قوعام حاۋىپسىزدىگى مينيسترلىگى بىلاي دەدى: قۇمار ويىنى سىندى زاڭسىز قىلمىستىق ارەكەتتەرگە قاتاڭ سوققى بەرۋ كەرەك

  • كەلۋ قاينارى: ىلە گازەتى
  • 03:39:22 31/01/2018

    

    ءتىلشىنىڭ قاڭتاردىڭ 29 – كۇنى قوعام حاۋىپسىزدىگى مينيسترلىگىنەن ۇعىسۋىنا قاراعاندا، قوعام حاۋىپسىزدىگى ورگاندارى قۇمار ويىنى سىندى زاڭسىز قىلمىستىق ارەكەتتەرگە قاتاڭ سوققى بەرىپ، وڭاۋ – رەتتەۋ جۇرگىزىپ، ەرتە باستان، كىشكەنە كەزدەن باستاپ سوققى بەرۋدە، باس كوتەرىسىمەن سوققى بەرۋدە، وكشەلەي سوققى بەرۋدە تاباندى بولىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، سوتسياليستىك وسىزاماندانعان مەملەكەت قۇرۋ ءۇشىن تاماشا ورتا جاراتۋعا قۇلشىنادى.

    قوعام حاۋىپسىزدىگى مينيسترلىگى قاڭتاردىڭ 29 – كۇنى بەيجيڭدە تەلە – كەسكىن ءماجىلىسىن اشىپ، بۇكىل ەلدەگى قوعام حاۋىپسىزدىگى ورگاندارىنىڭ قۇمار ويىنى سىندى زاڭسىز قىلمىستىق ارەكەتتەرگە ونان ارى ىشكەرىلەي سوققى بەرۋى، وڭاۋ – رەتتەۋ جۇرگىزۋى جونىندە ورنالاستىرۋ جاسادى. ۇعىسۋعا قاراعاندا، پارتيا 18 – قۇرىلتايىنان بەرى، بۇكىل ەلدەگى قوعام حاۋىپسىزدىگى ورگاندارى قۇمار ويناۋعا قاتىستى ماسەلەردى مىقتى يگەرىپ، قالىپتى كۇيدە وڭاۋ – رەتتەۋ مەحانيزمىن اقاۋسىزداندىرىپ، كەمەلدەندىرىپ، جەلىلەس ارناۋلى قيمىلداردى ۇيىمداستىرىپ، قۇمار ويىنى قيمىلدارىنىڭ زاڭعا قايشى قىلمىس وتكىزۋ اياسىن كۇش سالا تارىلتىپ، جالپى ءبىر ميلليون 740 مىڭ قۇمار ويناۋ دەلوسىنا قاتىستى 5 ميلليون 930 مىڭ ادامدى تەكسەرىپ انىقتاعان. الايدا ءتۇرلى كۇردەلى فاكتورلاردىڭ ىقپالىندا، قۇمار ويىنى سىندى زاڭسىز قىلمىستىق ارەكەتتەرىندە ءبىر قىدىرۋ جاڭا جاعداي، تىڭ ەرەكشەلىك جارىققا شىققان، وتە – موتە، اۋىل – قىستاق رايوندارىنداعى قۇمار ويناۋ ماسەلەسى ءالى دە ءبىرشاما اۋىر بولعان.

    قوعام حاۋىپسىزدىگى مينيسترلىگى پارتكومىنىڭ ورىنباسار شۋجيى، ورىنباسار مينيسترى حۋاڭ ميڭ بىلاي دەپ اتاپ كورسەتتى: قۇمار ويناۋ ماسەلەسى قوعامدىق داعدىنى ءبۇلدىرىپ، قىلمىستىق ارەكەتتەردى ۋشىقتىرىپ، حالىق بۇقاراسىنىڭ مال – مۇلىك حاۋىپسىزدىگى مەن قوعامنىڭ حاۋىپسىزدىگىنە، ورنىقتىلىعىنا تىكەلەي زيان سالادى. ءار دارەجەلى قوعام حاۋىپسىزدىگى ورگاندارى «ءتورت تانىمدى» بەرىك ورناتىپ، ساياسي تۇرعىنى شىنايى بەكەمدەپ، جاڭا داۋىردەگى حالىق بۇقاراسىنىڭ تاماشا تۇرمىسقا تالپىنۋ قاجەتىن قاناعاتتاندىرۋ، حالىق بۇقاراسىنىڭ ءومىرى مەن مال – مۇلكىنىڭ حاۋىپسىزدىگىن جانە مەملەكەتتىڭ باياندى تىنىشتىعىن قورعاۋ بەلەسىندە تۇرىپ، پارتكوم مەن ۇكىمەتكە، نەگىزگى ساتى ۇيىمىنا سۇيەنىپ، كۇش – قۋاتتى، بايلىقتى ءبىر تۇتاس جوسپارلاپ، وي جەلىسى مەحانيزمىندە جاڭالىق اشىپ، قۇمار ويىنى سىندى زاڭسىز قىلمىستىق ارەكەتتەرگە قاتاڭ سوققى بەرۋ جانە وعان وڭاۋ – رەتتەۋ جۇرگىزۋ كەرەك.

جاۋاپتى رەداكتور: گۇلدەن ماقسات قىزى