اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشتى

  • كەلۋ قاينارى: شينجياڭ گازەتى تورابى
  • 11:39:00 04/02/2018

  

  «شينجياڭنىڭ قورشاعان ورتانى قورعاۋ جوباسى (2018 - جىلدان 2022 - جىلعا دەيىنگى)» سياقتى جوبالار مەن ادىستەردى اقىلداستى

 

    ءتىلشىمىز جاۋ جىيۇن 2 - اقپاندا ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 1 - اقپاندا اۆتونوميالى رايوندىق 13 - كەزەكتى حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، «شينجياڭنىڭ قورشاعان ورتانى قورعاۋ جوباسىن (2018 - جىلدان 2022 - جىلعا دەيىنگى)»، «اۆتونوميالى رايوننىڭ <13 - بەسجىلدىق> جۇمىسقا ورنالاسۋدى جەبەۋ جوباسىن»، «اۆتونوميالى رايوننىڭ قالا مەن اۋىل قۇرىلىسىنا قاتىستى جەرلەردى كوبەيتۋ مەن ازايتۋدى كەدەيلىكتەن قۇتىلدىرۋدان قامال الۋدى دەمەۋمەن بايلانىستىرۋ جونىندەگى جەتەكشى پىكىرىن»، «اۆتونوميالى رايوننىڭ اۋىل - قىستاقتاعى 1 -، 2 -، 3 - كاسىپ سالالارىنىڭ توعىسپالى دامۋىن ىلگەرىلەتۋدى ساياساتتىق قارىزبەن قولداۋ ءادىسىن»، «شينجياڭنىڭ جالپىلىق اۆياتسيا اۋەجايلارىن ورنالاستىرۋ جوباسىن»، «شينجياڭ ۇيعۇر اۆتونوميالى رايونىنىڭ سۇراپىل بوران، نوسەر، قالىڭ قار اپاتتارىنان ساقتانۋ ءادىسىن (جوبا)» اقىلداستى.

    ءماجىلىس مىنالاردى باسا دارىپتەدى: ەكولوگيالىق حاۋىپسىزدىكتى قورعاۋ مەن ەكولوگيالىق قورشاعان ورتانىڭ ساپاسىن جاقسارتۋ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدىڭ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋدىڭ ماڭىزدى مازمۇنى. ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى العا قويعان رەتتەۋ، وڭاۋ تالاپتارىن تياناقتاندىرىپ، قورشاعان ورتانى قورعاۋدىڭ «بەستى ءبىر تۇلعالاندىرۋ» قىزمەت جاعدايىن قالىپتاستىرۋدى بەلسەنە ىلگەرىلەتۋ ءۇشىن، اۆتونوميالى رايون «شينجياڭنىڭ قورشاعان ورتانى قورعاۋ جوباسىن (2018 - جىلدان 2022 - جىلعا دەيىنگى)» جاسادى. «جوبا» تۇتاس شينجياڭنىڭ ەكولوگيالىق قورشاعان ورتانى قورعاۋداعى باعدارلامالىق حۇجات، شينجياڭنىڭ ەكولوگيالىق قورشاعان ورتانى قورعاۋ قىزمەتىن، ءسوزسىز، تىڭ دامۋ ساتىسىنا باستاپ، بۇكىل شينجياڭداعى ءار ۇلت حالقىنىڭ كوركەم ەكولوگيالىق قورشاعان ورتاعا دەگەن كۇن سايىن ارتقان سۇرانىسىن اناعۇرلىم جاقسى قاناعاتتاندىرۋ، جاپپاي دوڭگەلەك داۋلەتتى قوعام قۇرۋدىڭ ەكولوگيالىق قورشاعان ورتا نىساناسىن ىسكە اسىرۋ، جاراسىمدى، جاسىل، تازا، قونىستانۋعا جايلى كوركەم شينجياڭ قۇرۋ ءۇشىن بەرىك نەگىز قالايدى.

    ءماجىلىس مىنانى اتاپ كورسەتتى: «12 - بەسجىلدىق» كەزىندە، رايونىمىز جۇمىسقا ورنالاسۋدى ماڭداي الدى ورىنعا قويۋ ستراتەگياسىن جانە جۇمىسقا ورنالاسۋدىڭ اناعۇرلىم بەلسەندى ساياساتىن اتقارىپ، جەلىلەس، تىڭعىلىقتى، ءونىمدى قىزمەت شارالارىن قولدانىپ، جۇمىسقا ورنالاسۋعا قاتىستى ءتۇرلى قىزمەت مىندەتتەرىن تابىسپەن ورىنداپ، تۇتاس رايونىمىزداعى جۇمىسقا ورنالاسۋدىڭ جالپى جاعدايى نەگىزىنەن ورنىقتىلىعىن ساقتادى.

جاۋاپتى رەداكتور: گۇلدەن ماقسات قىزى