شينجياڭداعى ەكى تاس جول لەنياسى بۇكىل مەملەكەت كولەمىندەگى جەكە كولىكپەن ساياحاتتاۋداعى 10 سارا ساياحات لەنياسى قاتارىنا ەنگىزىلدى

  • كەلۋ قاينارى: ىلە كەشى گازەتى
  • 02:57:38 25/01/2018

 

    شينحۋا اگەنتتىگى، ءۇرىمجى، قاڭتاردىڭ 21-كۇنى. مەملەكەتتىك ساياحات مەكەمەسى مەن مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى جۋىردا جۇڭگوداعى «باتىسقا ساپار» جەكە كولىكپەن ساياحاتتاۋدىڭ 10 سارا ساياحات لەنياسىن باعالاپ بەكىتتى، مۇنىڭ ىشىندە شينجياڭداعى ەكى تاس جول بولەگى بۇقارانىڭ جەكە كولىكپەن ساياحاتتاۋ قاجەتىن قامتاماسىزداندىرۋ ءارى كەدەي رايوندار مەن كەدەي بۇقارانىڭ ساياحاتقا ات سالىسۋى ارقىلى ساياحاتتى دامىتىپ، جەرگىلىكتى ورىنداعى بۇقارانى كەدەيلىكتەن ارىلتۋعا سەپتىگىن تيگىزۋدەي ەرەكشەلىگىمەن سارا ساياحات لەنياسى قاتارىنا ەنگىزىلدى.

    ءتىلشىنىڭ اۆتونوميالى رايوندىق ساياحاتتى دامىتۋ كوميتەتىنەن ۇعىسۋىنشا، وسى رەتكى سارا ساياحات لەنياسى قاتارىنا ەنگىزىلگەن تاس جولدىڭ ءبىرى-كورلادان حوتانعا دەيىنگى تاس جول بولەگى بولىپ، شامامەن ءبىر مىڭ 800 كيلومەتر بۇل تاس جول كورلا، بۇگىر، كۇشار، اقسۋ، اتۇش، قاشقار، حوتاندى باسىپ ءوتىپ، تاس جول جاعالاۋىنداعى بۇگىر توراڭعى ورمانى، كۇشار ۇلكەن قىساڭى، قاشقار بايىرعى قالاسى، مۇزتاۋ اسۋى، تاكلاماكان قۇمدىعى سياقتى ساياحات ، كورىنىس رايوندارىنىڭ ساياحاتىن جانداندىرۋمەن بىرگە، اقسۋ، قاشقار، حوتان ايماقتارى مەن قىزلسۋ قىرعىز وبلىسىنداعى كەدەي رايونداردىڭ ساياحات ارقىلى كەدەيلىكتەن ارىلۋىنا تيىمدىلىك جاراتۋعا بولادى. تاعى ءبىر تاس جول لەنياسى- جىبەك جولىنىڭ حىشي كاريدورى بولىپ، بۇل شينجياڭداعى تاس جول بولەگىن دە قامتيدى. جىبەك جولىنىڭ حىشي كاريدورى گانسۋدىڭ لانجوۋ قالاسىنان شينجياڭداعى قورعاس وتكەلىنە تۇتاساتىن جالپى 3 مىڭ 200 كيلومەترلىك تاس جولدى مەڭزەيدى. ليانيۇنگاڭ-قورعاس، بەيجيڭ-ءۇرىمجى جوعارى قارقىندىق تاس جولىنىڭ ماڭىزدى قۇرامداس ءبولىمى ءارى جىبەك جولىنداعى ماڭىزدى ساياحات قالاسى مەن ساياحات، كورىنىس رايوندارىن باسىپ وتەتىن وسى تاس جول تۇرپان، ءۇرىمجى، نارات، قۇلجا، قورعاستى باسىپ وتۋمەن بىرگە، تاس جول بويىنداعى تۇرپان بويلىق، كارىز كورىنىس رايونى، بوعدا كولى، حالىقارالىق ۇلكەن بازار، نارات ساحاراسى، قورعاس وتكەلى سياقتى ساياحات، كورىنىس تۇريىندەرىن قامتيدى.

    2016-جىلدان باستاپ، شينجياڭ ساياحاتتى دامىتۋ كوميتەتى مەن كەدەيلەردى سۇيەمەلدەۋ كەڭسەسى بىرلەسىپ تەكسەرۋ، زەرتتەۋ جۇرگىزۋ ارقىلى 11 ايماق، وبلىستاعى 616 ورىندى اۋىل-قىستاق ساياحاتىن دامىتۋ ارقىلى كەدەيلەردى سۇيەمەلدەۋدەگى ءتۇيىن ەتىپ بەلگىلەپ، «شينجياڭنىڭ 13-بەسجىلدىق جوباسىنداعى كەدەيلەردى سۇيەمەلدەۋدەن قامال الۋ جوباسىن» جاساپ ءارى كەدەيلەردى سۇيەمەلدەۋدە يكەمدى ءارى ناقتى جوبا-جوسپاردى ورتاعا قويدى. شينجياڭ ساياحاتتى دامىتۋ كوميتەتىندەگى قاتىستى جاۋاپتىلاردىڭ تانىستىرۋىنشا، كەدەيلەردى سۇيەمەلدەۋدەگى تۇيىندەردى تاڭداۋدا نەگىزگى تاس جول لەنياسىنا، قالاعا ءبىرشاما جاقىن، ساياحاتتى دامىتۋ شارت-جاعدايى جاقسى ورىندار نەگىز ەتىلگەن. جەكە كولىكپەن ساياحاتتاۋ تاس جول جاعالاۋىنداعى رايونداردىڭ ەكونوميكاسىن دامىتۋمەن بىرگە، اۋىل شارۋاشىلىق، ورمان شارۋاشىلىق قوسالقى ونىمدەرىنىڭ ساتىلۋ ارناسىن كەڭەيتىپ، شارۋالاردىڭ كىرىسىن ارتتىرعان. (A1)

جاۋاپتى رەداكتور: گۇلدەن ماقسات قىزى