سولتۇستىك كورەيا 8 – اقپاندى ارميا مەرەكەسى ەتىپ تۇراقتاندىردى

  • كەلۋ قاينارى: ىلە كەشى گازەتى
  • 03:23:56 25/01/2018

  

    سولتۇستىك كورەيا ورتالىق اگەنتتىگىنىڭ قاڭتاردىڭ 23 – كۇنى جاريالاعان حابارىنا قاراعاندا، سولتۇستىك كورەيا ەڭبەكشىلەر پارتياسى ورتالىق كوميتەتىنىڭ ساياسي بيۋروسى قاڭتاردىڭ 22 – كۇنى 8- اقپاندى سولتۇستىك كورەيا حالىق ارمياسىنىڭ مەرەكە كۇنى ەتىپ تۇراقتاندىرىلعانىن جاريالاعان.

    حاباردا بىلاي دەلىنگەن: 1948 – جىلى 8 – اقپاندا سولتۇستىك كورەيا حالىق ارمياسىنىڭ قۇرىلعاندىعى جاريالانعان. سولتۇستىك كورەيا ەڭبەكشىلەر پارتياسى ورتالىق كوميتەتى ساياسي بيۋروسى سولتۇستىك كورەيا حالىق ارمياسىنىڭ ىرگەسىن قالاۋشى ۇلى كوسەم كيم ەرسننىڭ توڭكەرىستىك سۇبەلى ەڭبەگىن ساۋلەلەندىرۋ ءۇشىن جوعارىداعى ۇيعارىمدى بەكىتكەن.

    بۇدان بۇرىن، سولتۇستىك كورەيا 1932 – جىلى 25 -ءساۋىردى كيم ەرسننىڭ سولتۇستىك كورەيا حالىق ارمياسىن قۇرعان كۇنى ەتىپ بەلگىلەپ، ءار جىلى 25 -ساۋىردە ەسكە الۋ، قۇتتىقتاۋ قيمىلدارىن وتكىزىپ كەلگەن بولاتىن.

جاۋاپتى رەداكتور: گۇلدەن ماقسات قىزى