ءداۋىر قۇشاعىندا تۇرىپ، ءداۋىردىڭ العاباسارلىعىن جىرلايىق

  • كەلۋ قاينارى: ىلە گازەتى
  • 04:52:25 15/02/2018

    مەنىڭ شىعارمالارىمداعى كەيىپكەرلەردىڭ دەنى ومىردەگى وسىنداي قاراپايىم جاندار. مەن ولاردان كوپتەگەن تاماشا نارسەلەردى ۇيرەندىم، ەسەيۋ بارىسىنداعى بەيمازالىق پەن اشتى–تۇشتىنى قامتىعان ءبىرقىدىرۋ تاجىريبەلەردى قابىلدادىم. ءومىر كۇندە گۇلدەي قۇلپىرىپ تۇرمايدى، الايدا ءار كۇنگى تىرلىك ءومىر شىرايىن بارىنشا اشا ءتۇسۋگە ارنالادى. مىعىم تاباندىلىق تانىتىپ، اتا–انامىزدى، ءوزىمىزدى، دوستارىمىزدى، ءبىزدى باۋلىپ وسىرگەن حالىقتى سۇيە بىلسەك، وسىنىڭ ءوزى ءبىر ءتۇرلى ەسەيۋ، تاربيەلەنۋ بولماق. بۇل وتە باي مازمۇندى، كوركەم بارىس.

    مەن ءداۋىردىڭ دامۋ اياق الىسىن، بايتاق شينجياڭنىڭ وسىناۋ جىلدارداعى وزگەرىسىن، ءار ۇلت حالقىنىڭ كۇن سايىن تۇلەگەن تىرلىگىن بەينەلەۋ، ۇزدىك شىعارمالارمەن حالىققا دەم بەرۋ، حالىقتى ىنتىماققا ۇيىتۋ–قالامگەر بولعان بىزدەردىڭ جاۋاپكەرلىگىمىز ءارى داڭقىمىز ەكەنىن تەرەڭ اڭعاردىم.

    (حانزۋشا «شينجياڭ گازەتىنىڭ»2017–جىلى قىركۇيەكتىڭ 7–كۇنگى سانىنان)

    اۋدارعان ساۋلەت توقتىبايەۆ

جاۋاپتى رەداكتور: گۇلدەن ماقسات قىزى