نەكەدەن اجىراسقاندا ەرلى - زايىپتىلاردىڭ جەكە قارىزى ەكەندىگىنە دالەل - ىسپاتتى قالاي كورسەتۋ كەرەك

  • كەلۋ قاينارى: شينجياڭ زاڭ جانە تۇرمىس گازەتى
  • 08:47:04 05/02/2018

    ورال قاسەيىن ۇلى

    

    ەرلى - زايىپتىلاردىڭ بىرەۋى قارىز ارقالاعان كەزدە ىسكە قاتىستى ادامنىڭ بۇل قارىز ەرلى - زايىپتىلاردىڭ ورتاق قارىزى نەمەسە ءبىر جاقتىڭ جەكە قارىزى ەكەندىگى تۋرالى دالەل - ىسپات كورسەتۋىنە تۋرا كەلەتىن احۋالدار كورىلىپ قالادى، بۇل سوڭىندا قارىزدى قالاي ارقالاۋ ماسەلەسىنە سايادى. ەندەشە، ەرلى - زايىپتىلاردىڭ جەكەلىك قارىزى ەكەندىگىنە قالاي دالەل - ىسپات كورسەتۋى كەرەك؟

    ءبىرىنشى، ەرلى - زايىپتىلاردىڭ ورتاق قارىزى دەگەن نە؟

    ەرلى - زايىپتىلاردىڭ ورتاق قارىزى دەگەنىمىز ەرلى - زايىپتىلاردان ءبىر جاقتىڭ نەمەسە ەكى جاقتىڭ نەكە قاتىناسى بار مەزگىلدە وتباسىنىڭ ورتاق تۇرمىسىن قامداۋ ءۇشىن نەمەسە بىرلىكتە ءوندىرىس، تيجاراتپەن شۇعىلدانىپ، تيجارات كىرىمىن وتباسى تۇرمىسىنا پايدالانۋدان ارقالاعان قارىزىن كورسەتەدى. قارىز ەرلى - زايىپتىلاردىڭ ورتاق قارىزىنا كىرە مە، جوق پا دەگەن ماسەلەگە توقتالعاندا، ەرلى - زايىپتىلاردىڭ قارىزدى ورتاق ارقالاۋ ماقساتى بار ما، جوق پا، سول قارىزدان تۋىنداعان پايدادان ورتاق يگىلىكتەنەمە دەگەنگە تالداۋ جاساۋ كەرەك. ەرلى - زايىپتىلاردىڭ ورتاق قارىزىن نەكەدەن اجىراسىپ كەتسىن، كەتپەسىن ەرلى - زايىپتىلاردىڭ ورتاق مال - مۇلكىمەن، ءوزىنىڭ مەنشىگىندەگى مال - مۇلكىمەن قايتارادى.

    ەكىنشى، ەرلى - زايىپتىلاردىڭ جەكە قارىزىنىڭ ءتۇرى

    ەرلى - زايىپتىلاردىڭ جەكە قارىزى دەگەنىمىز ەرلى - زايىپتىلاردىڭ ءبىر جاق ۇستىنە الادى دەپ كەلىسكەن قارىزىن نەمەسە ءبىر جاقتىڭ وتباسى ورتاق تۇرمىسىمەن قاتىسسىز بولعان ىستەرمەن شۇعىلدانۋعا ىستەتكەن قارىزىن مەڭزەيدى. ول جالپى جاقتان تومەندەگىلەردى قامتيدى:

    1. ءبىر جاقتىڭ نەكەلەنۋدەن ىلگەرى العان قارىزى. ەگەر ەرلى - زايىپتىلاردان بىرەۋى قارىزدانىپ ءۇي ساتىپ الىپ، ول ءۇيدى نەكەلەنگەننەن كەيىن وتباسىنىڭ ورتاق تۇرمىسىنا ىستەتپەگەن بولسا، ول قارىزدى سول ادامنىڭ جەكە قارىزى دەپ تۇراقتاندىرۋ كەرەك.

    2. ەرلى - زايىپتىلار زاڭ بويىنشا ءبىر جاق ۇستىنە الادى دەپ كەلىسكەن قارىز. ەرلى - زايىپتى ەكى جاق اسىلىندە ورتاق تۇرمىس ءۇشىن ارقالاعان قارىزدى ءبىر جاق ۇستىنە الادى دەپ كەلىسكەن بولسا، وندا مۇنى ءبىر جاقتىڭ جەكەلىك قارىزى دەپ قاراۋعا بولادى. بۇل تۇردەگى كەلىسىمدى قارىز يەسى بىلەتىن نەمەسە بىلگەننەن كەيىن مويىنداعاندارىن ەسەپكە الماعاندا پرينسيپتىك جاقتان قارىز يەسىمەن قارسىلاسۋ كۇشىنە يە بولمايدى.

جاۋاپتى رەداكتور: جازيرا بولاتباي قىزى