پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى تەرەڭ تۇسىنەيىك

  • كەلۋ قاينارى: ىلە گازەتى
  • 05:04:57 13/03/2018

    ياۋ حۋان

 

    پارتيا 19 - قۇرىلتايىنىڭ بايانداماسىندا تاريحي جانە رەال تاجىريبەلەردى قورىتىندىلاۋ نەگىزىندە جاڭا داۋىردەگى پارتيا قۇرىلىسىنىڭ جالپى تالابى ايقىن تۋ ۇستاي وتىرىپ العا قويىلدى، مۇنىڭ ىشىندە پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ ەڭ ماڭىزدى. پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ پارتيا قۇرىلىسىنىڭ ءتۇبىرلى ماقساتى مەن ءتۇبىرلى پرينسيبىن ايقىنداپ، جاڭا داۋىردە پارتيانى جاپپاي جونگە سالۋدى تاباندىلىقپەن ىلگەرىلەتۋدە پروگراممالىق جەتەكشىلىك رول اتقارىپ، «ەكى 100 جىلدىق» كۇرەس نىساناسىن جانە جۇڭحۋا ۇلتتارىنىڭ ۇلى كوركەيۋى سىندى جۇڭگو ارمانىن جۇزەگە اسىرۋدى تۇبەگەيلى قامتاماسىز ەتۋ رولىن اتقاردى.

    جاڭا داۋىردە ۇلى ينجەنەريا قۇرۋدا پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ كەرەك

    پارتيانىڭ 19 - قۇرىلتايىنىڭ بايانداماسىندا تۇراقتاندىرىلعان جاڭا داۋىردەگى پارتيا قۇرىلىسىنىڭ جالپى تالابى پارتيامىزدىڭ وزىندىك قۇرىلىسىنىڭ زاڭدىلىعىنا بولعان تانىمىنىڭ تەرەڭدەگەندىگىن، ول پارتيا قۇرىلىسىنىڭ نازاريالىق لوگيكاسىنىڭ، تاريحي لوگيكاسىنىڭ جانە امالياتتىق لوگيكاسىنىڭ ورگانيكالىق بىرلىگى ەكەنىن بەينەلەدى. جالپى تالاپتا العا قويىلعان پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ - اتالعان ءۇش لوگيكانى بىرلىككە كەلتىرۋدىڭ تابان تىرەر تياناعى. تاريح تا، اماليات تا مىنانى بەينەلەدى: جۇڭگو كوممۋنيستىك پارتياسى قاشان دا وزىندىك قۇرىلىس ءۇشىن وزىندىك قۇرىلىس جۇرگىزبەيدى، پارتيا قۇرىلىسى، سايىپ كەلگەندە، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن جوعارىلاتىپ، پارتيانىڭ توڭكەرىسكە، قۇرىلىسقا جانە رەفورماعا باسشىلىق ەتۋ قۋاتىن جوعارىلاتىپ، پارتيا ارقالاعان ۇلى تاريحي مىندەتتى تۇبەگەيلى ورىنداۋ ءۇشىن جۇرگىزىلەدى.

    سوناۋ رەفورما جاساۋ، ەسىك اشۋدىڭ العاشقى كەزەڭىندە-اق، پارتيامىز پارتيا باسشىلىعى مەن پارتيا قۇرىلىسىنىڭ قاتىناسى جونىندە ىزدەنىس جاساعان. 1979-جىلى دىڭ شياۋپيڭ جولداس پارتيانىڭ نازاريالىق كەڭەسىندە ءتورت نەگىزگى پرينسيپتى ايقىن العا قويعان. ءتورت نەگىزگى پرينسيپتە تاباندى بولۋدىڭ ۇيتقىسى - پارتيانىڭ باسشىلىعىندا تاباندى بولۋ. پارتيانىڭ 12 - قۇرىلتايى پارتيانى سوتسياليستىك وسىزامانداندىرۋ ىستەرىنە باسشىلىق ەتەتىن بەرىك ۇيتقى ەتىپ قۇرۋدى تالاپ ەتتى، مۇندا سوتسياليستىك وسىزامانداندىرۋ داۋىرىندەگى پارتيا قۇرىلىسىنىڭ نىساناسى مەن نەگىزگى باعىتى العا قويىلدى. سودان باستاپ، پارتيامىز وسىزامانداندىرۋ قۇرىلىسى تۇسىنداعى پارتيا قۇرىلىسىنا قاتىستى ەلەۋلى نازاريالىق جانە امالياتتىق ماسەلەلەر جايىندا قاشان دا پارتيا قۇرىلىسى مەن پارتيانىڭ باسشىلىعىن تىعىز بىرلەستىرە ىزدەنىس جاسادى. مۇنىڭ سەبەبى پارتيامىز سوتسياليستىك وسىزامانداندىرۋ ىسىنە باسشىلىق ەتۋ بارىسىندا، پارتيانىڭ باسشىلىعىندا تاباندى بولۋدى سوتسياليستىك وسىزامانداندىرۋ قۇرىلىسىنداعى جانە پارتيانىڭ وزىندىك قۇرىلىسىنداعى باعىتتىق، ءتۇبىرلى ماسەلەلەر رەتىندە مىقتى يگەرگەندىكتەن عانا پارتيامىز مىعىم تۇردە باسشىلىق ۇيتقىلىق رول اتقارىپ، بۇكىل ەل حالقىن باستاپ قيىنشىلىقتارعا توتەپ بەرىپ، شايقاستاردا جەڭىسكە جەتىپ وتىردى. سونىمەن بىرگە، پارتيامىز ءوزى دە ۇلى ىسكە باسشىلىق ەتۋ امالياتى بارىسىندا اناعۇرلىم قايسار، قۋاتتى بولىپ شىڭدالدى.

جاۋاپتى رەداكتور: گۇلدەن ماقسات قىزى