«ءۇش ءتۇرلى كۇشكە» قارسى تۇرۋدىڭ ماڭىزدىلىعى مەن كوكەيتەستىلىگىن جەتە تانيىق

  • كەلۋ قاينارى: ىلە گازەتى
  • 03:16:26 01/02/2018

    قۋانبەك زەينەلقان ۇلى

    

    شينجياڭداعى ءار ۇلت حالقىنىڭ ارمان–تىلەگى مەملەكەتتى قۇدىرەتتەندىرۋ، اتا مەكەندى گۇلدەندىرۋ، وزدەرىن اۋقاتتاندىرۋ جانە الۋەتتەندىرۋ، تىنىش تا جاراسىمدى قوعامدىق ورتادا باياشات ءومىر وتكىزۋ. بۇل قالىڭ حالىق بۇقاراسىنىڭ ارمان–تىلەگى، ءتۇبىرلى مۇددەسى ءارى جۇڭگو كوممۋنيستىك پارتياسىنىڭ دا ءتۇبىرلى مۇددەسى. «ءۇش ءتۇرلى كۇش» ءبىزدىڭ باياشاتتى تۇرمىسىمىزعا كوز قىزارتىپ، تىپ–تىنىش قوعامدىق ورتامىزدى ءبۇلدىرىپ، قوعام ورنىقتىلىعىنا، باياندى تىنىشتىققا، شىنايى دامۋعا اۋىر زيان جەتكىزدى. سوندىقتان دا «ءۇش ءتۇرلى كۇش» شينجياڭداعى ءار ۇلت حالقىنىڭ ورتاق جاۋى، «ءۇش ءتۇرلى كۇشكە» قارسى تۇرۋ، ولاردى تۇبەگەيلى الاستاۋ شينجياڭنىڭ قوعام ورنىقتىلىعى مەن باياندى تىنىشتىعىن قورعاۋداعى ماڭىزدى مىندەت سانالماق.

    1. ءۇش ءتۇرلى كۇشكە قارسى كۇرەس ولىسپەي بەرىسپەيتىن كۇرەس ەكەندىگىن تولىق تانۋىمىز كەرەك

    جۋىقتاعى جىلداردان بەرى ەل ءىشى–سىرتىنداعى لاڭكەستىكتى، بولشەكتەۋشىلىكتى كاسىپ ەتكەن ۇشقارى كۇشتەر شينجياڭدا ىركەس–تىركەس ءبۇلدىرۋ، توناۋ، ورتەۋ، شاعۋ، قىرعىنداۋ سىندى اۋىر بۇلگىنشىلىك ۋاقيعالارىن تۋدىرىپ، ۇلتتار اراسىنا ىرتكى سالىپ، ۇلتتىق وشپەندىلىككە ايتاقتاپ، ءدىني قىزبالىق تۋدىرىپ، لاڭكەستىك ارەكەتتەردى قۇتىرىنا جۇرگىزىپ، بەيكۇنا بۇقارانى قانعا بوياپ، دۇربەلەڭ–بۇلىك تۋدىردى. ولاردىڭ بۇل ارەكەتى حالىقتى تۇرشىكتىرىپ، ىزا–كەگىن قوزعادى. شينجياڭداعى ۇلتتىق بولشەكتەۋشىلەر، ءدىني ۇشقارى كۇشتەر، زورلىقتى لاڭكەستەر ءتىل بىرىكتىرىپ اۋىز جالاسىپ، زورلىقتى لاڭكەستىك ارەكەتتەر ارقىلى قوعام ءتارتىبىن ءبۇلدىرىپ، وسى ارقىلى ەل ءىشى–سىرتىنداعى ىقپالىن كەڭەيتۋدى كوزدەدى. ولار ءدىني ۇشقارىلىقتان پايدالانىپ دىنگە سەنەتىن بۇقارانى الجاستىرىپ، سول ارقىلى كۇشىن ۇلعايتۋدى كوزدەدى. ولاردىڭ ماقساتى _ شينجياڭدا بىلىقپالىق تۋدىرىپ، وتاندى بولشەكتەۋ. ءبىزدىڭ ءۇش ءتۇرلى كۇشپەن كۇرەسىمىز، ۇلتتىق ماسەلە دە، ءدىني ماسەلە دە ەمەس، قايتا وتاننىڭ تۇتاستىعىن قورعاۋ مەن وتاندى بولشەكتەۋ اراسىنداعى، ۇلتتار ىنتىماعىن قورعاۋ مەن ۇلتتىق وشپەندىلىك تۋدىرۋعا ۇرىنۋ اراسىنداعى، قوعامنىڭ ورنىقتىلىعىن قورعاۋ مەن دۇربەلەڭ–بۇلىك تۋدىرۋعا ۇرىنۋ اراسىنداعى ولىسپەي بەرىسپەيتىن كۇرەس بولىپ تابىلادى. مىنە، بۇل قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتىپ، ماسەلەگە ەگجەي–تەگجەيلى دۇرىس تالداۋ جاساپ، قارا قىلدى قاق جارعان ءادىل باعا بولىپ، جاۋ مەن دوستىڭ شەت–شەكاراسىن ايقىن ايىرعان، قالىڭ حالىق بۇقاراسىن ات توبەلىندەي قاسكۇنەم بۇلىكشىلەرگە تىزە قوسا وتىرىپ قارسى تۇرۋعا جىگەرلەندىرگەن، شينجياڭداعى 22 ميلليون ءار ۇلت حالقىنىڭ ناقتىلى بولمىسى مەن ەركىن بەينەلەگەن توتەنشە دۇرىس شەشىم بولدى دەپ ايتۋىمىزعا بولادى.

    2. باياشاتتى كۇننىڭ تاريحي بەتالىسىن تولىق ءتۇسىنۋىمىز ءتيىس

    شىنىندا دا سان عاسىر ازاپ ارقالاعان جۇڭحۋا ۇلتتارىنىڭ باقىتىنا بولا قۇرىلعان جۇڭگو كوممۋنيستىك پارتياسىنىڭ دانا باسشىلىعىندا جۇڭگوشا سوتسياليزم جولىن تاۋىپ، رەفورما جاساپ، ەسىك اشىپ، تىنىش قوعامدىق ورتادا الۋان ءتۇرلى قوعامدىق ىستەرى قارىشتاپ العا باسقان، قالىڭ حالىقتىڭ كوسەگەسى كوگەرگەن مىناۋ باياشات زاماننىڭ كەشەگىسى مەن بۇگىنىنە جانە ەرتەڭىنە بۇگىنگى حالىق كۋا.

جاۋاپتى رەداكتور: جازيرا بولاتباي قىزى