شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شينجياڭنىڭ قوعام ورنىقتىلىعى مەن باياندى تىنىشتىق جاڭا جاعدايىن اشايىق

  • كەلۋ قاينارى: ىلە گازەتى
  • 03:22:15 23/01/2018

    (3) پارتيا مۇشەلەرىنىڭ اۋەلگى ماقساتى مەن بورىشىن ەستە بەرىك ساقتاپ، شينجياڭ قىزمەتىنىڭ باس نىساناسىن جۇزەگە اسىرۋدىڭ بۇقارالىق نەگىزىن بەكەمدەۋدە اتويلاپ الدا ءجۇرۋ، ۇلگى بولۋ كەرەك

    ءبىر ساياسي پارتيانىڭ، ءبىر اكىمياتتىڭ بولاشاق تاعدىرى حالىقتىڭ قۇپتاۋ - قۇپتاماۋىمەن بەلگىلەنەدى. باس شۋجي شي جينپيڭ بىلاي دەپ اتاپ كورسەتتى: «جۇڭگو كوممۋنيستەرىنىڭ اۋەلگى ماقساتى مەن بورىشى −جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ». شينجياڭ قىزمەتىنىڭ باس نىساناسىن جۇزەگە اسىرۋدا، ءسوز جوق، كوممۋنيستەردىڭ اۋەلگى ماقساتى مەن بورىشىن ەستە بەرىك ساقتاپ، بۇقارالىق نەگىزىن بەكەمدەۋدە اتويلاپ الدا ءجۇرۋ، ۇلگى بولۋ كەرەك. «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن مۇقيات ۇيىمداستىرىپ، ورىستەتىپ، نەگىزگى ماقسات تانىمىن بەرىك ورناتىپ، قۇن كوورديناتاسىن تۋرالاپ، مۇرات -سەنىمدى بەرىكتەپ، باستان-اياق ءار ۇلت بۇقاراسىن كوكەيدەگى ەڭ جوعارى ورىنعا قويىپ، باستان -اياق حالىقپەن بىرگە بولىپ، باستان - اياق ءار ۇلت حالقىنىڭ ءۇمىتىن قىزمەتتىڭ ەڭ ۇلكەن قوزعاۋشى كۇشى ەتۋ كەرەك. ءار ۇلت بۇقاراسى ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرىپ، بەتپە -بەت، شىنايى، دەن قويا ىستەپ، ءىستى بىرىنەن -سوڭ ءبىرىن، جىلدان -جىلعا جالعاستىرىپ ىستەپ، ءارى ارەكەتكە اينالدىرۋ، ءارى كوكەيگە ۇيالاتىپ، قىزمەتتى دالمە - ءدال، ىشكەرىلەي ىستەۋ؛ ءار ۇلت بۇقاراسىن ىنتىماقتاستىرىپ جانە ۇيىستىرىپ، ۇلتتار ىنتىماعىن كوز قاراشىعىن قورعاعانداي قورعاپ، ءومىردى قاستەرلەگەندەي قاستەرلەپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە ەڭ زور شەكتە ىنتىماقتاستىرىپ، قۇدىرەتتى ۇيىسۋ كۇشىن جانە تارتۋ كۇشىن قالىپتاستىرۋ كەرەك.

    (4) العان بەتىنەن قايتپايتىن، قايراتتانا العا ۇمتىلاتىن رۋحاني بەت -بەينەدەن باستان - اياق جازباي، شينجياڭ قىزمەتىنىڭ باس نىساناسىن جۇزەگە اسىرۋ سىندى كوپتەگەن تىڭ تاريحي ەرەكشەلىكتەرگە يە وسى ۇلى كۇرەستە اتويلاپ العا ءجۇرىپ، ۇلگى بولۋ كەرەك

    ۇلى ىستەر ۇلى ارماننان تۋىندايدى، قاجىماي -تالماي كۇرەس جاساعاندا تابىسقا جەتۋگە بولادى. باس شۋجي شي جينپيڭ: «تاماشا رۋحاني كۇي بارلىق قىزمەتتى جاقسى ىستەۋدىڭ العى شارتى» دەپ اتاپ كورسەتتى. جاراسىمدى، كورىكتى شينجياڭ قۇرۋدا، شينجياڭ قوعامىنىڭ ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا، ءسوز جوق، كوتەرىڭكى كوڭىل كۇيدى، اسقاق جىگەردى، قاجىرلى قايراتتى، ماڭگى تالىقپايتىن رۋحاني كۇيدى باستان - اياق ساقتاپ، شەگە قاعۋ رۋحىمەن، قايىسپاس كۇش -قۋاتپەن، قىزمەتتى جاقسى ىستەي الماسا كۇندىز كۇلكى، تۇندە ۇيقى كورمەيتىن پوزيتسيامەن، قىزمەتكە بەل شەشە كىرىسىپ، بەلسەنە ارالاسىپ، ناقتى ىستەپ، شىنايى يگەرىپ، قيىندىقتاردى جەڭىپ، ورنىقتى، تىڭعىلىقتى ىستەۋ؛ ءسوز جوق، باستان - اياق باتىلدىقپەن جاڭالىق اشاتىن، ەرلىكپەن العا ىلگەرىلەيتىن رۋحاني كۇيمەن ۇستانىمدا، قىزمەتتە، تۇزىمدە، مەحانيزمدە جاڭالىق اشىپ، كەسكىن، جان - جاقتى ىستەۋ؛ ءسوز جوق، باستان - اياق باتىلدىقپەن بورىش ارقالايتىن، باتىل كۇرەسەتىن رۋحاني كۇيمەن ۇلكەن دۇرىس پەن ۇلكەن بۇرىس الدىندا باتىل ءۇن قاتىپ، ايقىن پوزيتسيا ءبىلدىرىپ، ناشار ستيل، تەرىس پيعىلدارمەن باتىل كۇرەسىپ، «ەكىبەتكەيلىكتى» سىن تەزىنە الىپ، «ەكىبەتكەيلەردى» اشكەرەلەپ، «4 ءتۇرلى بۇرىس ستيلدى» جويىپ، «4 ءتۇرلى تەرىس پيعىلدى» الاستاپ، قۇرىشتاي شىڭالىپ، پارتيا ورتالىعى بەلگىلەگەن شينجياڭ قىزمەتىنىڭ باس نىساناسىنىڭ كۇنى بۇرىن تابىستى جۇزەگە اسۋىنا كەپىلدىك ەتۋ كەرەك.

جاۋاپتى رەداكتور: جازيرا بولاتباي قىزى