ساۋان اۋدانىنداعى كادرلار نەگىزگى ساتىعا بارىپ، «تۋىستاسۋ اپتالىعى» قيمىلىن بەلسەنە ورىستەتتى

  • كەلۋ قاينارى: شينجياڭ زاڭ جانە تۇرمىس گازەتى
  • 05:00:43 16/01/2018

    سۇيىسپەنشىلىكتى، مىندەتتى ارقالاپ «تۋىستاسۋ اپتالىعى» قيمىلىنا بەلسەنە ات سالىسقان كادرلار تۋىستاسقان وتباسىلارىمەن ىشكەرىلەي ارالاسىپ، سۇيىسپەنشىلىكتەرىن تەرەڭدەتتى. 10 - جەلتوقساننان بەرى، اۋدانىمىزداعى ءارقايسى مەكەمە ورىندار دەرەۋ اتتانىسقا كەلىپ، كادرلاردى توپقا ءبولىپ ورنالاستىردى. تۋىسىنىڭ ۇيىنە بارعان كادرلار تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنىپ، قاراپايىم تىلمەن پارتيا 19 - قۇرىلتايىنىڭ رۋحىنان ۇگىت - لەكسيا جاساپ، شاماسىنىڭ جەتىسىنشە تۋىستارىنىڭ ءىس جۇزىندىك قيىنشىلىعىن شەشىم ەتتى. وسىلايشا كوپشىلىكتىڭ جۇرەكتەرى اناعۇرلىم توعىسىپ، سۇيىسپەنشىلىكتەرى ءتىپتى دە تەرەڭدەدى.

    ساۋان اۋداندىق «ۇلتتار ىنتىماعىنىڭ بەرەكەلى شاڭىراعى» قىزمەت كەڭسەسىنىڭ كادرى دۋ شىجۋان تىلشىگە: «بيىل تۇتاس اۋدانداعى كادرلار ءتۇرلى تاسىلدەر ارقىلى ‹ۇلتتار ىنتىماعىنىڭ بەرەكەلى شاڭىراعى› قيمىلىن وتكىزدى، ‹تۋىستاسۋ اپتالىعى› قيمىلى بارىسىندا ءار ۇلت كادرلارى مەن بۇقاراسىنىڭ ىنتىماعى نىعايىپ، بەرەكەسى بەكەمدەلدى. تۋىستاردىڭ جۇرەكتەرى توعىسىپ، ءبىر ءۇيلى جاندارداي ەتەنە بولدى»، -دەدى.

    ۇنەمى بارىس - كەلىس جاساعان ادامدار اراسىنداعى بايلانىس بارعان سايىن قويۋلاي تۇسەدى، ناعىز دوستىق شىنايى سۇيىسپەنشىلىكتەن كەلىپ شىعادى. ءبىر اپتاعا جالعاسقان «تۋىستاسۋ اپتالىعى» قيمىلى ساۋان اۋدانىنداعى ءار ۇلت كادرلارىنىڭ بۇقارامەن بايلانىس جاساۋداعى دانەكەرىنە اينالدى. شىنايى تۇردە ورىستەتىلگەن «تۋىستاسۋ اپتالىعى» قيمىلى بارىسىنداعى اسەرلى اڭگىمەلەر ءار ۇلت بۇقاراسىنىڭ ءوزارا تۋىستاسۋىنىڭ ناقتىلى كۋاسى بولدى.

    «تۋىستاسۋ اپتالىعى» قيمىلىن ورىستەتۋ بارىسىندا، لياۋنيڭ انشان قالاسىنان شينجياڭعا باعىتتامالى كومەككە كەلگەن كادرلار دا بۇل قيمىلعا بەل شەشىپ ارالاسىپ، ساۋان اۋدانى مەن انشان قالاسىنىڭ اراسىندا كوپىرلىك رول اتقاردى. نەشە كۇننىڭ الدىندا انشان قالاسىنداعى 20 باستاۋىش مەكتەپتەگى وقىتۋشى - وقۋشىلار كومەككە جىبەرگەن وقۋ - وقىتۋعا قاتىستى قۇرالدار مەن زاتتىق بۇيىمداردى بورتىنكو اۋىلدىق سەنترلى باستاۋشى مەكتەبىنە جەتكىزىپ بەردى، بۇل انشانداعى وقۋشىلاردىڭ تەرەڭ سۇيىسپەنشىلىگىن بەينەلەيدى.

    جۋىردا ساۋان اۋدانى ليۋماۋۋان قالاشىعى ليۋماۋۋان قىستاعىنا اۋداندىق پارتكوم ۇگىت ءبولىمىنىڭ كادرلارى كەلىپ «تۋىستاسۋ اپتالىعى» قيمىلىن ورىستەتتى. ولار سول كۇنى تۇستە تۋىستارىن ۇيىمداستىرىپ، قىستاق ەكى كوميتەتى كەڭسەسىنە جينالىپ ءبىر اراعا باس قوستى. سوڭىنان قىستاق تۇرعىندارى «تۋىستاسۋ اپتالىعى» قيمىلىنا قاتىناسقان كادرلارمەن بىرگە تاماق ىستەپ، ءار وتباسى بىردەن قۋىرماش دايىنداپ، «ۇلتتار ىنتىماعى قوناعاسىن» ازىرلەدى.

    كوپ وتپەي، ءدامى ءتىل ۇيىرەتىن پالاۋ، تۇشپارا، تورە تاباق تاۋىق ەتى قۋىرماشى جانە ءدامدى بالكۇلشە سياقتىلار ۇستەلگە تولتىرا ءتىزىلدى. ۇگىت ءبولىمىنىڭ كادرى قۇندىز ءماديار قىزى ءوزى ۇيىنەن الا كەلگەن قوي ەتىنەن «ۇلتتار ىنتىماعى قوناعاسى» قيمىلىنا قوي ەتى پالاۋىن ارنايى دايىندادى. ول بىلاي دەدى: «مەن كوپشىلىككە ءدامدى تاعام جاساپ بەرىپ، اراداعى تۋىستىق بەرەكەنى بەكەمدەۋگە كۇش سالامىن، وسى بىرنەشە كۇندەگى بىرگە تۇرۋ بارىسىندا، تەرەڭ سۇيىسپەنشىلىك ورناتتىق، بۇدان كەيىن تۋىستارىمنىڭ ۇيىنە ۇنەمى كەلىپ تۇرامىن».

    جەڭىسحان اسقار ۇلى

    نۇردىبەك قاھارمان ۇلى

جاۋاپتى رەداكتور: گۇلدەن ماقسات قىزى