جۇڭگو حالىق ساياسي ءماسليحات كەڭەسى ىلە قازاق اۆتونوميالى وبلىستىق 13-كەزەكتى كوميتەتى تۇراقتى كوميتەتىنىڭ قىزمەتىنەن بايانداما (ىقشامدالعانى)

  • كەلۋ قاينارى: ىلە گازەتى
  • 03:53:59 15/01/2018

    (ساياسي كەڭەس اۆتونوميالى وبلىستىق 13-كەزەكتى كوميتەتىنىڭ 2- ماجىلىسىندە 2018 – جىلى قاڭتاردىڭ 13 – كۇنى جاسالدى)

    اۆتونوميالى وبلىستىق ساياسي كەڭەستىڭ ءتوراعاسى سەرجان ۇعىباي ۇلى

    

    2017- جىلعى قىزمەتتەرگە شولۋ

    2017 – جىل __ پارتيا 19- قۇرىلتايى جەڭىسپەن اشىلعان مەرەيلى جىل ءارى ساياسي كەڭەس وبلىستىق 13 – كەزەكتى كوميتەتى قىزمەت باستاعان جىل. ءبىر جىلدان بەرى وبلىستىق پارتكومنىڭ پارمەندى باسشىلىعىندا، وبلىستىق ساياسي كەڭەستىڭ تۇراقتى كوميتەتى باس نىسانانى تىعىز توڭىرەكتەپ، پارتيا 19 – قۇرىلتايىنىڭ، ج ك پ اۆتونوميالى رايوندىق 9- كەزەكتى كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، قالىڭ ساياسي كەڭەس مۇشەلەرى مەن ءار دارەجەلى ساياسي كەڭەس ۇيىمدارىن ىنتىماقتاستىرا باستاپ، قىزمەتتى جاڭا ۇستانىممەن جوسپارلاپ، ماسەلەنى جاڭا وي جەلىسىمەن شەشىپ، قىزمەتتى جاڭا مەحانيزممەن ىلگەرىلەتىپ، كەڭەستىك دەموكراتيانىڭ جاڭا اۋقىمىن قالىپتاستىرىپ، دەموكراتيالىق باقىلاۋدىڭ جاڭا جاعدايىن اشىپ، ۇكىمەت ىستەرىنە ارالاسۋ، ۇكىمەت ىستەرىنە كەڭەس بەرۋ جاعىندا تىڭ تابىستارعا قول جەتكىزىپ، قىزمەت ءتۇزىمىنىڭ جاڭا جۇيەسىن قۇرىپ، ساياسي كەڭەس قوسىنىنىڭ جاڭا بەت – بەينەسىن ايگىلەپ، ساياسي كەڭەس اۆتونوميالى وبلىستىق 13 – كەزەكتى كوميتەتىنىڭ قىزمەتىن جاقسى باستاپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعىن جەبەۋگە بەلسەندى ۇلەس قوستى.

    1. پارتيا باسشىلىعىندا تاباندى بولىپ، ساياسي كەڭەس قىزمەتىنىڭ دۇرىس بەتالىسىمەن العا باسۋعا كەپىلدىك ەتتى

    ءبىر جىلدان بەرى وبلىستىق ساياسي كەڭەس تۇراقتى كوميتەتى پارتيا 19- قۇرىلتايىنىڭ جەڭىسپەن اشىلۋىن قارسى الۋدى نەگىزگى جەلى ەتىپ، اۆتونوميالى رايوندىق، اۆتونوميالى وبلىستىق پارتكومنىڭ ءتۇرلى شەشىم-ورنالاستىرۋلارىن باتىل دايەكتى تياناقتاندىرىپ، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسىن، «ۇيرەنۋ، بۇرىلىس جاساۋ، جەبەۋ» قيمىلىن تىڭعىلىقتى ورىستەتىپ، پارتياعا قالتقىسىز ادال بولۋ تاربيەسىن، بولشەكتەۋشىلىككە قارسى تۇرۋ كۇرەس ءتارتىبىن قاتاڭداستىرۋ ارناۋلى قيمىلىن تەرەڭدەتتى.

    ساياسي ءتارتىپ پەن ساياسي قاعيداعا قاتاڭ بويسۇندى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، اۆتونوميالى رايوندىق، اۆتونوميالى وبلىستىق پارتكومنىڭ شەشىم - ورنالاستىرۋلارىن باتىل تياناقتاندىرىپ، ءىرى قىزمەتتەردى پارتكومعا دوكلاد ەتۋدە، ماڭىزدى ىستەردە پارتكومنان نۇسقاۋ سۇراۋدا، ءىرى قيمىلدارعا پارتكوم مەن ۇكىمەتتىڭ باسشىلارىن ۇسىنىسپەن قاتىناستىرۋعا تاباندى بولىپ، وبلىستىق پارتكوممەن يدەيادا ءبىر نيەت، ءبىر تىلەكتە، نىسانادا ءبىر نيەت، ءبىر باعىتتا، ارەكەتتە ءبىر نيەت ءبىر قادامدا بولۋعا، قىزمەتتە ءبىر نيەتپەن ورتاق كۇش سالۋعا باستان – اياق تاباندى بولدى.

جاۋاپتى رەداكتور: جازيرا بولاتباي قىزى