ءۇنحات تەكشەسىنەن كورگەنىڭىزدى سارالاي ءبىلىڭىز

  • كەلۋ قاينارى: ىلە كەشى گازەتى
  • 03:00:41 25/01/2018

       باقىتالى سەيىتحان ۇلى ( ءوز ءتىلشىمىز )

 

    عىلىم – تەحنيكانىڭ ۇشقان قۇستاي دامۋىنا ىلەسىپ، قولفونداعى ءۇنحات تەكشەسى ارقىلى دۇنيەدەن حاباردار بولۋمەن بىرگە كوپتەگەن قىزمەت وتەۋدەن يگىلىكتەنە الاتىن بولدىق. بۇل، ارينە، يگىلىكتى شارۋا. قولفون ارقىلى باسقالارمەن حابارلاسىپ قالماستان، اقشا تولەۋ، قاتىناس بەلەت تاپسىرىس بەرۋ، بانكە كارتچكاسىنداعى ەسەبىن كورۋ تيىمدىلىكتەن يگىلىكتەنۋ، ت. ب تولىپ جاتقان قىزمەت وتەۋدەن يگىلىكتەنىپ، ۇيدە وتىرىپ – اق جۇمىسىڭىزدى بىتىرە بەرەسىز. دەسە دە، ۇنحات تەكشەسىندەگى جارنامالارعا بايىپتاپ نازار سالىڭىز. بۇل جونىندە ءبىر تيپتىك مىسالدى ايتا كەتەيىن. جۋىردا قۇلجا قالاسىنىڭ تۇرعىنى سۇن حانىم مىناداي ءبىر ىسكە دۋشار بولعانىن اڭىس ەتتى. نەشە كۇننىڭ الدىندا جەرگىلىكتى ءۇنحات تەكشەسىنەن بەلگىلى ءبىر ساماۋىن سورپاسى دۇكەنىنىڭ تيىمدىلىك جاساۋ قيمىلىن وتكىزەتىنىن كورىپ، وسى ءۇنحات تەكشەسىنە قوسىلعاندا، ساماۋىر سورپاسى دۇكەنىنىڭ اقىسىز تاماقتانۋ سيلىق بەلەتىنە يە بولماي، «2 – دارەجەلى سيلىقتىڭ» يەگەرى بولادى. وسى باعادا تيىمدىلىك جاساۋ قيمىلىنىڭ تۇسىندىرمەسى بىلاي ەكەن: اراق – شاراپ، سۋسىندىقتان تيىمدىلىك جاساۋدان سىرت، قۋىرماش باعاسىندا تيىمدىلىك جاسالادى دەلىنگەن. ءبىز اتالمىش اسحاناعا كىرگەنىمىزدە كۇتۋشى دە «2 – دارەجەلى» سيلىق شىققانىن مويىنداعان ەدى. كىم ءبىلسىن، ەسەپ جاباردا الگى ءۇنحات تەكشەسىنىڭ بەتى كورىنبەي قالدى. سوڭىندا ايتىلعانداعىدان جوعارى سالىستىرمامەن ەسەپ جاپتىق. سۇن حانىم بۇل ءىستىڭ بايىبىنا بارا الماي، تۇتىنۋشىلاردىڭ زيان تارتپاۋى ءۇشىن، وسىنداي جارنامالاردى كورگەندە بايىپتىلىقپەن مامىلە جاساۋىن ءۇمىت ەتتى ءارى قاتىستى ورىندار بەلگىلەمە بويىنشا مۇنداي تيجارات ورىندارىن جونگە سالىپ، تۇتىنۋشىلاردىڭ ۇقىق – مۇددەسىن قورعاسا دەگەن اڭىسىن ءبىلدىردى.

    سۇن حانىمنىڭ اڭىسىنا ساي، ءتىلشى ءبىرتالاي اسحاناعا بارىپ جاعداي ۇعىسقاندا، تالاي جىلداردان بەرى اس – سۋ تيجاراتىمەن شۇعىلدانىپ وتىرعان كاسىپورىنداردىڭ ءۇنحات تەكشەسى ارقىلى ءتۇرلى باعادا تيىمدىلىك جاساۋ قيمىلىن وتكىزىپ، كوپتەگەن تۇتىنۋشىنىڭ قولداۋى مەن رازىلىعىن العانىن بايقادى. دەسە دە، كەيبىر اس – سۋ كاسىپورىندارىنىڭ ۇگىتى مەن امالياتتىق جۇمىسى بىردەي بولماۋ جايتتەرى دە بار ەكەن.

    قۇلجا قالالىق بازار باسقارۋ مەكەمەسىنىڭ قاتىستى قىزمەتكەرىنىڭ ايتۋىنشا، قالاداعى كوپتەگەن اس – سۋ كاسىپورىندارى ءۇنحات تەكشەسى ارقىلى تيجارات قيمىلىمەن اينالىسادى. وندا «اقىسىز جەتكىزىپ بەرەمىز»، «اقىسىز تاماقتاناسىز» دەگەن ۇگىتتى كورگەن كەيبىر تۇتىنۋشىلار بارىنشا سەنەدى دە وسى ءۇنحات تەكشەسىنە قوسىلا كەتەدى. ويتكەنى، اسحانالار ءۇنحات تەكشەسىندە باعادا ءتۇرلى تيىمدىلىك شاراسىن ايتادى، تۇتىنۋشىلار وعان بايىپتىلىقپەن قاراپ، قيمىلدىڭ امالياتىنا، شىنايىلىعىنا قاراپ، قيمىلعا قاتىناسۋى قاجەت، كورسوقىرلىقپەن قاتىناسۋدان اۋلاق بولعانى ءجون. سونىمەن بىرگە، سول تيجارات ورنىنىڭ قيمىل سيلىعىنىڭ ەرەجەسىن، ۋاقىت شەگىن، مازمۇنىن قانىق ءبىلۋى كەرەك، سوندا عانا اۋىرەشىلىكتەن ساقتانۋعا بولادى. مۇندا، سول تەكشەدەن كورگەن مازمۇندى تەلەفونىڭىزعا ساقتاپ، سۋرەتكە تارتۋ ارقىلى قاتىستى سىپاتتاردى ساقتاۋىڭىز كەرەك، ەگەردە جوعارىداعىداي ءىس تۋىلا قالسا، قاتىستى ءىستىڭ اق – قاراسى ايرىلىپ، ءوزىڭىزدىڭ ۇقىق – مۇددەڭىزدى قورعاۋىڭىزعا ابدەن بولادى.

جاۋاپتى رەداكتور: گۇلدەن ماقسات قىزى