ءباس ويىنى جونىندە باعامداساق

  • كەلۋ قاينارى: ىلە گازەتى
  • 03:59:20 13/02/2018

    دەمەك، توبىق ويىنى − ۇلتىمىزدىڭ ەرتەڭگى بولاشاعى بولعان ۇرپاقتى بەرگەن ۋادەنى، ايتقان ءسوزدى ورىنداۋعا جەتەلەيتىن ۇلتتىق كوڭىل اشۋ ويىنى. ال، ءباس بولسا ەرجىگىتتىڭ ەرلىگىن، سەنىمدىلىگىن سىنايتىن قارىمدىلىق مارەسى.

    ەل اۋزىنان

    وسى ورايدا ايتا كەتەيىن، ەل اۋزىندا اڭىز بوپ جۇرگەن ءباستىڭ حيكايالارى ۇشان–تەڭىز. تەك سونىڭ ناقتى ۋاقىتىندا قاعاز بەتىنە تۇسكەنى شامالى. ايتالىق:

    ءبىر جولعى باستە قوپا بالۋان ەكى قوشقاردى قولتىقتاپ 50 مەتر جەرگە اپارعان.

    بايعوزى بالۋان تۇسەل ءتۇسىپ، ءبىر قويدىڭ ەتىن جالعىز ءوزى جەگەن ءبىر رەتكى باستە.

    قوڭقاي دەگەن كىسى ءبىر قارىن سارى مايدى ءبىر رەتكى باستە جالعىز ءوزى جەگەن.

    قويلىباي بالۋان ءبىر رەتكى باستە قويدىڭ ەتىن سورپاسىمەن تاۋىسقان.

    «ەرتەدە ەكى دوس توبىق ويىنىن ويناپتى، نەشە اي وتكەننەن كەيىن ءبىر كۇنى ەكەۋى وزەنگە جالاڭاشتانىپ سۋعا تۇسەدى. سۋدا ءجۇزىپ جۇرگەندە توبىق تىعۋشىدان دوسى توبىعىن تۇيىقسىز سۇرايدى. سوندا توبىق تىعۋشى الگى توبىقتى سۋدىڭ ىشىندە قولتىعىنان الىپ بەرگەن ەكەن» («قازاقتىڭ سالت–ءداستۇرى»، ياسىن قۇمار ۇلى، 346–بەت).

    ءبىر الا بيەسى بار مالشى مەن ەگىنشى باستەسىپ قالىپتى. ويتكەنى، ول ەكەۋى دە ءبىر–ءبىرىنىڭ الىپ كۇش يەلەرى ەكەنىن سىرتتاي ەستىپ–ءبىلىپ جۇرسە كەرەك. باستە ەگىنشى جەڭىلسە، ەكى قاپ ءبيداي بەرەتىن بولىپتى. ەگەر مالشى جەڭىلسە ەكى باعلان بەرەتىن بولىپتى. ونداعى ورىندالاتىن ءباس: شارۋا ءوزىنىڭ ءمىنىپ كەلگەن الا بيەسىن كوتەرىپ جيىرما قادام اتتاۋ، ەگىنشى قىرمانداعى ءبيدايدى شىڭداپ جاتقان شاڭتاسىن كوتەرىپ جيىرما قادام اتتاۋ ەكەن. ناتيجەدە ەكەۋى تەڭ ءتۇسىپتى. ءبىراق، ەكەۋى دە ءبىرىنىڭ كوتەرگەنىن ءبىرى كوتەرمەگەن دەسەدى. ويتكەنى، ءباستىڭ ەرەكشەلىگى «شارت» ءباس جاسالۋدىڭ الدىندا تۇراقتانىپ كەتەدى دە، سوڭىنان وزگەرتۋگە بولمايدى.

جاۋاپتى رەداكتور: گۇلدەن ماقسات قىزى