قورعاس اۋدانى ىنتىماقتى دارىپتەپ، دامۋدى جەبەپ، ۇلتتاردىڭ بەرەكە - بىرلىگىن نىعايتتى

  • كەلۋ قاينارى: ىلە گازەتى
  • 03:26:45 09/02/2018

    قورعاس اۋدانى مەملەكەتتىك 3-توپتاعى ۇلتتار ىنتىماعى العا باسارلىعىنداعى ۇلگىلى ورىن رەتىندە، سەرىكتەسىپ كومەكتەسۋ، سەرىكتەسىپ بىرگە قۇرۋ قيمىلىن كەڭ كولەمدە ورىستەتىپ، «ۇلتتار ىنتىماعىنىڭ بەرەكەلى شاڭىراعى» قيمىلى مەن ۇلتتار ىنتىماعى بىرلەسكەن دوستىق قيمىلىن تۇزىمدەندىرۋ، ۇدايىلاندىرۋدىڭ ءونىمدى مەحانيزمىن ورناتۋ اياق الىسىن جەدەلدەتىپ، ءار ۇلت كادرلارى مەن بۇقارانىڭ ارالاسۋ، ىشتەسۋ، توعىسۋىن جەبەدى.

    قورعاس اۋداندىق سورتتى تۇقىم جەتىلدىرۋ ورتالىعىنداعى بەس قىستاقتىڭ تۇرعىندار كوميتەتى 1 -قىستاق پەن 5 -قىستاقتىڭ «ۇلتتار ىنتىماعىنىڭ بەرەكەلى شاڭىراعى» قيمىلى مەن بىرلەسكەن دوستىق قيمىلىنا قاتىستى ماداقتاۋ-سيلاۋ جيىنىن وتكىزدى. مۇندا ولەڭ وقۋ، ءماشىراپ ءبيىن بيلەۋ، مۋزىكا اسپاپتارىمەن توپتىق كۇي ورىنداۋ سياقتى ءتۇرلى مازمۇنداعى تارتىمدى ويىن نومىرلەرى قويىلدى. قيمىل بارىسىندا 1 -قىستاقتىڭ ديقانى جاڭ چىڭلين مەن 5 -قىستاقتىڭ ديقانى تۇرسىن امەت «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ۇلگىسى بولىپ باعالاندى.

    تۇرسىن امەت: جاڭ چىڭلين ەكەۋمىز كىشكەنتايمىزدان بىرگە ەسەيدىك، تۋىسقان اعا- باۋىرداي بولىپ كەتتىك. بۇرىن ەگىن ەگۋ تەحنيكاسىن بىلمەيتىنمىن. ول ماعان قاربىز ەگۋدى ۇيرەتتى. مەن وعان سيىر، قوي باعۋدى ۇيرەتتىم، ەكەۋمىز بىرگە سەلبەستىك كووپەراتيۆىن قۇردىق، ءبىز بۇدان بىلاي دا ءبىر - بىرىمىزگە كومەكتەسىپ، ءبىر ءۇيلى جانداي بولىپ وتە بەرەمىز، - دەدى.

    قورعاس سورتتى تۇقىم جەتىلدىرۋ ورتالىعى پارتكومىنىڭ شۋجيى حۋ شينفىڭ تىلشىگە: پارتيا ياچەيكاسىن بىرگە قۇرۋ، ونەركاسىپتى بىرگە كوركەيتۋ، ۇلتتار ىنتىماعىن بىرگە ىلگەرىلەتۋ سياقتى قيمىلداردى وتكىزۋ ارقىلى ۇيعۇر ۇلتى قونىستانعان 5 - قىستاق پەن حانزۋ ۇلتى قونىستانعان 1 - قىستاقتا قىستاق بويىنشا سەرىكتەسۋ سىندى تاماشا جاعداي قالىپتاستى، - دەدى.

    بيڭتۋان 4-ديۆيزياسىنىڭ 63 -پولىك الاڭىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى شۇي جىچياڭ جاڭا جىلدا قىستاقتا كەپتەر باعۋ مەن جەمىس اعاشىنىڭ اراسىنا تاۋىق باعۋ نىسانىن اتقارۋدى جوسپارلاپ وتىرعانىن، نىسانعا قاتىناسقان قىستاق ديقاندارىنا باعىمشىلىق كولەمىن بەلگىلەنگەن كولەمگە جەتكىزسە، 3 مىڭ يۋان قوسىمشا قاراجات بەرىلەتىنىن، مۇنان سىرت، عىلىم -تەحنيكا جاعىندا ولارعا تەگىن جەتەكشىلىك ەتىلەتىنىن ايتتى. قىستاق تۇرعىنى ۇلاتاي اۋىت ۇلى: « ولار ءبىزدىڭ قيىنشىلىعىمىزدى ءوز قيىنشىلىعىنداي كورىپ شەشتى، ءبىز دە بارىنشا قۇلشىنامىز، ءبىز اۋقاتتانساق، ولار دا الاڭسىز بولادى»، -دەدى.

    مۇنان سىرت، قىزمەت اترەتى تاعى داليۋشۋ قىستاعىنداعى مىڭنان ارتىق ادامدى سىرتقا شىعىپ جۇمىس ىستەۋگە باستاپ، ەڭبەككۇشتەن پايدالانىپ بايلىق جاراتتى. قورعاس اۋدانىنداعى كيىم -كەشەك ونەركاسىپ باقشاسىندا قىزمەت ىستەيتىن داليۋشۋ قىستاعىنىڭ ديقانى ءمادينا ابىلەمەت: «قازىرگە دەيىن ەكى اي تاربيەلەندىم، وسى مەزگىلدە مىڭ يۋان ەڭبەكاقى الدىم، رەسمي قىزمەتكە قابىلدانعاننان كەيىن ەڭبەكاقىم ءبىر ەسەلەنەدى. وسىنداعى حانزۋ ۇستازدار بىزگە جاقسى قارايلاسادى، ءار كۇنى بىزگە ءسۇتتى شاي قايناتىپ بەرەدى، قيىنشىلىعى بار جۇمىسشىلارعا كومەكتەسىپ تۇرادى. ولاردىڭ بىزگە جاساعان قامقورلىعىن شىنايى سەزىندىم»، -دەدى.

جاۋاپتى رەداكتور: جازيرا بولاتباي قىزى