شي جينپيڭ قارۋلى ساقشى ءبولىمىنىڭ 3 - رەتكى پارتيا قۇرىلتايىنا قاتىناسىپ جاتقان ۋاكىلدەرمەن كەزدەستى

  • كەلۋ قاينارى: شينجياڭ گازەتى تورابى
  • 11:46:35 04/02/2018

  

 

       شينحۋا اگەنتتىگىنىڭ 2 - اقپاندا بەيجيڭنەن بەرگەن حابارى (ءتىلشى لي شۋانلياڭ). ج ك پ ورتالىق كوميتەتىنىڭ باس شۋجي−ى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - اقپاندا بەيجيڭدە قارۋلى ساقشى ءبولىمىنىڭ 3 - رەتكى پارتيا قۇرىلتايىنا قاتىناسىپ جاتقان بارلىق ۋاكىلدەرمەن كەزدەسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان، قارۋلى ساقشى ءبولىمىنىڭ 3 - رەتكى پارتيا قۇرىلتايىنىڭ اشىلعانىن قىزۋ قۇتتىقتادى، ۋاكىلدەرگە جانە قارۋلى ساقشى ءبولىمىنىڭ بارلىق كوماندير - جاۋىنگەرلەرىنە شىن ىقىلاسپەن سالەم جولدادى.

    تۇستەن كەيىن ساعات 3تەن 30 مينۋت مولشەرىندە، شي جينپيڭ حالىق سارايىنىڭ سولتۇستىك زالىنا كەلگەندە، قىزۋ شاپالاق ءۇنى كوتەرىلدى. شي جينپيڭ ۋاكىلدەرمەن ىقىلاستى قول الىسىپ، ولارمەن بىرگە سۋرەتكە ءتۇسىپ، ەستەلىك قالدىردى.

    قارۋلى ساقشى ءبولىمىنىڭ 3 - رەتكى پارتيا قۇرىلتايى پارتيا ورتالىق كوميتەتى قارۋلى ساقشى ءبولىمىنىڭ باسشىلىق، قولباسشىلىق ءتۇزىلىسىن رەتكە سالۋدى ۇيعارعاننان كەيىن، ورتالىق اسكەري ىستەر كوميتەتىنىڭ ماقۇلداۋىمەن اشىلدى. قۇرىلتايدىڭ باستى مىندەتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرۋ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرۋ، شي جينپيڭنىڭ قارۋلى ساقشى بولىمىنە بەرگەن نۇسقاۋىنىڭ تالاپتارىن مۇقيات تياناقتاندىرۋ، جاڭا داۋىرگە، جاڭا بورىشقا، جاڭا تۇزىلىسكە بەلسەنە سايكەسۋ، قىزمەتتى قورىتىندىلاپ، جاعدايعا تالداۋ جاساپ، مىندەتتەردى ورنالاستىرىپ، كوماندير - جاۋىنگەرلەردى ارميانى قۇدىرەتتەندىرۋدىڭ جۇڭگوشا جولىمەن جۇرۋگە تاباندى بولىپ، وسىزاماندانعان قۇدىرەتتى قارۋلى ساقشى ءبولىمىن قۇلشىنا قۇرۋعا، پارتيا مەن حالىق تاپسىرعان جاڭا داۋىردەگى بورىشتار مەن مىندەتتەردى تاباندىلىقپەن ورىنداۋعا اتتانىسقا كەلتىرۋ.

جاۋاپتى رەداكتور: گۇلدەن ماقسات قىزى