ەكولوگيالىق وركەنيەتتى دارىپتەپ، كورىكتى اتا مەكەن قۇرايىق

  • كەلۋ قاينارى: ىلە گازەتى
  • 03:13:01 31/01/2018

    ەكولوگيالىق وركەنيەت قۇرىلىسىن مىقتى يگەرۋ، كورىكتى جۇڭگو قۇرۋ جۇڭحۋا ۇلتتارىنىڭ بولاشاعىنا قاتىستى ۇلى جوسپار ەكەنىن ەستەن شىعارماۋىمىز كەرەك. ءبىز باس شۋجي شي جينپيڭنىڭ پارتيا 19 – قۇرىلتايىندا جاساعان ماڭىزدى بايانداماسىن مۇقيات ۇيرەنىپ، ەكولوگيالىق وركەنيەت قۇرىلىسى رەفورماسىنا تاباندى بولىپ، كورىكتى ىلە سىندى اتا مەكەندى قۇرۋ جولىندا تومەندەگىدەي ناقتى جۇمىستاردى ىستەۋىمىز كەرەك.

    ءبىرىنشى، پارتيا 19–قۇرىلتاي بايانداماسىندا ورتاعا قويىلعان باعىت–ساياساتتاردى جەتەكشى ەتىپ، ءار دارەجەلى پارتيا، ۇكىمەت ورىندارىنىڭ باسشىلىعىندا ەكولوگيالىق وركەنيەت قۇرىلىسى قىزمەتىن ويداعىداي ىستەپ، ەكولوگيالىق ورتانى قورعاۋدىڭ زاڭ–ەرەجەلەرىنە قاتاڭ بويسۇنىپ، ەكولوگيالىق ورتانى قورعاۋدىڭ ۇگىت قىزمەتىن بارىنشا كۇشەيتىپ، كورىكتى اتا مەكەن ىلەنى كوركەيتۋ جولىندا تىنباي قۇلشىنىس جاساۋىمىز كەرەك.

    ەكىنشى، ەكولوگيالىق ورتانى قورعاۋ تۋرالى ىلە قازاق اۆتونوميالى وبلىسىندا ارناۋلى قور قوعامىن قۇرۋ، ەكولوگيالىق ورتانى زەرتتەيتىن كاسىپتىك مامانداردى تاربيەلەپ جەتىلدىرۋ، ىلەنىڭ باياندى دامۋىن كوزدە ۇستاپ، كورىكتى اتا مەكەن ەكونوميكاسىن دامىتۋدا ەكولوگيالىق ورتانى قورعاۋدى العى شارت ەتە وتىرىپ دامىتۋ كەرەك.

    ءۇشىنشى، ىلەنىڭ تاڭعاجايىپ تابيعات ابزالدىعىنان جاندى پايدالانىپ، نارات، تاڭبالى، كولدەنەڭ، قاراجون سياقتى كورىنىس رايوندارىن، ءتىپتى، دامىتىپ، كورىكتى اتا مەكەننىڭ ەكولوگيالىق ورتاسىن قورعاۋ نەگىزىندە ساياحات رايوندارىن كوبەيتىپ، ىلەنىڭ ەكونوميكاسىن بارىنشا جانداندىرۋىمىز كەرەك.

    ءتورتىنشى، كورىكتى مەكەن ىلەنى گۇلدەندىرۋدە وزىق عىلىم–تەحنيكادان جاندى پايدالانىپ، ۇزاق جىلعى ىلەنىڭ ەكولوگيالىق ورتانى قورعاۋ جوبا–جوسپارىن جاساپ، باياندى دامىتۋدى ىلگەرىلەتۋىمىز كەرەك.

    بەسىنشى، ىلە _ كوپ ۇلت مادەنيەتى توعىسقان رايون، ۇلتتار ىنتىماعى قاۋاشاق اشقان جەر، كوپ ۇلت مادەنيەتىن، سالت–ءداستۇرىن ۇگىتتەيتىن ارناۋلى كوڭىل اشۋ قيمىلدارىن وتكىزۋ، باعالاۋ، سيلاۋ تاسىلدەرىن قولدانىپ، ىلە سىندى ىرىستى مەكەننىڭ ەكولوگيالق ورتاسىن قورعاۋ كوزقاراسىن ورناتىپ، قوعامنىڭ باياندى تىنىشتىعىن قورعاپ، ۇلتتار ىنتىماعى گۇل اشقان كورىكتى ىلە قۇرۋ ءۇشىن كۇرەس جاساۋىمىز كەرەك.

    التىنشى، ءار دارەجەلى پارتيا، ۇكىمەت ورىندارى ارناۋلى ادام ۇيىمداستىرىپ، ىلەدەگى ءار ۇلت حالقىنىڭ مادەنيەتىن، سالت–ءداستۇرىن جۇيەلى جازدىرىپ، كورىكتى اتا مەكەن ىلەنى ەلىمىزگە، ءتىپتى، دۇنيەگە تانىتۋعا قۇلشىنىس جاساۋ كەرەك.

جاۋاپتى رەداكتور: جازيرا بولاتباي قىزى