ءداۋىر قۇشاعىندا تۇرىپ، ءداۋىردىڭ العاباسارلىعىن جىرلايىق

  • كەلۋ قاينارى: ىلە گازەتى
  • 04:52:25 15/02/2018

    

    عايرات اسىم

    (شينجياڭ ۇيعۇر اۆتونوميالى رايوندىق ادەبيەت–كوركەمونەرشىلەر بىرلەستىگى پارتگرۋپپاسىنىڭ ورىنباسار شۋجيى، بىرلەستىكتىڭ ءتوراعاسى)

    

    باس شۋجي شي جينپيڭ ادەبيەت–كوركەمونەر قىزمەتى اڭگىمە ماجىلىسىندە بىلاي دەپ اتاپ كورسەتكەن ەدى: «ءبىر ءداۋىردىڭ ادەبيەت–كوركەمونەر جەتىستىكتەرىن باعالاعاندا، تۇپتەپ كەلگەندە، تۋىندىلارعا قاراۋ كەرەك. ادەبيەت–كوركەمونەردىڭ گۇلدەنۋى مەن دامۋىن ىلگەرىلەتۋ ءۇشىن، اينالىپ كەلگەندە، ۇلى ۇلتىمىزدىڭ، ۇلى ءداۋىرىمىزدىڭ ءۇمىتىن اقتايتىن تاڭداۋلى تۋىندىلاردى شىعارۋ كەرەك». «ادەبيەت–كوركەمونەر قىزمەتكەرلەرى شىعارماشىلىقتىڭ وزدەرىنىڭ وزەكتى مىندەتى، شىعارمانىڭ وزدەرىنىڭ سالاۋاتتى ءومىر ءسۇرۋىنىڭ نەگىزى ەكەنىن ەستەن شىعارماي، بار زەيىن–زەردەسىمەن شىعارماشىلىققا دەن قويىپ، حالىققا ەڭ جاقسى رۋحاني ازىق سيلاۋى كەرەك». مەن مۇنان ادەبيەت–كوركەمونەر قىزمەتكەرلەرى ءار قانداي كەزدە قۇلشىنا ۇيرەنۋى، جاسامپازدىقتى وزدەرىنىڭ ەڭ ماڭىزدى ءىسى دەپ ءبىلۋى، وزدەرىنە قاتاڭ تالاپ قويۋى، ءوز جاسامپازدىعىنا جاۋاپكەر بولۋى، اسقاق مۇرات ورناتۋى، حالىققا ەڭ تارتىمدى تۋىندىلارىن ۇسىنۋى كەرەك دەگەندى ۇعىندىم.

    مەن ادەبيەتكە وقۋعا تۇسكەننەن باستاپ قۇشتار بولدىم. جازۋدى تاپقىرلاعان ارعى اتا–بابالاردىڭ بىزگە كۇللى دۇنيەنىڭ پاراساتىن جانە ادامزات تاريحىنىڭ دامۋىن جەبەيتىن عىلىم–تەحنيكا، مادەنيەت جاۋھارلارىن، بايىرعى ولەڭ–جىرلاردى، سونداي–اق قۇندى ءومىر تاجىريبەلەرىن قالدىرعانىنا ءتانتىمىن.

    ورتالاۋ مەكتەپكە تۇسكەننەن باستاپ ادەبيەت–كوركەمونەر تۋىندىلارىنا اڭسارىم اۋدى. ول تۇستا اكەم «ىلە گازەتىندە» قىزمەت ىستەۋشى ەدى، وتباسىمىز كوپ ۇلت شوعىرلانعان اۋلادا تۇراتىن. ساباقتاستار بولسىن، كورشىلەر بولسىن ءوزارا «ارتقى شەپتەگى قارۋلى جۇمىسكەرلەر اتىرەتى»، «قۇرىش قالاي شىڭدالدى» دەگەن كىتاپتاردى، گو شياۋچۋاننىڭ، ايچيىڭنىڭ، پۋشكيننىڭ ولەڭدەرىن ءبىر بىرىمىزدەن الىپ وقىپ تۇراتىنبىز. ايچيىڭنىڭ:«مەكەنگە تەرەڭ ماحاببات، جاس ىركەدى جانارعا» دەگەن سياقتى ولەڭ جولدارى انە سول شاقتاردا كوكەيىمدە قالىپتى.

    كىتاپ _ ادام باۋليتىن ماڭىزدى ەلەمەنت جانە كاتاليزاتور. جاقسى كىتاپتىڭ ءبارى دە ۋاقىت كەرۋەنى سيلاعان اسىل قازىناداي بىزگە ءنار بەرىپ، قاناتىمىزدى قاتايتادى، ءۇمىت باعىشتاپ، ءومىردىڭ مۇلدە جەڭىستىك بەرمەيتىن ماشاقاتتان تۇرمايتىندىعىن ۇعىندىرادى. ۇرپاقتان ۇرپاققا جالعاسقان ادام بالاسىن قيىندىقتاردى جەڭىپ، جىگەرىن جانىپ، ومىردەن وزىندىك ورىن تاۋىپ، شۇعىلا شاشۋعا جەبەيدى. ونداعى باسقالاردىڭ تاجىريبەسى بىزگە ەش بوداۋسىز مەدەت باعىشتاپ، ءوزىڭدى تانۋىڭا، نۇرلى بولاشاققا تالپىنۋىڭا جول اشادى، جۇيەدەن كىتاپ وقۋ ءبىزدىڭ ەسەيۋىمىزگە سارقىلماس كۇش–قۋات سيلايدى. كەيىن كەلە مەن ەرىكتى شىڭدايتىن، مادەنيەتكە، سالت–داستۇرگە، ادەبيەتكە ساياتىن قىرۋار كىتاپتار وقۋ بارىسىندا، جاقسى، دۇرىس كىتاپ وقۋ _ ءبىر ادام جونىنەن باقىت ەكەن دەگەن وي تۇيىندەدىم.

جاۋاپتى رەداكتور: گۇلدەن ماقسات قىزى