شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شينجياڭنىڭ قوعام ورنىقتىلىعى مەن باياندى تىنىشتىق جاڭا جاعدايىن اشايىق

  • كەلۋ قاينارى: ىلە گازەتى
  • 03:22:15 23/01/2018

    ءۇشىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، شينجياڭ قوعامىنىڭ ورنىقتىلىعى مەن باياندى تىنىشتىعىن كۇش سالا ىلگەرىلەتۋ

    «ءجۇز شاقىرىمدىق جولدىڭ توقسان شاقىرىمىن باسساڭ دا ءالى جولدامىن دەپ ءبىل» دەگەن. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، «ۇلكەن وزگەرىس جاساي الاتىن» ارىنمەن بىلەك سىبانا ناقتى ىسكە كىرىسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ۇلى امالياتىن جاپپاي ىلگەرىلەتىپ، شينجياڭ قوعامىنىڭ ورنىقتىلىعى مەن باياندى تىنىشتىعىنىڭ تىڭ تابىستارىنا ۇزدىكسىز قول جەتكىزۋىمىز كەرەك.

    (1) ءسوزسىز جەڭىسكە جەتۋ سەنىمىن بەكەمدەپ، جاراسىمدىلىق پەن ورنىقتىلىقتىڭ تىڭ تابىستارىنا قول جەتكىزۋگە كۇش سالۋ

    شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىسكە اسىرۋدا، ءسوزسىز، جەڭىسكە جەتۋ سەنىمىن بەكەمدەپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شاراسىن بۇلجىماي جاقسى جۇرگىزىپ، شينجياڭ قوعامىنىڭ جالپى جاعدايىنىڭ ءۇرتىس ورنىقتى بولۋىن، باياندى ورنىقتى بولۋىن، جاپپاي ورنىقتى بولۋىن جۇزەگە اسىرۋعا كەپىلدىك ەتۋ كەرەك. يدەولوگيا سالاسى قىزمەتىنە باسشىلىق ۇقىقتى مىقتى يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، «4 سەنىمدى» شىنايى كۇشەيتۋ كەرەك. باتىل ءۇن قاتىپ، ايقىن پوزيتسيا ءبىلدىرۋ قيمىلىن ۇزدىكسىز تەرەڭدەتىپ، نەگىزگى ريتىمدى اسقاقتاتا جىرلاپ، وڭ ەنەرگيا تاراتىپ، يدەولوگيا سالاسىنىڭ حاۋىپسىزدىك قورعانىس شەبىن ويداعىداي قالاۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، تياناقتاندىرىپ، پارتيا، ۇكىمەت، ارميا، ساقشى، حالىق جاساقتارى بىرلەسىپ قورعانىپ، مەڭگەرىپ، قۇرىش قورعان سوعىپ، شينجياڭ قوعامىنىڭ ورنىقتىلىعى مەن باياندى تىنىشتىعى باس نىساناسىن جۇزەگە اسىرۋدى پارمەندى قامتاماسىز ەتۋ كەرەك.

    (2) دامۋدى بوساڭسىتپاي مىقتى يگەرىپ، رەفورما مەن دامۋدىڭ تىڭ جەتىستىكتەرىنە جەتۋگە كۇش سالۋ كەرەك

    شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19-قۇرىلتايىنىڭ رۋحىنداعى رەفورما رۋحىن، رەفورما، دامۋ جونىندەگى ورنالاستىرۋىن، رەفورما تالابىن ىشكەرىلەي ءتۇسىنىپ، جاڭالىق اشا، سايكەستى، جاسىل، اشىق، بىرگە يگىلىكتەنەتىن دامۋ ۇستانىمىن بۇلجىتپاي دايەكتىلەندىرىپ، شينجياڭنىڭ جوعارى ساپادا دامۋىن ىلگەرىلەتۋ كەرەك. ەكولوگيالى قورشاعان ورتانى قورعاۋ ۇستانىمىن كۇشەيتىپ، تۇنىق سۋ، جاسىل تاۋ − سارقىلماس بايلىق، اق قار، كوك مۇز دا سارقىلماس بايلىق ۇستانىمىن بەرىك ورناتىپ جانە امالياتتا ايگىلەپ، سوتسياليستىك ەكولوگيالىق وركەنيەت كوزقاراسىن بەرىك ورناتىپ، اسپانى اشىق، تاۋى جاسىل، سۋى تۇنىق كورىكتى شينجياڭدى قۇرىپ شىعۋ كەرەك.

جاۋاپتى رەداكتور: جازيرا بولاتباي قىزى