حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرايىق

  • كەلۋ قاينارى: ىلە گازەتى
  • 03:18:34 01/02/2018

    حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرۋدى «قوس ءجۇز جىلدىق» كۇرەس نىساناسىن جۇزەگە اسىرۋ جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ بارىسىنا ءسىڭىرۋ كەرەك. جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوكسەۋ جۇڭگو كوممۋنيستەرىنىڭ العاشقى ماقساتى جانە بورىشى. بەينە شي جينپيڭ جولداس پارتيانىڭ 19–قۇرىلتايىندا جاساعان بايانداماسىندا باسا دارىپتەپ كورسەتكەنىندەي، بۇكىل پارتياداعى جولداستار، ءسوزسىز، حالىقپەن ماڭگى تىنىستاس، تاعدىرلاس، تىلەكتەس بولىپ، حالىقتىڭ تاماشا ومىرگە دەگەن تالپىنىس–تىلەگىن ماڭگى كۇرەس نىساناسى ەتۋى كەرەك. جۇڭگوشا سوتسياليزمنىڭ جاڭا داۋىرىندە، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىرتۇتاس ىلگەرىلەتۋ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، دامۋدا جاڭالىق اشۋ، سايكەستى دامۋ، جاسىل دامۋ، شارتاراپتى دامۋ جانە دامۋدان ورتاق يگىلىكتەنۋ ارقىلى دامۋدىڭ ساپاسىن بارىنشا جوعارىلاتىپ، رايوندار اراسىنداعى پارىقتى، كىرىس پارقىن، قالا مەن اۋىلدىڭ پارقىن ۇزدىكسىز جويىپ، قالىڭ حالىق جۇرتشىلىعىنىڭ ەكونوميكا، ساياسي، مادەنيەت، قوعام، ەكولوگيا سياقتى جاقتارداعى كۇن سايىن ارتقان قاجەتىن ءتىپتى دە ويداعىداي قاناعاتتاندىرىپ، ورتاق بايۋدى بىرتىندەپ جۇزەگە اسىرۋ. ناقتىلاپ ايتقاندا، ءتىپتى دە كوپ جاسىل ءتۇستى، اقاۋسىز ازىقتىقتاردى ءوندىرۋ؛ ءتىپتى دە تازا، حاۋىپسىز، جوعارى ءونىمدى ەنەرگيامەن قامداۋ؛ قوعامدىق قامتاماسىزداندىرۋ ءتۇزىمىن اناعۇرلىم كەمەلدەندىرۋ، بارلىق ادامنىڭ نەگىزگى تۇرمىسىن قامتاماسىزداندىرۋ؛ كىرىس ءبولىسى رەفورماسىنىڭ تەبىنىن ارتتىرىپ، كىرىس پارقىن ۇزدىكسىز ازايتۋ؛ نەگىزگى ساتىنىڭ دەموكراتيا ءتۇزىمىن كەمەلدەندىرىپ، حالىقتىڭ جاعدايدى ءبىلۋ ۇقىعىن، اتسالىسۋ ۇقىعىن، وي ءبىلدىرۋ ۇقىعىن، باقىلاۋ ۇقىعىن قامتاماسىزداندىرۋ؛ سوتسياليستىك وزەكتى قۇن كوزقاراسىن جەتىلدىرىپ جانە امالياتتان وتكىزىپ، جۇڭحۋا ۇلتىنىڭ مادەنيەتىنە مۇراگەرلىك ەتىپ، سەنىمدىلىك، باۋىرمالدىق، دوستىق سىندى احلاقتى اسقاقتاتۋ؛ ت.ب.

    جاپپاي دوڭگەلەك داۋلەتتى قوعام قۇرۋ، سوتسياليستىك وسىزاماندانعان مەملەكەتتى جاپپاي قۇرۋ ءۇشىن، ەل ءىشى جاعدايىن تياناق ەتۋ ءارى دۇنيەنى بەتكە الۋ كەرەك. قازىرگى زامانعى دۇنيە اشىق، ءوزارا ىقپالداستىققا، باۋىرمالدىققا يە دۇنيە، قازىرگى جۇڭگو كۇن سايىن دۇنيە ساحناسىنىڭ ورتالىعىنا جاقىنداپ بارادى. ءار ەل حالقىنا ورتاق بولعان ادامزاتتىڭ تاعدىرلاس ورتاق تۇلعاسىن ورتاق قالىپتاستىرۋ، باياندى بەيبىتشىلىك ورناعان، جاپپاي حاۋىپسىز، ورتاق گۇلدەنگەن، اشىق ۇستالاتىن قاقپايسىز، تازا ءارى كوركەم دۇنيە قۇرۋ _ جۇڭگو حالقىنىڭ قاجەتى ءارى دۇنيەدەگى ءار ەل حالقىنىڭ دا قاجەتى. سوندىقتان، ءبىز ەلىمىز حالقىنىڭ تاماشا تۇرمىس قاجەتىن قاناعاتتاندىرۋمەن بىرگە، دۇنيەدەگى ءار ەل حالقىنىڭ تاماشا تۇرمىستى كوكسەۋ قاجەتىنە دە ۇيلەسىپ، وزىمىزدەگى جوعارى ساپالى دامۋ جانە وسىزاماندانعان مەملەكەت قۇرۋ ارقىلى دامۋدى جەدەلدەتۋدى تىلەيتىن ءارى ءوزىنىڭ دەربەستىگىن ساقتاۋدى ءۇمىت ەتەتىن دامۋ ۇستىندەگى مەملەكەتتەردى وسىزاماندانۋدىڭ جاڭا ادىستەرى مەن تىڭ تالعامىمەن قامداپ، ادامزات قوعامىنىڭ مادەنيەتى مەن العا باسۋىنا جۇڭگونىڭ اقىل–پاراساتى مەن جۇڭگو جوباسىن ارنايدى.

    (اۆتور مەملەكەتتىك كەڭەستىڭ اقىلشىسى، جۇڭگو قوعامدىق عىلىمدار اكادەمياسى عىلىم پاندەرى كوميتەتىنىڭ مۇشەسى)

    «حالىق گازەتىنىڭ» 2017–جىلى قاراشانىڭ 14–كۇنگى سانىنان اۋدارعان بەرىك وقاباي ۇلى

جاۋاپتى رەداكتور: جازيرا بولاتباي قىزى