شەبەرلىككە تاربيەلەۋ كۋرسى ارقىلى شارۋالاردى اۋقاتتانۋ جولىنا باستادى

  • كەلۋ قاينارى: ىلە گازەتى
  • 03:32:20 09/02/2018

    

    كوكتوعاي اۋدانى «شارۋالاردى كاسىپتىك شەبەرلىككە تاربيەلەپ، كاسىپتەندىرۋدى» تىعىز توڭىرەكتەي وتىرىپ، ءارقايسى اۋىل - قالاشىقتارداعى شارۋالاردى قولدانىلمالى عىلىم – تەحنيكا بىلىمدەرىمەن تاربيەلەپ، اۋقاتتانۋ ارناسىن كەڭەيتتى.

    جۋىقتا كوكتوعاي اۋداندىق پارتكومنىڭ ۇگىت بولىمىنەن كۇرتى قىستاعىنا تۇسكەن قىزمەت گرۋپپاسى مەن قىستاق تۇرعىندار كوميتەتى ايماقتىق تەحنيك جۇمىسشىلار مەكتەبىنەن كاسىپتىك وقىتۋشىلاردى ۇسىنىس ەتىپ، قىستاق تۇرعىندارىن دانەكەرلەۋ، اسپازدىق سياقتى شەبەرلىككە تاربيەلەدى. كۇرتى اۋىلى كۇرتى قىستاعىنىڭ تۇرعىنى قايىربەك جۇبايقان ۇلى قىسقى ءوندىرىستىڭ سايابىر كەزىندەگى ۋاقىتتان ۇتىمدى پايدالانىپ، قىستاق مادەنيەت ۇيىندە اشىلعان كۋرسقا قاتىناسىپ، دانەكەرلەۋ تولىمدىلىق كۋالىگىن الۋدىڭ قامىنا كىرىستى.

    قايىربەك: وتكەندە وسىنداي شەبەرلىك كۋرسىنا قاتىناسۋ ءۇشىن اۋدان ورتالىعىنا بارىپ، قىرۋار قاراجات جۇمساپ، تولىمدىلىق كۋالىگىن ارەڭ الاتىنبىز، قازىر قىستاقتان اتتاپ شىقپاي - اق شەبەرلىككە تاربيەلەۋ كۋرسىنا قاتىناسىپ، تولىمدىلىق كۋالىگىن الۋىمىزعا بولاتىن بولدى، بۇل وتباسى ەكونوميكالىق اۋىرتپالىعىمىزدى بارىنشا جەڭىلدەتتى، - دەدى.

    ۇعىسۋعا قاراعاندا، قىس كىرگەننەن بەرى اۋدانعا قاراستى ءارقايسى اۋىل-قالاشىقتار مەن قىستاقتا تۇراتىن قىزمەت گرۋپپاسى قىسقى ءوندىرىستىڭ سايابىر كەزىنەن يكەمدى پايدالانىپ، شارۋالاردىڭ قولدانىلمالى عىلىم - تەحنيكاعا بولعان سۇرانىسىنا قاراي، ءتۇرلى شەبەرلىككە تاربيەلەۋ كۋرستارىن اشىپ، شارۋالاردىڭ ءتۇرلى كاسىپپەن شۇعىلدانۋ ارقىلى اۋقاتتانۋ جولىنا تۇسۋىنە بەرىك نەگىز قالاعان.

    مۇقامادي ءشارىپ ۇلى

جاۋاپتى رەداكتور: جازيرا بولاتباي قىزى