جۇزدەن استام كاسىپورىن قۇنى 20 ميلليارد 100 ميلليون يۋاندىق ساۋدا كەلىسىمىنە قول قويدى

  • كەلۋ قاينارى: ىلە كەشى گازەتى
  • 06:33:38 01/02/2018

  جۇڭگو مەن قازاقستان قورعاستا ساۋداگەر شاقىرۋ تۇرلەرىن تانىستىرۋ جينالىسىن وتكىزدى

 

        ءوز حابارىمىز. قاڭتاردىڭ 29-كۇنى جۇڭگو-قازاقستان قورعاس حالىقارالىق شەكارا سەلبەستىك ورتالىعىنىڭ جۇڭگو مادەنيەت سارايى ىشىندە «جاڭا ءداۋىر، جاڭا تانىم، جاڭا بەتالىس _ جۇڭگو مەن قازاقستاننىڭ قورعاس ساۋداگەر شاقىرۋ تۇرلەرىن بىرگە تانىستىرۋ جانە كەلىسىمگە قول قويۋ سالتى» وتكىزىلىپ، ەكى ەلدەن كەلگەن 100 دەن استام كاسىپورىنشى ءبىر ارادا باس قوسىپ، دوستىقتى تەرەڭدەتىپ، ورتاق دامۋدىڭ تىڭ جوبا-جوسپارىن جاسادى. قورعاس ەكونوميكالىق اشۋ رايونىن باسقارۋ كوميتەتى مەن قازاقستان قورعاس حالىقارالىق شەكارا سەلبەستىك ورتالىعى مەملەكەتتىك جارنا سەرىكتىگى بىرلەسىپ وتكىزگەن بۇل قيمىلعا جياڭسۋ، انحۇي، شانشي سياقتى ورىندارداعى كاسىپورىنشىلار ۇسىنىس ەتىلىپ، قازاقستان مەملەكەتتىك تەمىر جول باس سەرىكتىگى، قازاقستاننىڭ قاتىستى بانكەلەرى مەن كاسىپورىنشىلارى 8 گرۋپپاعا ءبولىنىپ، دارىندى تاربيەلەۋ، فينانس، ساياحات، ساۋدا، زات اينالىمى، ەمدەۋ، دەنساۋلىق ساقتاۋ، مانەرلەۋ سياقتى سالالارعا ساياتىن، قۇنى 20 ميلليارد 100 ميلليون يۋاننان اساتىن 35 كەلىسىمگە قول قويدى.

    ساۋداگەر شاقىرۋ تۇرلەرىن تانىستىرۋ ماجىلىسىندە وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى بىلاي دەدى: قورعاس مەملەكەت، اۆتونوميالى رايوننىڭ قورعاسقا باعىتتالعان ەرەكشە ءمان بەرۋ ساياساتىنان، وڭىرلىك، قاتىناس، سىرتقا قاقپا اشۋداعى ابزالدىعىنان ۇتىمدى پايدالانىپ، « ءبىر بەلدەۋ، ءبىر جول» ستراتەگياسىنىڭ اياق الىسىن جەدەلدەتىپ، «قورعاس ەكونوميكالىق اشۋ رايونى ەرەجەسىندە» بەلگىلەنگەن قورعاسقا باعىتتالعان اشۋ، قۇرۋ، باسقارۋ سياقتى جاقتارداعى جانە ەكونوميكا، ساياسات جاقتاعى تيىمدىلىكتەن ويداعىداي پايدالانىپ، جۇڭگو مەن قازاقستاننىڭ قوعامدىق جاعداي، ەكونوميكا، مادەنيەت سياقتى جاقتارداعى بايلىعىن توعىستىرىپ، ەكونوميكالىق تۇلعالاردىڭ دامۋىن قولداپ، جاڭا دامۋ تانىمى ارقىلى قورعاس ەكونوميكاسىنىڭ دامۋىندا تىڭ بەتالىس جاراتۋى كەرەك.

    قورعاس ەكونوميكالىق اشۋ رايونى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى ۋ حاۋ قورعاستىڭ «ءبىر رايون، ءتورت ونەركاسىپ باقشا رايونىنداعى» 9 نىساندى تانىستىردى. بۇل 9 نىسان قورعاس ونەركاسىپ باقشا رايونىنا جانە جەرگىلىكتى ورىن مەن بيڭتۋاننىڭ توعىسپالى دامۋىنا قاتىستى جاڭا رايون نىسانى، المالى بايىرعى قالاسى نىسانى، جالپىلىق اۋەجاي قۇرىلىسى، سونداي –اق قۇلجا ونەركاسىپ باقشا رايونىنداعى بيولوگيالىق ءدارى كاسىپ باقشاسى جالپىلىق قۇرىلىسى، چيڭشۇيحى ونەركاسىپ باقشاسىنداعى جۇپار ءشوپتى جىنتىكتەي مانەرلەۋ ءتۇرى سياقتىلاردى قامتيدى. ىلە-شالا قازاقستان قورعاس حالىقارالىق شەكارا سەلبەستىك ورتالىعى مەملەكەتتىك جارنا سەرىكتىگى ساۋداگەر شاقىرۋ تۇرلەرىن تانىستىردى.

جاۋاپتى رەداكتور: گۇلدەن ماقسات قىزى