وتكەن جىلى 19 ولكە، قالانىڭ شينجياڭعا كومەك بەرگەن قارجى مولشەرى 15 ميلليارد 180 ميلليون يۋانعا جەتتى

  • كەلۋ قاينارى: ىلە كەشى گازەتى
  • 03:17:49 30/01/2018

   

    شينحۋا اگەنتتىگى، ءۇرىمجى، جەلتوقساننىڭ 24-كۇنى. جۋىردا اشىلعان اۆتونوميالى رايوننىڭ «ەكى ماجىلىسىندە» اۆتونوميالى رايوننىڭ ءتوراعاسى شوكىرات زاكىر ۇكىمەت قىزمەتىنەن جاساعان بايانداماسىندا بىلاي دەدى: وتكەن جىلى شينجياڭعا باعىتتامالى كومەك بەرەتىن 19 ولكە، قالا كەدەيلەردى سۇيەمەلدەۋدەن قامال الۋ جانە حالىق تۇرمىسى سالاسىنا جالپى 15 ميلليارد 180 ميلليون يۋان قارجى قوسىپ، اۋىل-قىستاق بەيقۇت ءۇي قۇرىلىسى، لاشىق رايونداردى وزگەرتۋ، وقۋ-اعارتۋ، كاسىپتەندىرۋ، ەمدەۋ سياقتىلاردى ءتۇيىن ەتكەن ءبىرقىدىرۋ حالىق تۇرمىسى نىسانىن اتقاردى. ءبىر جىلدان بەرى شينجياڭعا باعىتتامالى كومەك بەرەتىن 19 ولكە، قالا كاسىپ تۇرلەرى جاعىندا شينجياڭعا كومەك بەرۋدى زور كۇشپەن ىلگەرىلەتىپ، توقىما، كيىم-كەشەك، ەلەكتر ونىمدەرىن مانەرلەۋ، اۋىل شارۋاشىلىق ونىمدەرىن جىنتىكتەي مانەرلەۋ، ساياحات مادەنيەتى سياقتى ەڭبەككۇش شوعىرلانعان ءبىرقىدىرۋ كاسىپ ءتۇرىن ەنگىزىپ، شينجياڭعا كومەك بەرەتىن ولكە، قالالارداعى كاسىپورىنداردىڭ شينجياڭداعى از ۇلت بۇقاراسىن كاسىپتەندىرۋىنە بەلسەنە جەتەكشىلىك ەتىپ، الۋان ءتۇرلى، كوپ ساتىلى اۋىس-كۇيىس، بارىس-كەلىس تەكشەسىن قالىپتاستىرىپ، شينجياڭعا باعىتتامالى كومەك بەرەتىن ولكە، قالالاردىڭ قوعام ورنىقتىلىعىن قورعاپ، ۇلتتار ىنتىماعىن نىعايتۋ جاعىنداعى ەرەكشە رولىن تولىق ساۋلەلەندىردى.

    پارتيا 18-قۇرىلتايىنان بەرى شينجياڭعا كومەك بەرەتىن ولكە، قالالار كاسىپ جاعىندا شينجياڭعا كومەك بەرۋ تەبىنىن اناعۇرلىم ارتتىرىپ، رەت-سانى بويىنشا 500 مىڭنان استام ەڭبەككۇشتى سىرت ورىنعا جوتكەدى. ءتىلشى جاعداي يەلەۋ بارىسىندا قىسقا عانا بىرنەشە جىل ىشىندە ىشكى ولكەدەگى قىرۋار ابزال كاسىپ پەن كاسىپورىن ارت-ارتىنان وڭتۇستىك شينجياڭدا قارجى قوسىپ كاسىپورىن قۇرىپ، «زاۆود باس شتابى +جاساندى سەرىك زاۆودى» فورماسىن قالىپتاستىرىپ، جۇمىسسىزداردى كاسىپتەندىرەتىن جۇمىس ورنى اۋىلعا، قىستاققا، وتباسىلارعا دەيىن كەڭەيىپ، جەرگىلىكتى ورىنداعى بۇقارانىڭ ۇيگە جاقىن ماڭدا كاسىپتەنۋىنە قولايلىلىق جاراتىلعان. سونىمەن بىرگە شينجياڭعا كومەك بەرەتىن ولكە، قالالار تاعى كاسىپتىك دارىندىلاردى تابيەلەۋگە باسا ءمان بەرىپ، دامىعان ولكەدەگى كاسىپورىنداردا شينجياڭداعى از ۇلت بۇقاراسىن توپتىق كاسىپتەندىرىپ، ولاردىڭ كاسىپتەنۋ ماسەلەسىن شەشۋمەن بىرگە، شينجياڭ مەن ىشكى ولكە اراسىنداعى بارىس-كەلىس، اۋىس-كۇيىستى نىعايتقان.

    اۆتونوميالى رايوندىق شينجياڭعا كومەك بەرۋ قىزمەتىن باسقارۋ كەڭسەسىنىڭ ساناعىنا قاراعاندا، پارتيا 18-قۇرىلتايىنان بەرى جالپى 72 ميلليارد 400 ميلليون يۋان شينجياڭعا كومەك بەرۋ قارجىسى ءتاڭىر تاۋىنىڭ تۇستىگى مەن تەرىستىگىندەگى ءار سالا، ءار كاسىپكە قاتىستى نىساندارعا جۇمسالىپ، شينجياڭنىڭ سان-سالالى كاسىپتى دامىتۋىندا بەلسەندى رول اتقارعان. تىلگە تيەك ەتۋگە تاتيتىنى، بۇل قارجىنىڭ ٪70 تەن استامى حالىق تۇرمىسى قۇرىلىسىنا، ٪80 تەن استامى اۋدان (قالا) جانە ودان تومەن دارەجەلى نەگىزگى ساتى ورىندارىنىڭ قۇرىلىسىنا جۇمسالعان. نەشە 10 ميلليارد يۋان شينجياڭعا باعىتتامالى كومەك بەرۋ قارجىسىنىڭ كومەگىندە شينجياڭنىڭ جەر-جەرىندەگى ءار ۇلت بۇقاراسىنىڭ ءوندىرىس، تۇرمىسىنداعى ەڭ تىكە، ەڭ رەال، ەڭ كوكەيتەستى قيىن ماسەلە ويداعىداي شەشىلىپ، ءار ۇلت جۇرتشىلىعىنا تيىمدىلىك جاراتىلعان. (A1)

جاۋاپتى رەداكتور: گۇلدەن ماقسات قىزى