مەملەكەتتىك كەڭەستىڭ كەڭسە مەڭگەرمەسى «اۋىل شارۋاشىلىعىنداعى جوعارى، جاڭا تەحنيكالىق كاسىپتەن ۇلگى كورسەتۋ رايونى قۇرىلىسىنىڭ دامۋىن جەبەۋ جونىندەگى جەتەكشى پىكىردى» باسىپ تاراتتى

  • كەلۋ قاينارى: ىلە گازەتى
  • 03:30:42 31/01/2018

 

    جۋىردا مەملەكەتتىك كەڭەستىڭ كەڭسە مەڭگەرمەسى «اۋىل شارۋاشىلىعىنداعى جوعارى، جاڭا تەحنيكالىق كاسىپتەن ۇلگى كورسەتۋ رايونى قۇرىلىسىنىڭ دامۋىن جەبەۋ جونىندەگى جەتەكشى پىكىردى» (تومەندە قىسقاشا «پىكىر» دەلىنەدى) باسىپ تاراتىپ، اۋىل شارۋاشىلىق عىلىم – تەحنيكا باقشا رايونىنىڭ ساپاسىن، دارەجەسىن جوعارىلاتۋدى جەبەپ، اۋىل شارۋاشىلىعىنداعى جوعارى، جاڭا تەحنيكالىق كاسىپتەن ۇلگى كورسەتۋ رايونى قۇرىلىسىنىڭ دامۋىن جەبەۋ جونىندە ورنالاستىرۋ جاسادى.

    «پىكىردە» مىناۋ تالاپ ەتىلدى: پارتيا 19 – قۇرىلتايى رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭالىق اشۋدى جەتەكشى ەتكەن دامۋ ستراتەگياسى مەن اۋىل – قىستاقتاردى كوركەيتۋ ستراتەگياسىن اتقارۋعا باستاماشى بولىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتۋدى نەگىزگى جەلى ەتىپ، اۋىل شارۋاشىلىعىنىڭ ونىمدىلىگىن، شارۋالار كىرىسىن، اۋىل – قىستاقتى جاسىلداندىرۋدى ارتتىرۋعا قىزمەت وتەۋدى نەگىزگى باعىت ەتىپ، ءتۇرلى بايلىقتى شوعىرلاندىرىپ، اۋىل شارۋاشىلىعىنىڭ جاڭالىق اشۋدى جەتەكشى ەتكەن دامۋداعى كوشباسشى رايونى مەن اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىنىڭ سىناق رايونىن قۇرۋعا قۇلشىنۋ كەرەك.

    «پىكىردە» بىلاي دەپ اتاپ كورسەتىلدى: اۋىل شارۋاشىلىعىنداعى جوعارى، جاڭا تەحنيكالىق كاسىپتەن ۇلگى كورسەتۋ رايونى قۇرىلىسىنىڭ دامۋىن جەبەۋدىڭ نەگىزگى نىساناسى مىنالار: 2025 – جىلعا بارعاندا اۋىل شارۋاشىلىعىنداعى جوعارى، جاڭا تەحنيكالىق كاسىپتەن ۇلگى كورسەتەتىن ءبىر توپ مەملەكەتتىك رايون قۇرىپ، اۋىل شارۋاشىلىعىندا جاڭالىق جاراتۋدا حالىقارالىق ىقپالى بار، دارىندى، كاسىپ جاعىندا جوعارى ورەلى وسى زامانعى ءوڭىر قالىپتاستىرۋ كەرەك. اۋىل شارۋاشىلىعىندا جاڭالىق اشۋدى جەتەكشى ەتكەن دامۋ جولىن اشىپ، ۇلگى رايوننىڭ جەر ءتۇسىمىن، ەڭبەك ونىمدىلىگى مەن جاسىل دامۋ ورەسىن كورنەكتى جوعارىلاتۋ. ءبىر وڭىردە ءبىر نەگىزگى تاقىرىپ بەلگىلەپ، عىلىم – تەحنيكادا جاڭالىق اشۋعا سۇيەنىپ، ەلىمىز اۋىل شارۋاشىلىعىنىڭ دامۋىنا تۇساۋ بولاتىن كورنەكتى ماسەلەلەردى كۇش سالا شەشىپ، كوشىرىپ قولدانۋ، جالپىلاستىرۋ فورماسىن قالىپتاستىرىپ، اۋىل شارۋاشىلىعىنىڭ باياندى دامۋ ورەسىن جوعارىلاتۋ كەرەك.

    «پىكىردە» اۋىل شارۋاشىلىعىنداعى جوعارى، جاڭا تەحنيكالىق كاسىپتەن ۇلگى كورسەتۋ رايونى قۇرىلىسىنىڭ دامۋىن جەبەۋدىڭ 8 جاقتاعى ءتۇيىندى مىندەتى العا قويىلدى: ءبىرىنشى، جاڭالىق اشۋ تۇلعاسىن جەتىلدىرۋ، زەرتتەپ اشۋ قوسىلىمى زور، تەحنيكالىق ورەسى جوعارى، جالپىلىق ونىمدىلىگى جاقسى، اۋىل شارۋاشىلىعىندا جاڭالىق اشۋ تيبىندەگى ءبىر توپ كاسىپورىندى جەتىلدىرۋ. ەكىنشى، جەتەكشى كاسىپتەردى الۋەتتەندىرىپ، جوعارى، جاڭا تەحنيكالاردى زەرتتەپ اشۋ مەن ونى جالپىلاستىرۋ، قولدانۋ تەبىنىن ارتتىرىپ، جەتەكشى كاسىپتەردىڭ تەحنيكالىق جاڭالىق اشۋ ورەسىن كۇش سالا جوعارىلاتۋ. ءۇشىنشى، نازاردى عىلىم – تەحنيكا، وقۋ – اعارتۋ بايلىعىنا شوعىرلاندىرىپ، جوعارى مەكتەپتەردىڭ، عىلمي زەرتتەۋ ورىندارىنىڭ عىلىم – تەحنيكا بايلىعى مەن دارىندىلارىنىڭ ۇلگى رايونىنا شوعىرلاندىرۋعا جەتەكشىلىك ەتۋ؛ ءتورتىنشى، كاسىپتىك شارۋالاردى جەتىلدىرىپ، شارۋالادىڭ كاسىپتىك ونەرىن جوعارىلاتىپ، اۋىل شارۋاشىلىعىمەن شۇعىلدانۋشىلاردىڭ قۇرىلىمىن ساپالىلاندىرۋ. بەسىنشى، توعىسۋدى، تەڭ يگىلىكتەنۋدى جەبەپ، 1 -، 2 -، 3 – كاسىپتەردىڭ توعىسا دامۋىن ىلگەرىلەتىپ، قالا مەن اۋىلدىڭ توعىسا دامۋىن جەدەلدەتۋ. التىنشى، جاسىل دامۋدى ىلگەرىلەتىپ، اينالمالى، ەكولوگيالىق اۋىل شارۋاشىلىعىن دامىتىپ، اۋىل شارۋاشىلىق بايلىعىنىڭ جوعارى ۇتىمدى پايدالانىلۋىن ىلگەرىلەتۋ.

جاۋاپتى رەداكتور: گۇلدەن ماقسات قىزى