قىزمەت اترەتىندەگىلەر وتارداعى مالشىلارعا قۇرىلتاي رۋحىن جەتكىزدى

  • كەلۋ قاينارى: ىلە كەشى گازەتى
  • 06:43:51 01/02/2018

 

    بايسۇلتان نۇپتەبەك ۇلى حابارلايدى. ىلە قازاق اۆتونوميالى وبلىستىق ورتانى قورعاۋ مەكەمەسىنەن قورعاس اۋدانى لۋساۋگۋ قالاشىعى مالشىلىق قىستاعىنا بارعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىندەگىلەر قاڭتاردىڭ 26-، 27 – كۇندەرى قاقاعان ايازعا قاراماي 100 كيلومەتردەن استام جول ءجۇرىپ، سايرام كولىنىڭ شىعىس تاۋ بوكتەرىندەگى قاراكەمەر، قورعاسباي، سەمبىل ساي، كىندىك تاس قىستاۋلىعىنداعى 42 مالشى وتباسىنىڭ ۇيىنە امانداسا باردى ءارى پارتيا 19-قۇرىلتايى مازمۇنىن ۇيرەنۋ، تالقىلاۋ قىزمەتىن ءتۇرلى فورمامەن جۇرگىزىپ، مالشىلارمەن بىرگە مەملەكەت تۋىن شىعارىپ، مەملەكەت ءانىن ورىندادى، سونىمەن بىرگە پارتيا قۇرىلتايىنىڭ رۋحى مەن اۆتونوميالى رايوندىق 13-كەزەكتى حالىق قۇرىلتايىنىڭ ءبىرىنشى ءماجىلىسى مەن ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ رۋحىن جەتكىزىپ، مالشىلار جۇرەگىنە ۇيالاتتى.

    قورعاس اۋدانى لۋساۋگۋ قالاشىعى مالشىلىق قىستاعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا ىلە قازاق اۆتونوميالى وبلىستىق ورتانى قورعاۋ مەكەمەسىنىڭ باستىعى، قورعاس اۋدانى لۋساۋگۋ قالاشىعى مالشىلىق قىستاعىنا تۇسكەن قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجيى نۇرجان مامەت باستاعان قىزمەت اترەتىنىڭ كادرلارى مەن قىستاق ەكى كوميتەتىنىڭ كادرلارى شالعاي وتارداعى مالشىلاردان حال سۇراپ، مالدى ىندەتتەن ساقتاۋ جانە سۋىقتان ساقتانۋ جونىندە اقىل -كەڭەس بەردى، مالشىلارعا قۇنى 18 مىڭ يۋان كەلەتىن ۇن، سۋماي، ىشىك سياقتى حال سۇراۋ بۇيىمدارىن تاراتىپ، پارتيا مەن ۇكىمەتتىڭ قامقورلىعىن جەتكىزدى. ولار تاعى مالشىلارعا اۋا رايى وزگەرىسىن دەر كەزىندە ۇقتىرىپ، ۇيلەردى ارالاپ سۋىقتان ساقتانۋ شارالارىن ۇگىتتەپ، وندىرىسكە ويداعىداي جەتەكشىلىك ەتتى.

جاۋاپتى رەداكتور: گۇلدەن ماقسات قىزى