ناۋقاس توسەكتەن قۇلاپ جان ءۇزدى، شيپاحانا جاۋاپكەرلىك ارقالادى

  • كەلۋ قاينارى: شينجياڭ زاڭ جانە تۇرمىس گازەتى
  • 08:44:22 05/02/2018

    وپەراتسيادان كەيىن كورشىلەس توسەكتەگى ناۋقاستىڭ اسپا ۋكولى قاتە قۇيىلىپ كەتكەندىكتەن جۇرەك بۇلشىق ەتى بوگەلۋ ناۋقاسىنا شالدىققان گۋو ×× تىڭ وتباسىنداعىلار مەن بىرنەشە سەسترالار اراسىندا قاقتىعىس تۋىلادى. احۋالدى بايقاعان گۋو ×× اشۋلانىپ توسەكتەن قۇلاپ ءتۇسىپ جارالانىپ، قۇتقارۋ ءونىم بەرمەي قازا بولادى.

    گۋو ×× تىڭ ءولىمى مەن شيپاحانانىڭ ەمدەۋ ارەكەتىندە سەبەپ - سالدارلىق قاتىناس بار ما؟

    جۋىردا انحۇي ولكەسى حىفي قالاسى لوياڭ رايوندىق حالىق سوتى مەكەمەسىنىڭ شىعارعان ۇكىمى بۇل ماسەلەگە گۋو ×× تىڭ ءولىمى مەن شيپاحانانىڭ ەمدەۋ ارەكەتىندە تىكەلەي سەبەپ - سالدارلىق قاتىناس بولماسادا، شيپاحانانىڭ ەمدەۋ بارىسىنداعى اعاتتىعى گۋو ×× تىڭ ناۋقاس جاعدايىن اۋىرلاتىپ، ونىڭ ءولىمىن تەزدەتكەن، جاعدايىنا قاراي وتىرىپ شيپاحانا %60 تولەم جاۋاپكەرلىگىن ارقالايدى دەپ تۇراقتاندىرعان.

    2017 - جىلى ماۋسىمنىڭ 13 - كۇنى 21 مولشەرىندە، گۋو ×× اراق ىشكەننەن كەيىن جاۋىرىنى اۋىرىپ، تالىقسىپ، ەسىنەن تانادى.

    سول كۇنى ساعات 22 مولشەرىندە، گۋو ×× انحۇي ولكەسىندەگى ءمالىم ءبىر ءۇش A دارەجەلى شيپاحاناعا جەتكىزىلىپ ەمدەتىلەدى، شيپاحاناعا كىرگەننەن كەيىن تاج ارتەريا سيپاتتى جۇرەك اۋرۋى، جوعارى قان قىسىمى، سوزىلمالى اسقازان قابىنۋ سياقتى دياگنوزدار قويىلادى. ەرتەسى، شيپاحانا گۋو ×× كە وپەراتسيا جاسايدى، وپەراتسيا ءساتتى بولىپ، گۋو ×× تىڭ وپەراتسيادان كەيىنگى دەنە قۋاتى تۇراقتى بولادى. ماۋسىمنىڭ 17 - كۇنى تۇستەن كەيىن، گۋو ×× كە اسپا ۋكول قۇيىپ ەمدەيدى.

    سول كۇنگى كەزەكشى سەسترا جياڭ ×× جاتاق ارالاپ ءجۇرىپ گۋو ×× تىڭ جاقسى ۇيىقتاپ جاتقانىن، ونىڭ اسپا ۋكولىنىڭ تاۋسىلعانىن كورىپ، ونى وياتىپ ۋكولدىڭ احۋالىن سالىستىرىپ كورمەستەن، جانىنداعى توسەكتەگى ناۋقاسقا قۇيۋعا دايىنداپ قويعان دانشىنتۇڭ ۋكولدى گۋو ×× كە قۇيادى. گۋو ×× ويانعاننان كەيىن وزىنە ۋكولدىڭ قاتە قۇيىلعانىن كورىپ، سەسترا جياڭ ×× تەن سۇرايدى. سەسترا جياڭ ×× تەكسەرىپ كورىپ، گۋو ×× كە شىنىندا اسپا ۋكولدىڭ قاتە قۇيىلىپ كەتكەندىگىن ايتىپ، دەرەۋ ودان كەشىرىم سۇراپ، وعان قاتە قۇيىلىپ كەتكەن اسپا ۋكولدىڭ دەنساۋلىعىنا اسەر ەتپەيتىندىگىن ۇقتىرادى، سونىمەن گۋو ×× ىشكەرىلەي قۋزاستىرمايدى.

    گۋو ×× تىڭ گۇدىگى بىردەن ارىلا قويمايدى

    سول كۇنى تۇستەن كەيىن گۋو ×× وزىنە قاتە ۋكول قۇيىلىپ كەتكەن احۋالدى ايەلىنە ايتىپ، قاتە قۇيىلىپ كەتكەن ۋكولدىڭ دەنساۋلىعىنا اسەرى بار - جوقتىعىن ىشكەرىلەي انىقتاۋىن تاپسىرادى. سەسترا جياڭ ×× كەزەك اۋىسقاندا گۋو ×× كە ۋكولدى قاتە قۇيىپ قويعاندىعىن ارتىنداعى كەزەكشى سەستراعا ايتپاعاندىقتان، شيپاحانانىڭ كەزەكشى سەستراسى گۋو ×× كە ۋكولدىڭ قاتە قۇيىلىپ كەتكەنىن مويىندامايدى.

جاۋاپتى رەداكتور: جازيرا بولاتباي قىزى