقتا جامانشىلىقتىڭ بولاتىنى ەسكەرىلىپ، مول مازمۇن قامتىلىپ، ۇرىمتال تۇس ءداپ باسىپ يگەرىلگەن، ماڭىزدى ءسوز پارتيامىزدىڭ جۇرەكتىلىكپەن وزىندىك توڭكەرىس جۇرگىزۋىنىڭ جارناماسى عانا ەمەس، سونىمەن قاتار پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋدىڭ جۇمىلدىرۋ بۇيرىعى دا. 

    تەمىر سوعۋ ءۇشىن قۇرىش بولۋ كەرەك. جۇڭگوشا سوتسياليزم جاڭا داۋىرگە وتكەندە، پارتيامىز حالىقتى باستاپ ۇلى كۇرەستەر جۇرگىزىپ، ۇلى ىستەردى ىلگەرىلەتىپ، ۇلى ارماندى ورىنداۋ ءۇشىن، ءسوز جوق، پارتيا قۇرىلىسىنىڭ جاڭا ۇلى ينجەنەرياسىن بۇلجىماستان العا ىلگەرىلەتۋ كەرەك. وتكەن بىرەگەي 5 جىلعا قايىرىلا كوز تاستاساق، پارتيامىز پارتيانى جاپپاي قاتاڭ جونگە سالۋدى بەرىك نيەت، قايسار ەرىك، تەڭدەسسىز سەرپىنمەن العا جىلجىتىپ، پارتيا مەن مەملەكەت ىستەرىندە تاريحي جەتىستىككە قول جەتكىزىپ، تاريحي وزگەرىستەردىڭ جارىققا شىعۋىن ىلگەرىلەتىپ، پارتياعا، مەملەكەتكە، ۇلتقا ەسەپسىز تەرەڭ ىقپال جاسادى. پارتيانىڭ 18 ـ قۇرىلتايىنان بەرگى تىنىمسىز قۇلشىنىستىڭ ارقاسىندا، پارتيانى جاپپاي قاتاڭ جونگە سالۋعا وتە جاقسى نەگىز قالاندى، ءبىز ءتيىمدى جاعدايدا ورگە ۇمتىلىپ، پارتيانىڭ ۇزاق مەرزىم بيلىك جۇرگىزۋ قابىلەتى قۇرىلىسى جانە العاباسارلىق پەن كىرشىكسىزدىك قۇرىلىسى سىندى نەگىزگى جەلىنى مىقتاپ يگەرىپ، پارتيانى جاپپاي قاتاڭ جونگە سالۋ ارقىلى پارتيا قۇرىلىسىن جاقسارتىپ، كۇشەيتكەندە عانا «ءتورت ۇلى» جالپى جاعدايدى ءبىر تۇتاس مەڭگەرىپ، پارتيانىڭ قاشان دا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، جۇرەكتىلىكپەن وزىندىك توڭكەرىس جۇرگىزەتىن، ءتۇرلى سىناق پەن قاتەردەن سۇرىنبەي وتەتىن، جىگەرى جالىنداعان ماركستىك بيلىكتى پارتيا بولا بەرۋىنە كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، سوتسياليستىك وسىزاماندانعان مەملەكەتتى جاپپاي قۇرۋعا بەرىك كەپىلدىك ازىرلەي الامىز. 

جاۋاپتى رەداكتور: جازيرا بولاتباي قىزى