«اق شاشۋ» ءانىنىڭ تاريحى

  • كەلۋ قاينارى: ىلە كەشى گازەتى
  • 03:18:45 25/01/2018

    داۋرەن باقىتقاجى ۇلى

 

        -2017 جىلى قاراشانىڭ 17-جۇلدىزى التايعا تويعا بارىپ، ەرتەسى التاي ايماقتىق تەلەۆيزيا مەكەمەسىندە ديكتور بولىپ جۇمىس ىستەيتىن اعامىز ەسبولعا قابارلاسىپ ەدىم، تەزدەن «جيندۋ «قوناق ۇيىنە كەلۋىمدى سۇرادى .وكپەمدى قولىما الىپ جەتسەم، اعامىز ءبىر مۇنشا ازاماتتارمەن وتىر ەكەن. از اڭگىمەدەن كەيىن، ەسبول اعامىز:

    - داۋرەن، مەن ساعان، وسى التاي ايماقتىق جازۋشىلار وداعىنىڭ ورىنباسار ءتوراعاسى، «التاي اياسى» جۋرنالىنىڭ باس رەداكتورى،«اق شاشۋ» ءانىنىڭ ءسوزىن جازعان اقىن، جازۋشى ريزابەك قاسەنوۆ دەيتىن اعامىزدى تانىستىرايىن،-دەدى.

    ول اعامىزدى ابدەن تانيتىنىمدى ايتتىم.

    - وتكەن جىلى ۇلى دۋمان التايدا ۇيلەنۋ تويىن جاساعاندا، دۋماننىڭ دوس اعاسى، مەنىڭ دە سونداي اعام، ءانشى، سازگەر ەركىنبەك سادان ۇلىمەن ىلەسىپ، ريزابەك اعانىڭ ۇيىنە تۇستەنىپ قايتقان ەدىك. ءبىراق سول كەزدە الماتىدا جارىق كورگەن «جۇڭگوداعى قازاق سپورتشىلارى «دەگەن كىتابىمدى ريزابەك اعاعا قايتاردا بەرەيىن دەپ، بەرە الماي كەتىپ ەدىم، كەزدەسىپ جاتساق ۇيات بولاتىن بولدى عوي،-دەپ ەدىم، ەسبول اعا:

    -ەشتەڭە ەتپەيدى، ونداي دۇنيەگە ءىش جيا قوياتىن ادام ەمەس، مەن قازىر حابارلاسايىن،- دەپ، ريزابەك اعامىزعا تەلەفون جالعاپ:

    -تارباعاتايدان داۋرەن دەيتىن اقىن باۋىرىڭىز كەلىپ وتىر ەدى، سىزگە كەزدەستىرەيىن دەپ ەدىم،-دەپ، وتىرعان ورىنىمىزدى ايتىپ ەدى، ءسال تۇرىپ كەلەتىنىن ايتتى.

    ءسۇت پىسىرىم ۋاقىتتا، «الىستان التى جاسار بالا كەلسە، الپىستاعى قارت سالەم بەرەدى» دەگەندەي ريزابەك اعامىز دا كەلدى .مەنى ۇمىتىپ قالعان ەكەن. بىلتىر اعانىڭ ۇيىنە بارعانىمدى ايتىپ ەدىم، ەسىنە الدى.

    -الگى كىتاپ قايدا؟-دەدى.

    - بىلتىرعى ايتقان كىتاپتى بيىل بەرەتىن بولدىم، ۇيات بولدى،-دەپ سۋمكامدا جۇرگەن ءبىر كىتابىمدى الىپ اعاعا ۇسىندىم.

    ريزابەك اعا ريزاشىلىعىن ءبىلدىرىپ، اڭگىمەگە سۋسىنداتىپ وتىر.

جاۋاپتى رەداكتور: گۇلدەن ماقسات قىزى