«ءتورت ۇلى» ايتىلىمنىڭ وراسان زور رولىن تەرەڭ تانۋ كەرەك

  • كەلۋ قاينارى: ىلە گازەتى
  • 03:14:47 31/01/2018

پارتيانىڭ باسشىلىعىنان تيتتەي دە اۋىتقىماي تاباندى بولىپ جانە ونى كەمەلدەندىرىپ، پارتيا قۇرىلىسىنىڭ جاڭا ۇلى ينجەنەرياسىن بۇلجىتپاي ىلگەرىلەتىپ، پارتيا قۇرىلىسىنىڭ ءتىپتى دە پارمەندى جۇرگىزىلۋىنە كۇش سالۋى كەرەك. جاڭا داۋىردە پارتيامىز ءدوپ كەلگەن «ءتورت ۇلكەن سىناق» ءالى دە ۇزاق ۋاقىتتىق جانە كۇردەلىلىك سيپاتقا يە. پارتيامىز ءدوپ كەلگەن «ءتورت ءتۇرلى قاتەر» ءالى دە قيانكەسكىلىك پەن قاتاڭدىق سيپاتقا يە. ەگەر «ءتورت ۇلكەن سىناققا» ءونىمدى تۇردە توتەپ بەرىپ، «ءتورت ۇلكەن قاتەر» ۇتىمدى تۇردە جەڭە الماساق، ۇلى كۇرەس، ۇلى ءىس، ۇلى ارماننان مۇلدە اۋىز اشۋعا بولمايدى. تەك پارتيا قۇرىلىسىن اناعۇرلىم جاقسارتىپ، پارتيانىڭ باستان–اياق قۇدىرەتتى ساياسي باسشىلىق قۋاتىنا، يدەيالىق جەتەكشىلىك قۋاتىنا، بۇقارانى ۇيىستىرۋ قۋاتىنا، قوعامدىق ۇندەۋ قۋاتىنا شىنايى كەپىلدىك ەتكەندە عانا، پارتيامىزدىڭ تاسقىنداعان ومىرشەڭدىك قۋاتى مەن قۇدىرەتتى جاۋىنگەرلىك قۋاتىنا يە بولۋىنا شىنايى كەپىلدىك ەتكەندە عانا، پارتيا حالىقتى باستاپ اۋىر سىناقتارعا ءساتتى توتەپ، اۋىر قاتەردەن ساقتانىپ، ۇلكەن كەدەرگىلەردى جەڭىپ، ءىرى قايشىلىقتاردى شەشىپ، جەڭىستەن جەڭىسكە ۇزدىكسىز قول جەتكىزە الادى.

    ۇلى ءىستى ىلگەرىلەتۋدىڭ رولىن تەرەڭ تانۋ. جۇڭگوشا سوتسياليزم ــ رەفورما جاساپ، ەسىك اشقاننان بەرگى پارتيانىڭ بارلىق نازارياسى مەن امالياتىنىڭ نەگىزگى تاقىرىبى، پارتيا مەن حالىقتىڭ ماشاقاتتى كەشىرمەلەردى باستان وتكەرىپ، زور بوداۋ بەرۋىنىڭ ارقاسىندا قول جەتكىزگەن تۇبەگەيلى جەتىستىگى. جۇڭگوشا سوتسياليزمگە تاباندى بولۋ جانە ونى دامىتۋ مەملەكەتتى قۇدىرەتتەندىرۋدى جۇزەگە اسىرۋدا، ۇلتتى گۇلدەندىرۋدە، حالىقتى بايىتۋ جولىندا، ءسوزسىز، باسىپ وتۋگە ءتيىستى جول. پارتيامىزدىڭ حالىقتى باستاپ وسىنداي شۇعىلالى تابىستارعا قول جەتكىزۋى، جۇڭحۋا ۇلتىنىڭ ۇلى گۇلدەنۋ بولاشاعىنىڭ وسىنشاما نۇرلى بولۋى _ جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ جانە مادەنيەتىنىڭ ارقاسى. مەيلى ۇلى كۇرەس جۇرگىزۋدە، ۇلى ينجەنەريا قۇرۋدا نەمەسە ۇلى ارماندى جۇزەگە اسىرۋدا بولسىن، بارلىعىندا جۇڭگوشا سوتسياليزم سىندى نەگىزگى تاقىرىپتى مىقتى يگەرىپ، جۇڭگوشا سوتسياليزمنىڭ ۇلى تۋىن باستان–اياق بيىك ۇستاپ، جۇڭگوشا سوتسياليزم ۇلى ءىسىن ۇزدىكسىز ىلگەرىلەتۋىمىز كەرەك.

    ۇلى ارماندى جۇزەگە اسىرۋدىڭ رولىن تەرەڭ تانۋ. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ _ تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى ءارى جۇڭگو كوممۋنيستىك پارتياسىنىڭ سانالىقپەن ارقالاعان تاريحي بورىشى. وسى ۇلى ارمان جۇڭگو كوممۋنيستىك پارتياسىن جۇڭگو حالقىن باستاپ قاجىماي –تالماي كۇرەس جۇرگىزۋگە شابىتتاندىردى. ۇلى كۇرەس جۇرگىزۋدە، ۇلى ينجەنەريا قۇرۋدا، ۇلى ءىستى ىلگەرىلەتۋدە بولسىن ەڭ سوڭعى تياناق ۇلى ارماندى جۇزەگە اسىرۋ بولىپ ەسەپتەلەدى. پارتيانىڭ 18–قۇرىلتايىندا العا قويىلعان «قوس 100 جىلدىق» كۇرەس نىساناسى ۇلتتى گۇلدەندىرۋدىڭ نۇرلى بولاشاعىن ايگىلەدى. پارتيانىڭ 19–قۇرىلتايىندا جاپپاي دوڭگەلەك داۋلەتتى قوعام قۇرۋ نەگىزىندە جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارىن باستاۋ، ەكى باسقىشقا ءبولىپ ورنالاستىرۋ ارقىلى وسى عاسىردىڭ ورتا شەنىنە بارعاندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرۋ العا قويىلىپ، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋعا عىلمي باعدار كورسەتىلدى. ۇلى كۇرەس تە، ۇلى ينجەنەريا دا، ۇلى ءىس تە ۇلى ارماندى ارقاۋ ەتۋ ارقىلى ىلگەرىلەتىلىپ، ۇلى ارماندى جۇزەگە اسىراتىن ايبىندى كۇشكە اينالۋى كەرەك.

    «حالىق گازەتىنىڭ» 2017–جىلى قاراشانىڭ 30–كۇنگى سانىنان اۋدارعان: ىنتىزار ساعات قىزى

جاۋاپتى رەداكتور: جازيرا بولاتباي قىزى