ستۋدەنت قىز اۋىل بالالارىنا ساباق ءوتتى

  • كەلۋ قاينارى: ىلە گازەتى
  • 03:33:26 09/02/2018


    تاڭنۇر ەركىن قىزى بۋرىلتوعاي اۋدانى شىعانجيدە اۋىلى سەكىرۋ قىستاعىنىڭ تۇرعىنى. باتىس وڭتۇستىك ەكونوميكا – قازىنا داشۋەسىنە قابىلدانىپ، سول اراداعى وقۋىن ۇزدىك ناتيجەمەن وقىپ جاتقان ول قىستىق كانيكۋل كەزىنەن پايدالانىپ، اۋىل بالالارىن ۇيىمداستىرىپ، ولارعا ماتەماتيكا جانە اعىلشىن تىلىنەن ساباق ءوتىپ، اۋىلداستارىنىڭ جاقسى باعاسىن الدى. تاڭنۇر تىلشىگە: «قىستىق دەمالىسقا تاراي سالىسىمەن اۋىلعا كەلىپ، بالالارعا ۇيرەنگەن بىلىمدەرىمنەن ساباق بەرۋ بەكىمىنە كەلدىم، بالالاردىڭ قىزعىندىلىعى وتە جاقسى. مۇنداعى قىستاق باسشىلارى ساباق وتەتىن كلاسىمدى دا ازىرلەپ بەردى. قازىر ءبىرىنشى كلاستان التىنشى كلاسقا دەيىنگى 24 وقۋشى مەنەن ساباق الۋدا. كۇنىنە ءۇش ساعات ساباق ءوتىپ، بىلمەگەن جەرلەرىن ءتۇسىندىرىپ، كۇندەلىكتى تاپسىرما بەرىپ وتىرامىن، بۇل رەتكى تاربيەلەۋ كۋرسى ءبىر ايعا جالعاسادى، جاز ماۋسىمىندا تاعى دا اۋىل بالالارىنا باسقا دا ساباقتاردى وتسەم دەگەن ويدامىن» - دەدى.

    وجەت دالەلقان ۇلى

جاۋاپتى رەداكتور: جازيرا بولاتباي قىزى