«قۇربان رۋحىنىڭ» جاڭا داۋىردەگى ءمانىن يگەرەيىك

  • كەلۋ قاينارى: ىلە گازەتى
  • 08:08:21 23/02/2018

   

    فان جيڭپىڭ

    (گانسۋ ولكەلىك جۇڭگوشا سوتسياليزم نازارياسى جۇيەسىن زەرتتەۋ ورتالىعى)

 

    باس شۋجيى شي جينپيڭ پارتيا 19–قۇرىلتايىنىڭ بايانداماسىندا مىنانى اتاپ كورسەتتى: « جۇڭگو كوممۋنيستەرىنىڭ العاشقى ماقساتى مەن بورىشى جۇڭگو حالقىنىڭ باقىتىن كوزدەپ، جۇڭحۋا ۇلتىنىڭ گۇلدەنۋىن كوكسەۋ بولدى. وسى العاشقى ماقسات پەن بورىش –جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش». «قۇربان رۋحى» _ جۇڭگو كوممۋنيستىك پارتياسىنىڭ شينجياڭداعى ءار ۇلت بۇقاراسىن باستاپ قۇلاشىن كەڭ جايعان سوتسياليستىك قۇرىلىستىڭ ۇلى امالياتى بارىسىندا قالىپتاسقان ۇلى رۋح جانە داڭقتى ءداستۇر بولىپ، تاريحي بەلگىگە جانە ءداۋىر رۋحىنىڭ ۇلگىسىنە اينالدى. 2017–جىلى قاڭتاردا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭنىڭ حوتان ايماعىندا تۇراتىن قۇربان تۇلىمنىڭ قىزى توحتىحان قۇربانعا جاۋاپ حات جازىپ، «قۇربان رۋحىنىڭ» ۇرپاقتان ۇرپاققا جالعاسىپ، ماڭگى وشپەيتىن، داۋىرمەن بىرگە ىلگەرىلەپ، ۇزدىكسىز جاڭالانىپ وتىراتىن رۋحاني ەرەكشەلىگىن ايگىلەدى.

    جاڭا داۋىردە «قۇربان رۋحىن» ساۋلەلەندىرۋ دەگەنىمىز «پارتيانى، وتاندى، جۇڭحۋا ۇلتى ۇلى وتباسىن قىزۋ ءسۇيۋدىڭ» ءمانىن وزگەرتپەۋگە تاباندى بولۋ دەگەندىك

    قۇربان تۇلىم 1883–جىلى شينجياڭنىڭ كەريا اۋدانىنداعى كەدەي ۇيعۇر وتباسىندا دۇنيەگە كەلگەن، بالا كەزىندە اكە–شەشەسىنەن بىردەي ايىرىلىپ، جەتىمدىكتى، اشتىقتى كوپ كورىپ حايۋاننان بەتەر ايانىشتى ءومىر وتكىزگەن. شينجياڭ ازات بولعاننان كەيىن پارتيا شينجياڭداعى ءار ۇلت حالقىن باستاپ پارتيا قۇرۋ، ۇكىمەت قۇرۋ، دەموكراتياعا رەفورما جۇرگىزۋ، سوتسياليستىك وزگەرتۋ سىندى ءتۇرلى قىزمەتتەردى بەلسەنە ورىستەتتى. وسىدان كەيىن قۇربان تۇلىم جاڭا تۇرمىسقا قول جەتكىزىپ، وزىنە تاۋەلدى ءۇي جانە جەرگە يە بولىپ، ايىرىلىپ كەتكەن تۋىستارىمەن قايتا تابىسىپ، باقىتتى دا تاماشا تۇرمىس وتكىزدى. جاڭا قوعام مەن كونە قوعامنىڭ ايقىن سالىستىرماسى ونى شىن جۇرەكتەن جۇڭگو كوممۋنيستىك پارتياسىنا، ءتوراعا ماۋ زىدۇڭعا العىس ايتۋعا، جۇڭگو كوممۋنيستىك پارتياسىنا دەگەن تەرەڭ سۇيىسپەنشىلىگىن پارتياعا تاباندىلىقپەن ىلەسۋ بەكىمىنە اينالدىردى. قۇربان اتاي كوپ رەت «ەسەككە ءمىنىپ بەيجيڭگە ءتوراعا ماۋ زىدۇڭعا امانداسا بارىپ، ۇيعۇر حالقىنىڭ العىسىن جەتكىزۋدى ويلاعان. ول 1959–جىلى شىلدەدە جۇڭگو كوممۋنيستىك پارتياسىنا كىرگەن، ەكى رەت ءتوراعا ماۋ زىدۇڭنىڭ قابىلداۋىندا بولعان. تاريحتىڭ ءوزىنىڭ كۇشى بولادى، قۇربان تۇلىم ءوزىنىڭ مىزعىماس مۇرات–سەنىمى، ادال ساياسي قاسيەتى، دۇرىس مەن بۇرىستى ايقىن ايىراتىن مايدانى، بۇقارامەن قارىم –قاتىناس جاساۋ ستيلى ارقىلى شينجياڭداعى ءار ۇلت حالقىنىڭ تاڭداۋلى ۋاكىلى جانە شينجياڭداعى ءار ۇلت حالقىنىڭ ۇيرەنۋ ۇلگىسىنە اينالدى.

جاۋاپتى رەداكتور: گۇلدەن ماقسات قىزى