حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرايىق

  • كەلۋ قاينارى: ىلە گازەتى
  • 03:18:34 01/02/2018

    حى شيڭلياڭ

    

    پارتيا 19–قۇرىلتايىنىڭ بايانداماسىندا بىلاي دەپ اتاپ كورسەتىلدى: جۇڭگوشا سوتسياليزم جاڭا داۋىرگە وتكەن بۇگىنگى تاڭدا، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. قوعامنىڭ نەگىزگى قايشىلىعىنىڭ وزگەرىسى جالپى جاعدايعا ساياتىن تاريحي وزگەرىس، بىزدەن دامۋدى ۇزدىكسىز ىلگەرىلەتۋ نەگىزىندە دامۋدىڭ شاماسى مەن ونىمدىلىگىن بارىنشا جوعارىلاتۋدى، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ءتىپتى دە ويداعىداي قاناعاتتاندىرۋدى تالاپ ەتەدى.

    حالىقتىڭ كۇن سايىن ارتىپ وتىرعان تاماشا تۇرمىس قاجەتىن قالاي تانيمىز جانە يگەرە الامىز؟ سۇرانىس مانىنەن قاراعاندا، ادامزاتتىڭ قاجەتىن 3 دارەجەگە بولۋگە بولادى. ءبىرىنشى دارەجەدەگىسى زاتتىق قاجەت، ول ىشەر اس، كيەر كيىم، ءوسىپ–ءوربۋ سياقتى تىرشىلىك قاجەتىن مەڭزەيدى، بۇل ادامزاتتىڭ ەڭ نەگىزگى قاجەتى. ەكىنشى دارەجەدەگىسى قوعامدىق قاجەت، ول زاتتىق قاجەتتىڭ نەگىزىندە قالىپتاسقان، نەگىزىنەن قوعامدىق حاۋىپسىزدىك قاجەتى، قوعامدىق قامتاماسىزداندىرۋ قاجەتى، قوعامدىق ادىلدىك قاجەتى سياقتىلاردى قامتيدى. ءۇشىنشى دارەجەدەگىسى كوڭىل كۇي سيپاتتى قاجەتى، بۇل كوڭىل كۇي سۇرانىسىنان قالىپتاسقان رۋحاني مادەنيەت قاجەتىن مەڭزەيدى، مىسالى، قۇن كوزقاراسى، ءمورالدىق احلاق، ۇلتتىق رۋح، مۇرات–سەنىم، كوركەمونەر–ەستەتيكا، قۇرمەتكە بولەنۋ، ءوز ويىن جۇزەگە اسىرۋ، تالپىنىس–سەنىم، ت.ب.

    رەفورما جاساپ، ەسىك اشقان 40 جىلعا جۋىق ۋاقىتتان بەرى ەلىمىزدىڭ قوعامدىق وندىرگىش كۇش دەڭگەيى كورنەكتى جوعارىلاپ، حالىقتىڭ تۇرمىسى كورنەكتى دارەجەدە جاقساردى، ميلليارد ادامنىڭ توقشىلىق ماسەلەسى ورنىقتى تۇردە شەشىلدى. جۇڭگوشا سوتسياليزمنىڭ جاڭا داۋىرگە وتۋىنە بايلانىستى، ادامداردىڭ زاتتىق قاجەتى ۇزدىكسىز قاناعاتتاندىرىلىپ، قوعامدىق قاجەت پەن كوڭىل كۇي قاجەتىن ارماندايتىن بولدى، مىسالى، ءتىپتى دە جاقسى وقۋ ورايىنا يە بولۋ، ءتىپتى دە سەنىمدى قوعامدىق قامتاماسىزداندىرۋ، ءتىپتى دە جوعارى دەڭگەيدەگى ەمدەۋ–دەنساۋلىق ساقتاۋ جاعىندا قىزمەت وتەۋدەن يگىلىكتەنۋ، ءتىپتى دە جايلى تۇرعىن ءۇي شارت–جاعدايىنا يە بولۋ، ءتىپتى دە كوركەم ورتا، ءتىپتى دە مول رۋحاني، مادەني تۇرمىس سياقتىلار. بۇل ەلىمىزدىڭ قوعامدىق وندىرگىش كۇشتەرى دەڭگەيىنىڭ كورنەكتى جوعارىلاۋىنىڭ تابيعي ناتيجەسى بولىپ قالماستان، ەلىمىزدىڭ بولاشاقتاعى ەكونوميكالىق، قوعامدىق دامۋىنا ءتىپتى دە جوعارى تالاپتى العا قويدى. ءبىز دامۋدى ۇزدىكسىز ىلگەرىلەتۋ نەگىزىندە، دامۋدىڭ بىركەلكى، تولىق بولماۋى ماسەلەسىن كۇش سالا ويداعىداي شەشىپ، حالىقتىڭ كۇن سايىن ارتقان تاماشا تۇرمىس قاجەتىن ءتىپتى دە ويداعىداي شەشىپ، ادامنىڭ جان–جاقتى دامۋىن، قوعامنىڭ جاپپاي العاباسۋىن ءتىپتى دە جاقسى ىلگەرىلەتۋىمىز كەرەك.

جاۋاپتى رەداكتور: جازيرا بولاتباي قىزى