جىلىجايدا كوكونىس ەگۋشىلەرگە تەحنيكالىق جاقتان جەتەكشىلىك ەتتى

  • كەلۋ قاينارى: ىلە گازەتى
  • 03:30:14 09/02/2018

    

    كەزەكتە كوكونىس جىلىجايىندا مايسا جەتىلدىرۋ مەزگىلى بولعاندىقتان، اقپاننىڭ 1 - كۇنى بۋرىلتوعاي قالاشىعى اۋىل شارۋاشىلىق تەحنيكتەرىن ۇسىنىس ەتىپ، سورتتى تۇقىم جەتىلدىرۋ الاڭىنداعى جىلىجايدا كوكونىس ەگۋشىلەرگە تەحنيكالىق جەتەكشىلىك ەتتى.

    جىلىجايدا كوكونىس ەگۋمەن شۇعىلدانعانىنا 19 جىل بولعان سورتتى تۇقىم جەتىلدىرۋ الاڭىنىڭ تۇرعىنى يان شۋەۋىننىڭ جىلىجايدا ەككەن قيار مايساسى ويداعىداي كوكتەپ كەلەدى ەكەن. تاجىريبەلى بولسا دا كوكونىستەردى باپتاپ - باسقارۋ بارىسىندا ءىشىنارا ماسەلەلەرگە جولىققان ول تەحنيكتەردىڭ جەتەكشىلىگىندە كوكونىس مايساسىنا قاتىستى كوڭىل بولۋگە ءتيىستى تۇيىندەردى ءبىلىپ الدى.

    كوكونىس ەگىمشىلىگىمەن شۇعىلداناتىن يان شۋەۋىن تىلشىگە: بۇگىن تەحنيك كەلىپ ءدوپ كەلگەن ماسەلەلەردى ءتۇسىندىردى، كەيبىر كوكونىس مايساسىنىڭ كوكتەۋى جاقسى بولسا، كەيبىرەۋى كوكتەمەي قالعان ەدى، سوندىقتان دەرت – دەربەزدەن ساقتانۋ جونىندە كەڭەس الدىم، - دەدى.

    سول كۇنى اۋىل شارۋاشىلىق تەحنيگى جىلىجايداعى كوكونىس مايساسىنىڭ جەتىلۋى، جىلجايدىڭ تەمپەراتۋراسى، دەرت – دەربەزدەن ساقتانۋ، ورگانيكالى تىڭايتقىش بەرۋ سياقتى مازمۇنداردا شارۋالارعا تۇسىنىك جاساپ، كوڭىل بولەتىن تۇيىندەردى ولارعا تاپتەشتەي ۇعىندىردى.

    اۋىل شارۋاشىلىق تەحنيگى فىڭ ۋىن تىلشىگە: دەرت – دەربەزدەن ساقتانۋ جاعىندا ەڭ قاراپايىم ءتاسىل _ ارام شوپتەردى دەر كەزىندە تازالاۋعا كوڭىل ءبولۋ كەرەك، - دەدى.

    ۇعىسۋعا قاراعاندا، بۋرىلتوعاي اۋدانى جىلىجايدا كوكونىس ەگۋشىلەر ءۇشىن ارناۋلى كاسىپتىك تەحنيكتەردى مايسا ەگۋ، باعىپ – باپتاۋ جاعىنا جەتەكشىلىك ەتۋگە جۇمىلدىرىپ، كوكونىس ەگۋشىلەردىڭ كىرىسىن ارتتىرۋدى قامتاماسىز ەتۋمەن بىرگە، كوكونىستىڭ زالالسىز ءوسىپ - جەتىلۋىن تۋ باستان قاداعالاعان.

    مەيرانبەك قالياسقار ۇلى

    كاڭ لي

جاۋاپتى رەداكتور: جازيرا بولاتباي قىزى