جاڭا داۋىردە پارتيانى جاپپاي قاتاڭ جونگە سالۋ جونىندە تاعى دا اتتانىسقا كەلەيىك

  • كەلۋ قاينارى: ىلە گازەتى
  • 08:06:33 23/02/2018

 

    ليۋ ايمەي

    (اۆتونوميالى رايوندىق پارتكومنىڭ ساياسات زەرتتەۋ كەڭسەسى، پارتيا قۇرىلىسىن زەرتتەۋ باسقارماسى)

 

    پارتيا 19–قۇرىلتايىندا جاڭا داۋىردەگى پارتيا قۇرىلىسى جونىندە تىڭ دا جالپى تالاپتار العا قويىلدى. 19–قۇرىلتاي بايانداماسىندا بىلاي دەپ اتاپ كورسەتىلدى: جۇڭگوشا سوتسياليزم جاڭا داۋىرگە قادام تاستادى، پارتيامىز، ءسوز جوق، تىڭ بەينە بايقاتىپ، تىڭ ۇلەستەر قوسۋ كەرەك. پارتيامىز بۇكىل ەلىمىزدەگى ءار ۇلت حالقىن ىنتىماقتاستىرا باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جانە قوس «ءجۇز جىلدىق كۇرەس نىساناسىن» جۇزەگە اسىرۋ كەرەك. پارتيانىڭ باسشىلىعى جانە پارتيانى پارتيا باسقارۋ، پارتيانى جاپپاي قاتاڭ باسقارۋ _ ءبىزدىڭ كۇرەس نىسانامىزدى جۇزەگە اسىرۋداعى شەشۋشى ءتۇيىن ەسەپتەلەدى.

    جاڭا داۋىردە پارتيانى جاپپاي قاتاڭ جونگە سالۋ جونىندە تاعى دا اتتانىسقا كەلەيىك

    پارتيا 19–قۇرىلتايىنىڭ بايانداماسىندا جۇڭگوشا سوتسياليزمنىڭ ەڭ ماندىك ەرەكشەلىگى _ جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ زور ابزالدىعى _ جۇڭگو كوممۋنيستىك پارتياسىنىڭ باسشىلىعى ەكەندىگى اتاپ كورسەتىلدى. پارتيا 18–قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا ءىشى مەن بۇقارا تىلەگىنە ءۇن قاتىپ، پارتيا ىشىندە ورىن تەۋىپ وتىرعان كورنەكتى كىناراتتار الدىندا تايسالماي، شەگىنبەي، بەرىك جىگەرمەن جانە وسكەلەڭ مورالمەن توتەپ بەرىپ، قاتاڭ شارامەن جەمقورلىققا قارسى تۇرىپ، سۇرقيالىقتى جازالاپ، ستيل دۇرىستاپ، ءتارتىپتى قاتاڭداستىرىپ، تىنباي ۇلەس قوسىپ، «ءتورت ۇلكەن سىناققا» توتەپ بەرىپ، «ءتورت ءتۇرلى حاۋىپ–قاتەردى» الاستاپ، پارتيا ىشىندەگى ساياسي ەكولوگيانى ۇزدىكسىز جاقسارتىپ، بۇكىل پارتيانىڭ مۇرات–سەنىمىن ءتىپتى دە بەكەمدەپ، پارتيانى كىرشىكسىزدەندىرىپ، ءوزىن كەمەلدەندىرىپ، جاڭالاپ، وزىندىك قابىلەتىن ۇزدىكسىز ارتتىرىپ، پارتيانىڭ بيلىك جۇرگىزۋ نەگىزى مەن بۇقارالىق نەگىزىن اناعۇرلىم بەكەمدەپ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن كورنەكتى كۇشەيتتى.

    پارتيانى جاپپاي قاتاڭ جونگە سالۋ ج ك پ 18–كەزەكتى ورتالىق كوميتەتى قىزمەتىنىڭ ەڭ كورنەكتى تۇيىنىنە اينالدى، الايدا، «ءتورت ۇلكەن سىناق» پەن «ءتورت ءتۇرلى حاۋىپ–قاتەر» ءالى دە جۇڭحۋا ۇلتىنىڭ ۇلى گۇلدەنۋىن جانە «قوس ءجۇز جىلدىق» كۇرەس نىساناسىن جۇزەگە اسىرۋداعى ەڭ ۇلكەن بوگەت جانە كەدەرگى بولىپ وتىر. سوندىقتان، شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى قاداعالاپ، پارتيا 19–قۇرىلتايىنان كەيىن پارتيانى جاپپاي قاتاڭ جونگە سالۋدى تيتتەي دە بوساڭسىتپاي، ودان تيتتەي دە شەگىنبەي، حالىق بۇقاراسى نەگە قارسى تۇرسا، نەنى جەك كورسە، پارتيا سودان باتىل ساقتانۋدى جانە ونى تۇزەتۋدى تالاپ ەتەدى. پارتيا 19–قۇرىلتايىنىڭ بايانداماسىندا پارتيانى جاپپاي قاتاڭ جونگە سالۋ جونىندە تاعى دا اتتانىسقا كەلەيىك دەگەن ۇران جاريالانىپ، جاڭا داۋىردەگى پارتيا قۇرىلىسىنىڭ جالپى تالابى العا قويىلدى.

جاۋاپتى رەداكتور: گۇلدەن ماقسات قىزى