ءباس ويىنى جونىندە باعامداساق

  • كەلۋ قاينارى: ىلە گازەتى
  • 03:59:20 13/02/2018

    جايلاۋ ءۇستى ەكەن. ءبىر جىگىت جەڭگەسىنىڭ سارى ماي شايقاپ وتىرعانىنىڭ ۇستىنە تۇسەدى. سودان قالجىڭباس قايىنى جەڭگەسىنە:

    − جەڭەشە، ماعان ءباس تىگىڭىز. باستەن جەڭسەم وسى شايقاپ وتىرعان ءبىر قارىن سارى مايىڭىزدى بەرەسىز بە؟–دەيدى. ول زاماندا ءبىر قارىن سارىماي ءبىر باعلاننىڭ قۇنىمەن تەڭ بولسا كەرەك.

    − جارايدى، قاينىم! ەندەشە، سارى مايعا جەتى تال قارا قوڭىز ورايمىن. جەتەۋىن دە تولىق جۇتا الساڭ بۇل سارى ماي سەنىكى بولسىن، جۇتا الماساڭ استىڭداعى اتىڭ مەنىكى بولسىن،– دەيدى قالجىڭداپ.

    سودان، جەڭگەسى جەتى تال قارا قوڭىزدى مايعا وراپ قاينىسىنىڭ الدىنا قويادى. مايعا وراعان جەتى تال قوڭىزدى كوزىن جۇمادى دا قىلعي سالىپ، ءبىر قارىن مايىن وڭگەرىپ ۇيىنە بارادى. سالدەن كەيىن الگى قوڭىزدار قۇرساعىندا جۇرە باستاعانداي بولىپ جۇرەگى اينىپ قۇسادى. سوندا ايەلى: «بارەكەلدى جەتەۋى دە ءتۇستى» دەپ قۋانسا كەرەك. كوزى جاساۋراعان كۇيەۋى: «اياعىن ساناشى تولىق پا ەكەن» دەپتى ساسقانىنان.

    قازاقتىڭ الاشا قاپتى ۇنى كوشتىڭ سوڭىندا قالادى. جۇك ارتىسىپ البارىندى بولىپ جۇرگەن جىگىتتەر الاشا قاپقا كەلگەندە شەگىنشەكتەپ، وگىزگە قاپتى ورتالاپ ارتپاقشى بولىپ جاتقاندا جاتقانباي قازىبەك ۇلى (باستەسۋشى جاتقانباي بۋراتالا وبلىسى اراسان اۋدانىندا، 87 جاستا) دەگەن جاس جىگىت كەلەدى دە:

    − ونىڭ نەسىنە قينالاسىڭدار، ونىڭ جايى جەڭىل عوي،–دەيدى. سوندا جەڭگەسى شاكەن ازىلگە باسىپ باسكە شاقىرادى دا:

    − سەن مىنا قاپتى جالعىز ءوزىڭ كوتەرىپ، وگىزگە سالا الساڭ، انەۋ قويدىڭ شەتىندە تۇرعان قوڭىر توقتىنى ساعان بەرەمىز،–دەيدى قورالى قوي شەتىندە وقشاۋلاۋ تۇرعان سەمىز توقتىنى نۇسقاپ.

    جەڭگەسىمەن باستەسكەن جاتقانباي بەلىن بەلبەۋمەن مىقتاپ بۋىپ، جۇك ارتىسقان جىگىتتەرگە وگىزدىڭ باسىن مىقتاپ ۇستاتادى دا «ءاۋپ» دەپ كىسى بويى قاپتى وگىزگە سالا قويادى.

    وسى كەزدە جەڭگەسى شاكەن:

    − بوتەن ەمەسسىڭ، قاينىمسىڭ، ەردىڭ كۇشى ەسەپكە جۇرمەيدى ەمەس پە، باستەن ءوز ەركىممەن شەگىندىم،–دەپ ايتقان سەرتىنەن تايادى. سوندا نەمەرە اعاسى راقىمبەك:

جاۋاپتى رەداكتور: گۇلدەن ماقسات قىزى