ءداۋىر قۇشاعىندا تۇرىپ، ءداۋىردىڭ العاباسارلىعىن جىرلايىق

  • كەلۋ قاينارى: ىلە گازەتى
  • 04:52:25 15/02/2018

 اۋدارماداعى نازىك بەينەلەۋلەردى ءتول شىعارماداعى سويلەم پورماسىمەن قۇلپىرتىپ شىعارۋ ءۇشىن، اتالمىش قايتالاي جاسامپازدىق دەگەننىڭ نازارياسىن جانە ونىڭ قۇپيا قۇرساۋىندا تۇرعان شامانى يگەرۋگە كۇش سالۋىڭ شارت ەكەن. سونىمەن مەن ءوزىمنىڭ قوس تىلدە جازعان شىعارمالارىمدى –سولءبىر حيكايالارىمدى قايتا جازۋعا قۇلشىندىم. الايدا ەكىنشى ءبىر تىلمەن جەتكىزۋ جاعىندا بۇرىنعىداي الدە ءبىر پورمامەن شەكتەلمەدىم، قايتا قالىپتاسقان، داعدىلى ءتىل پورمالارىن تاڭداپ، انىق، ۇعىنىقتى بولۋ تالابىنا جانە ەستەتيكا جاعىنداعى تالاپتارعا جەتتىم. بەيتانىس ءارى توسىن كەشىرمەلەر بارىسىندا ۇقساماعان تىلدەردىڭ كومەسكى كوركەمدىكتەرى مەن مۇمكىندىكتەرىن بايقادىم. بۇل دا ءبىر امالياتتىڭ سيى بولدى.

    قوس ءتىلدە شىعارما جازۋدى ءبىر ءتۇرلى جاڭا باستاما دەۋىمىزگە بولادى. قازىر قوس ءتىل وقۋ–اعارتۋى جاپپاي جۇرگىزىلىپ، بولاشاقتا قوس تىلدە شىعارما جازۋعا زور مۇمكىندىك اپەردى. وسىناۋ شالقار داۋىردە كىسىنىڭ جۇرەك قىلىن شەرتەتىن قىرۋار تارتىمدى شىعارما تۋىندايتىن بولادى. بىزگە ءمالىم، تابىسقا جەتكەن ادەبيەت–كوركەمونەرشىلەر دە ىزدەنۋ، تولىسۋ، تابىسقا جەتۋ بارىسىندا كوپ ۇلتتىڭ تاڭداۋلى مادەنيەت جەتىستىكتەرىنەن ءنار العان؛ فيلوسوپيادان، قوعامدىق عىلىمداردان، ادەبيەتتەن، مۋزىكادان، ۇلى تابيعاتتان سۋسىنداعان؛ ءومىردى، جاسامپازدىقتى قىزۋ سۇيەتىن ادامداردىڭ قولداۋىنا يە بولعان. قورعاس اۋدانىنىڭ مىڭجىن گوڭشىسىندا (سۇييۋان قالاشىعى) زيالى جاستار قاتارىندا بولعان كەزىمدە بەستە قامسىزداندىرىلاتىن ءبىر اجەيدىڭ ءبىر قالتا الما جىبەرىپ بەرگەنى مەنىڭ دە ەسىمنەن شىقپايدى. 1976–جىلى مەن اۋىلعا ءتۇسىپ زيالى جاستار اتىرەتىمەن بىرگە 4–ۇلكەن اتىرەتتىڭ 2–اتىرەتىندە، ياعني الماباق اتىرەتىندە بولدىم. باق وتە ۇلكەن ەدى، جاز كۇندەرى ءبىزدىڭ دۋماندى ورتامىزعا اينالاتىن. وراق ماۋسىمى باستالعاندا ءوندىرىس اتىرەتى ەر–ايەلدەردى سولتۇستىك ادىرداعى بەينام ءبيدايدى ورۋعا جىبەرەتىن. مەن ونىڭ كوكتەمگى ەگىس جۇمىسىنا دا قاتىناسقانمىن، سوقا تىركەلگەن تراكتور قۇيقالى اتىزدى جىرتقان سوڭ، كادەۋىلگى ەكى ديقان تراكتور سوڭىنان تۇقىم سەبەتىن، وڭ قولتىعىنا قىسقان تەگەنەدەگى ءبيداي تۇقىمىن تراكتور جىرتىپ كەتكەن جەرگە ۋىستاپ شاشاتىن، سوڭىنان قوس ات سۇيرەگەن باستىرعىمەن تۇقىم بەتى جاسىرىلاتىن، تۇقىم وسىنداي بايىرعى تاسىلمەن ءسىڭىرىلەتىن. بۇكىلدەي جاڭبىر سۋىنا سۇيەنەتىن، كوسىلگەن القاپتى الىپ جاتقان ءبيداي شىلدە ايىندا ءپىسىپ، تىرشىلىكتىڭ ەڭ زور ءۇمىتى مەن سۇيەنىشىنە اينالاتىن. ءار كۇنى اقشامداعى جۇمىستان ورالىپ، كەشكى تاماقتى ىشكەننەن كەيىنگى ۋاقىتتا كوكتەن جامىراعان سام ءبىزدىڭ ءان–جىرىمىزعا ۇيىپ قالعانداي سەزىلەتىن. قىز–جىگىتتەر ىلە حالىق اندەرىن مۇراتىنا جەتكىزىپ قوسىلا شىرقايتىن. وسىنداي كەشتەردىڭ بىرىندە جۇرت تىنا قالسىن، الدە كىم ات تۇياعىنىڭ ءدۇبىرىن ەستىسىن. كانىگى ازاماتتار جاتا قالىپ، قۇلاعىن جەرگە توسەپ، الىستان جەتكەن ات تۇياعىنىڭ ءدۇبىرى بار–جوقتىعىن اڭداسىن. ءيا، ات تۇياعىنىڭ ءدۇبىرى دەسەتىن ولار،–ورىندارىنان تۇرا سالىپ،–باعىتى وسىلاي. كوپ ۇزاماي ات اربانىڭ سۇلباسى كورىنگەندە كوپشىلىك الاقايلاپ لاپ قوياتىن، سەبەبى ءبارى دە ۇيلەرىنەن سالەمدەمە دامەتۋشى ەدى. مەن قوزعالمادىم. دابىر–دۇبىر باسىلعاندا ارباكەش مەنىڭ اتىمدى اتاپ دابىستادى، قاسىنا بارعانىمدا ءبىر دوربا المانى قولىما ۇستاتا بەرىپ، مۇنى اناۋ بەستە قامسىزداندىرىلاتىن شەشەيدىڭ بەرگەنىن ايتتى. مەن قاتتى تەبىرەندىم، كوڭىلىم كىربەڭ تارتقان وسى ءبىر كەشتە مۇنداي ساۋعاعا يە بولۋ ماعان مول جۇرەك جىلۋى مەن تەرەڭ سۇيىسپەنشىلىك باعىشتادى.

جاۋاپتى رەداكتور: گۇلدەن ماقسات قىزى