شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شينجياڭنىڭ قوعام ورنىقتىلىعى مەن باياندى تىنىشتىق جاڭا جاعدايىن اشايىق

  • كەلۋ قاينارى: ىلە گازەتى
  • 03:22:15 23/01/2018

    (2) قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ بارىسىندا حالىقتى وزەك ەتۋگە، ءسوزجوق، تاباندى بولۋ كەرەك

    حالىقتى وزەك ەتۋگە تاباندى بولۋ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋدىڭ نەگىزگى جالپى جٶباسىنىڭ ءبىرى. باس شۋجي شي جينپيڭ: «حالىق تاريحتى جاراتۋشى، پارتيا مەن مەملەكەتتىڭ كەلەشەك تاعدىرىن بەلگىلەيتىن ءتۇبىرلى كۇش» دەپ اتاپ كورسەتكەن. حالىقتى وزەك ەتۋ سىندى دامۋ يدەياسىنىڭ تامىرى ماركسيزم نازارياسىنىڭ مىعىم نەگىزى مەن جۇڭگوشا سوتسياليزمنىڭ باي امالياتى نەگىزىندە، وندا «حالىق دەگەنىمىز دامۋدى ىلگەرىلەتەتىن ءتۇبىرلى كۇش» دەيتىن تاريحقا ماتەرياليستىك كوزقاراستىڭ شۇعىلاسى جارقىرايدى. تىنىش، ءتارتىپتى، گۇلدەنگەن جاراسىمدى قوعامدىق ورتانى حالىق اڭسايدى، كوپ بولىپ ءۇمىت ەتەدى. حالىق جۇرەگى ورنىقپاسا قوعامنىڭ ورنىعۋى قيىن. قوعام ورنىقتىلىعى مەن باياندى تىنىشتىق باس نىساناسىن بەرىك، باتىل ناقتى تياناقتاندىرۋ شينجياڭداعى ءار ۇلت بۇقاراسىنىڭ ءتۇبىرلى مۇددەسىنە ۇيلەسەدى، سونداي - اق بۇل ءار ۇلت حالىق بۇقاراسىنا بولعان ەڭ ۇلكەن قورعاۋ جانە شەكسىز ىستىق مەيىر. جاڭا جاعدايدا شينجياڭ قىزمەتىن جاقسى ىستەۋدە، ءسوزجوق، حالىقتىڭ تۇلعالىق ورنىنا تاباندى بولىپ، بار ىنتا -پەيىلىمەن حالىق ءۇشىن قىزمەت ىستەۋدەي ءتۇبىرلى ماقساتتى امالياتتا ايگىلەۋ كەرەك. پارتيانىڭ بۇقارالىق لۋشيانىن شينجياڭ قىزمەتىنىڭ باس نىساناسىن جۇزەگە اسىرۋدىڭ بارلىق ارەكەتى بارىسىندا دايەكتىلەندىرىپ جانە تياناقتاندىرىپ، باستان-اياق ءار ۇلت بۇقاراسىنىڭ تاماشا تۇرمىسقا دەگەن تالپىنىسىن كۇرەس نىسانامىز ەتىپ، شىنايى قىزمەت ناتيجەمىز بەن دامۋ، وزگەرىستەر ارقىلى ءار ۇلت بۇقاراسىنىڭ كەنەلۋ سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرۋىمىز كەرەك.

    (3) قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ بارىسىندا، ءسوزجوق، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ كەرەك

    جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋدىڭ نەگىزگى جالپى جوباسىنىڭ ءبىرى. باس شۋجي شي جينپيڭ شينجياڭ قوعامىنىڭ ورنىقتىلىعى مەن باياندى تىنىشتىعى بۇكىل ەلىمىزدىڭ رەفورما، دامۋ، ورنىقتىلىق جالپى جاعدايىنا قاتىستى، وتاننىڭ تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە قاتىستى، جۇڭحۋا ۇلتىنىڭ ۇلى گۇلدەنۋىنە قاتىستى دەپ اتاپ كورسەتكەن بولاتىن. مەملەكەتتىڭ حاۋىپسىزدىگى مەملەكەت تىنىش، ەل ىرگەسى بەرىك بولۋدىڭ ماڭىزدى تياناعى، مەملەكەتتى قۇدىرەتتەندىرۋ ءۇشىن، ءسوزجوق، شەكارانى كۇشەيتۋ كەرەك، شەكارا كۇشتى، ىرگە بەرىك بولسا عانا، مەملەكەت تىنىش بولادى، مەملەكەتتىڭ حاۋىپسىزدىگىن قورعاۋ بۇكىل ەلىمىزدەگى ءار ۇلت حالقىنىڭ ءتۇبىرلى مۇددەسىنە سايادى. شينجياڭ - ەلىمىزدىڭ باتىس سولتۇستىگىندەگى ماڭىزدى حاۋىپسىزدىك قالىتقىسى، ستراتەگيالىق ورنى ەرەكشە، ءدوپ كەلگەن ماسەلەلەرى ەرەكشە، شينجياڭ قىزمەتىن جاقسى ىستەۋ مەملەكەتتىڭ جالپى جاعدايىنا قاتىستى ءىس، ءسوزجوق، مەملەكەت حاۋىپسىزدىگى سىندى ستراتەگيالىق بيىكتىكتەن ۇزاق بولاشاقتىق جوسپار قۇرىپ، نەگىزدى بەكەمدەيتىن شارالار اتقارىپ، باياندى تىنىشتىق، بەيبىت تىرلىك ورناتىپ، قوعام ورنىقتىلىعى مەن باياندى تىنىشتىق باس نىساناسىن شىن مانىندە ناقتى تياناقتاندىرۋ كەرەك. ءسوزجوق، مەملەكەتتىڭ مۇددەسىن بارىنەن جوعارى قويۋعا تاباندى بولىپ، حالىقتىڭ اماندىعىن باس ماقسات ەتىپ، ساياسي حاۋىپسىزدىكتى تياناق ەتىپ، مەملەكەتتىڭ يەلىك ۇقىعىن، بيلىگىن، ءتۇزىمىن جانە يدەولوگيانىڭ بەكەمدىگىن باتىل قورعاپ، ءتۇرلى حاۋىپ-قاتەر مەن سىن - سىناقتارعا بەلسەنە توتەپ بەرىپ، ءتۇرلى تۇستەگى جالبىزبالاپ كىرۋ، اۋدارۋ، ءبۇلدىرۋ ارەكەتتەرىنەن، زورلىقتى كۇش لاڭكەستىك ارەكەتتەرىنەن، ۇلتتىق بولشەكتەۋشىلىك ارەكەتتەرىنەن، ءدىني ۇشقارىلىق ارەكەتتەرىنەن قاتاڭ ساقتانىپ جانە ولارعا باتىل سوققى بەرىپ، پارتيانىڭ پارمەندى باسشىلىعىندا جاۋاپكەرلىگى بولۋعا، جاۋاپكەرلىكتى ارقالاۋعا، جاۋاپكەرلىكتى ادا ەتۋگە تاباندى بولىپ، ءارقانداي ادامنىڭ، ءارقانداي ۇيىمنىڭ ءارقانداي كەزدە ءارقانداي فورمامەن شينجياڭنىڭ ءبىر سۇيەم جەرىن دە ۇلى وتانىمىزدان ءبولىپ اكەتۋگە ۇرىنۋىنا، استە، جول قويماۋىمىز كەرەك.

جاۋاپتى رەداكتور: جازيرا بولاتباي قىزى