دارىندىلاردان پايدالانا ءبىلۋدىڭ ءوزى — ۇلكەن كورەگەندىك

  • كەلۋ قاينارى: ىلە كەشى گازەتى
  • 03:55:05 30/01/2018

      سىمايىل ىسقاق ۇلى

 

    دارىندىلار پارتيا مەن مەملەكەتتىڭ تەڭدەسسىز بايلىعى، قوعامدى دامىتۋدىڭ اتويشىلارى. وبيەكتيۆ تۇرعىدان ايتقاندا دارىندىلارسىز ءار سالا ىستەرىنىڭ باياندى بولۋى مۇمكىن ەمەس. ۇزاق جىلداردان بەرى پارتيامىز بەن ۇكىمەتىمىز دارىندىلارعا قۇرمەت ەتۋ، دارىندىلارعا ءمان بەرۋ ساياساتىن ويداعىداي اتقارعاندىقتان، ءار سالاداعى دارىندىلار ءوز رولدارىن بارىنشا ساۋلەلەندىرىپ،قوعامنىڭ قارىشتاپ دامۋى ءۇشىن كورنەكتى ۇلەس قوسىپ كەلدى. دەمەك، بۇگىنگى باياشاتتى دا باقىتتى زاماندى انە سول دارىندىلاردىڭ ەڭبەگىنەن، استە، بولە قاراۋعا بولمايدى. ال، مۇنان كەيىن دە ءداۋىر كوشىنىڭ نىق قاداممەن العا ىلگەرىلەۋىندە دارىندىلاردىڭ اتقارار رولى ءتىپتى دە كورنەكتى بولماق. باس شۋجي شي جينپيڭ پارتيانىڭ 19- قۇرىلتايىندا جاساعان بايانداماسىندا دارىندىلار ەلدى قۇدىرەتتەندىرۋ ستراتەگياسىن ايرىقشا تىلگە تيەك ەتىپ، «دارىندىلاردى پارتيا باسقارۋ پرينسيپىندە تاباندى بولىپ، جەر جۇزىندەگى دارىندىلاردى باۋراۋعا، ولاردان پايدالانۋعا ءمان بەرىپ، مەملەكەتتى دارىندىلارمەن قۇدىرەتتەندىرۋ اياق الىسىن جەدەلدەتۋ. اناعۇرلىم بەلسەندى، اشىق،ۇتىمدى دارىندىلار ساياساتىن اتقارىپ، دارىندىلاردى تاني بىلەتىن كورەگەندىكپەن، ايالاي بىلەتىن ىنتا- پەيىلمەن، پايدالانا بىلەتىن باتىلدىقپەن، قادىرىنە جەتەتىن دارقاندىقپەن، شوعىرلاندىرا الاتىن ۇتىمدى ادىسپەن پارتيا ءىشى- سىرتىنداعى، ەل ءىشى- سىرتىنداعى بارلىق تاڭداۋلى دارىندىلاردى پارتيا مەن حالىقتىڭ ۇلى كۇرەسىنە ۇيىستىرۋ، دارىندىلاردى شەت- شالعاي، كەدەي رايوندارعا، شەكاراداعى ۇلتتىق رايوندارعا، بايىرعى توڭكەرىستىك رايوندار مەن نەگىزگى ساتىلاردىڭ الدىڭعى شەبىنە بارىپ، جۇمىس جۇرگىزۋگە جىگەرلەندىرىپ جانە باستاپ،بارلىق ادام بىلىكتى بولۋدى كوكسەيتىن، بارلىق ادام تالانتتى بولۋعا تالپىناتىن، بارلىق ادامنىڭ مامان بولۋىنا مۇمكىندىك جاسالاتىن، بارلىق ادام ءوز قابىلەتىن تولىق ايگىلەي الاتىن تاماشا جاعداي ازىرلەۋگە قۇلشىنىپ، بارشا دارىندىلاردىڭ جاسامپازدىق جىگەرىن تاسقىنداتىپ، اقىل- پاراساتىن تولىق ساۋلەلەندىرۋ كەرەك» دەپ اتاپ كورسەتتى. مىنە، بۇدان دارىندىلاردىڭ قوعامداعى ورنىنىڭ قانشاما ماڭىزدى ەكەنىن ايقىن اڭعارۋعا بولادى. سوندىقتان، قازىر باسا دارىپتەلىپ وتىرعان جۇڭگو ارمانىن جۇزەگە اسىرۋدا ءار سالاداعى دارىندىلاردىڭ رولىن بارىنشا ساۋلەلەندىرۋگە تۋرا كەلەدى. ەندەشە، دارىندىلاردان قايتكەندە ۇتىمدى پايدالانۋعا بولادى ؟بۇل جونىندەگى ويىمىزدى مىنا تۇيىندەرگە جيناقتادىق :

    دارىندىلاردى تاني ءبىلۋ مەن ىستەتە ءبىلۋ — بىلىمدىلەرگە ءتان قاسيەت .

    قاي داۋىردە بولماسىن، ءبىلىم يەلەرىنىڭ ءوز بويىنداعى اقىل- پاراساتىن تۋعان توپىراعىنىڭ يگىلىگى ءۇشىن سارقا جۇمساپ، كوپتىڭ جۇرەك تۇكپىرىنەن وشپەستەي ورىن الىپ، اتى تاريح پاراعىنا ماڭگى جازىلعانى ءمالىم. جاڭا جۇڭگو قۇرىلعاننان كەيىن ، اسىرەسە، تاريحي رەفورما جۇرگىزىپ، قاقپا اشۋ ساياساتى اتقارىلعاننان كەيىن، دارىندىلاردىڭ قوعامداعى ورنى، رولى تولىق تۇراقتاندىرىلىپ، ولاردىڭ وتان ، حالىق ءۇشىن قىرۋار يگىلىكتى ءىس ىستەۋىنە ايتا قالسىن مۇمكىندىكتەر جاراتىلدى. ال، ينفورماتسيا ءداۋىرى سانالاتىن ، عىلىم-تەحنيكا ۇشقان قۇستاي دامىعان وسى تۇستا دارىندىلارعا زارۋلىكتىڭ ءتىپتى دە ارتا تۇسكەنى شىندىق. سوندىقتان، ءار سالاداعى دارىندىلاردى تاني ءبىلۋ مەن ىستەتە بىلۋگە كورەگەندىك تانىتۋدىڭ ماڭىزى اسا زور. مۇندا دارىندىلاردى تاني ءبىلىپ، بىلىمىنە مويىنسال بولۋ عانا جەتكىلىكتى بولمايدى، ەڭ ماڭىزدىسى ولاردان ۇتىمدى پايدالانا ءبىلۋ كەرەك. ويتپەگەندە دارىندى دا، ءبىلىم دە ىسىراپ بولادى .

جاۋاپتى رەداكتور: گۇلدەن ماقسات قىزى